رواية نسيم العشق الفصل السابع عشر 17 - بقلم يارا عبد العزيز

و كان لسه هيقرب منها بس فجأة سمعوا صوت جاي من الڤيلا اللي جنبهم. جنة: عيسى. عيسى بتوهان: اممم. جنة: فيه صوت جاي من الڤيلا اللي جنبنا. عيسى وهو مش قادر يبعد عنها: سمعته يجنة و ملناش دعوة، سيبك منهم. جنة: دا صوت طنط فريدة، هي ست كويسة جدا، روح شوف ممكن يكون حرامي ولا حاجة. عيسى: هتلاقيها بتزعق مع حد من قرايبها، سيبك بقى خلينا فى نفسنا. جنة بعدت بخجل: روح شوف، والله خايفة عليها. عيسى

بضيق وهو بيسحبها لحضنه: هنروح بكرة نشوفها. جنة: يعيسى دلوقتى. فجأة سمعوا صوت عالي جدا من فريدة وهي بتقول: الحقوني. بعد بصعوبة وهو بيعدل هدومه و كان لسه هيخرج من الباب. جنة: جاي معاك. عيسى بغضب: تيجي معايا فين؟ انتي مش شايفة انتي لابسة ايه، خليكي هنا. جنة برقة: تمام.

بلع ريقه وهو بيبصلها و خرج من البيت بسرعة، دخل الڤيلا لاقى الباب مفتوح ربع فتحة، دخل وقف فى الصالة و هو بيبص يمين و شمال، سمع صوت جاي من فوق طلع بسرعة، فتح باب الأوضة، لاقى عاصم ماسك ايد فريدة و بيحاول ياخدها وهي بتحاول تقاومه بس مش عارفه بسبب قوته، فعيسى واخد نفس جسم أبوه الرياضي. عاصم: يلا يا فريدة، انتي هتيجي معايا، أنا مش هسيبك هنا كتير، وازاي أصلا تخرجي من البيت من غير إذني. فريدة ببكاء

وهي بتحاول تبعد ايده: مش عايزة اجاي معاك، مش عايزة ابقى معاك يا عاصم، خليني هنا لحد ما يرجع كريم من السفر. راح عندهم و بعد ايد عاصم بقوة و وقف فى النص. عيسى بغضب و جدية: قالتلك مش عايزة تيجي معاك يبقى خلاص، متاخدهاش غصبن عنها. عاصم بغضب: عيسى الجبالي، انت هنا بتعمل ايه أصلا. عيسى: مبحبش أعيد كلامي كتير، طول ما هي مش عايزة تيجي معاك أنا مش هسمحلك تاخدها.

عاصم بغضب شديد: انت مين يالا عشان تمنعني اني اخاد مراتي و اخرج كدا يا بابا من هنا، متفكرش عشان خدت مناقصة مني يبقى خلاص هتفرض سيطرتك، لا فوق دا أنا افعصك. عيسى ببرود: والله وريني يلا، عايز أشوف آخرك. عاصم طلع مسدسه من جيبه و حاطه فى راس عيسى. فريدة حطيت ايدها على فمها بصدمة وهي خايفة جدا على عيسى و مش عارفه ايه السبب. فريدة بخوف شديد: خلاص خلاص يا عاصم، أنا هاجي معاك بس متعملوش حاجة ارجوك. عاصم: يبعد عن طريقي وهسيبه.

عيسى ببرود و ابتسامة سخرية: أنا والله ما عايز أعملك حاجة لأنك قد أبويا و محترم فرق السن اللي ما بينا، بس مش هصبر كتير. ضربه عيسى فى رجله بقوة ليسقط أرضا، خد المسدس من على الأرض. عيسى ببرود: هاا، هتمشي ولا نبدل الأدوار و أضرب أنا. عاصم: مش هرحمك يعيسى، المرة اللي فاتت خدت المناقصة، المرة دي الموضوع بيتعلق بمراتي اللي هي بالنسبالي حياتي، خاف مني بقى. بعد

كدا كمل وهو بيبص لفريدة: مش هتبعدي عن بيتي كتير يا فريدة، ولا دا ولا ألف غيره هيمنعوني عنك. قال كلامه و سابه و خرج بغضب مفرط. عيسى: حضرتك كويس. فريدة: أيوا شكراً يبني. عيسى بابتسامة: الشكر لله، حضرتك زي والدتي. فريدة: انت عيسى صح، جوز جنة. عيسى: اها. فريدة بدموع حطيت ايديها على خده بتلقائية منها، و عيسى كان مستغرب تصرفها جدا بس كان بشعور جميل.

فريدة: ربنا يبارك فيك يا حبيبي، انت شبه عاصم أوي فى الشكل بس الطبع يختلف تماما. عيسى: أنا تربية الحاج كامل الجبالي، كبير سوهاج كلها. فريدة: انت من سوهاج. عيسى: اه، ممكن اطلب من حضرتك طلب. فريدة: أكيد. عيسى: حضرتك مينفعش تعيشي هنا، هيجي تاني، ممكن تشرفيني وتعقدي معايا أنا و مراتي معانا، هتكوني فى أمان أكتر. فريدة: هسببلكوا إزعاج وانتوا لسه عرسان، خليني هنا أحسن وأنا هدور على بيت تاني غير دا ميعرفوش.

عيسى: طب لحد ما نلاقي مكان وأمنه أنا بنفسي لو سمحتي. فريدة: انت بتعمل كل دا ليه معايا. عيسى: عشان أنا عمدة بلدنا و متعود على كدا، وبعدين دا النبي صلى الله عليه وسلم وصى على سابع جار، يعني دا واجب. فريدة بابتسامة إعجاب: ونعمة تربيتك، تمام، أنا هاجي معاك، استنى خمس دقايق أحضر شنطتي. عيسى: تمام، خدي راحتك، أنا هستنى تحت فى الصالة. فريدة: تمام. فريدة وهي بتبص لطيفة: بتمنى مهما كان ابني فين يكون بنفس أخلاقك وتربيتك.

جنة بخوف: هو اتأخر كدا ليه؟ ربنا يستر، حتى ساب فونه ومخدوش معاه، أروح أشوفه، لو روحت هيزعقلي جامد وهيتحول عليا، لو مجاش كمان ربع ساعة هروح. لبست الأسدال و لفت الطرحة و نزلت قعدت تحت فى الجنينة تستناه. خلصت فريدة و حضرت شنطتها و راحت مع عيسى البيت، لاقوا جنة قاعدة فى الجنينة و باين عليها الخوف. عيسى بغضب: إيه اللي مقعدك هنا. جنة بخوف و توتر: انت انت اتاخرت فقلقت عليك، أنا آسفة. تجاهلها و بص لفريدة. عيسى: اتفضل.

أدخلها البيت و دلاها على غرفة الضيوف اللي هتقعد فيها. فريدة: جنة أنا معندكيش مشكلة صح. جنة: لا طبعاً، البيت بيتك اتفضل. دخلت فريدة الغرفة و جنة طلعت الأوضة و عيسى طلع وراها. خلعت الأسدال بغضب و دموع. عيسى راح عندها و حضن ظهرها بحب و اتكلم بهمس و حنية مفرطة: وحشتيني أوي فى الشوية دول. شالت ايده بزعل طفولي و راحت عند السرير: تصبح على خير. عيسى بحب وهو بيشدها عليه: إيه الطريقة دي بقى.

جنة: بعاملك بنفس الطريقة يبشمهندس، لكل فعل رد فعل. عيسى: زعلانة عشان اتعصبت عليكي تحت. جنة بعتاب: اه، انت اتعصبت عليا قدام طنط فريدة. عيسى: انتي قاعدة تحت فى الجنينة قدام الحرس و مش عايزيني أتعصب. جنة: اممم. مسك ايديها و حضن ايديها بحب: أنا خايف عليكي، مش بتحكم فيكي يجنة، افهمي دا، متزعليش. جنة: تمام. عيسى: طب إيه. جنة بخجل من نظراته وهي بتحط وشها فى الأرض: إيه. رفع

وشها بحنية و بصلها بحب: بلاش دلوقتي يجنة عشان انتي مش فاهمة نفسك و عارف إن الموضوع صعب و إحنا لسه فى بداية جوزانا و أنا هكون معاكي فى أي قرار، المهم تكوني مفكرة كويسة قبل أي حاجة، تمام. جنة: تمام. عيسى: يلا ننام. سحبها من ايديها بحب و اخدها فى حضنه، بدأ يحس بانتظام انفاسها، فضل يدقق شوية فى ملامحها وهو بيبتسم بحب لحد ما ذهب فى نوم عميق. فى الصباح على تربيزة السفرة. عيسى: أتمنى تكوني ارتحتي معانا يا فريدة هانم.

فريدة: ممكن بلاش هانم دي، قول حاجة تانية. عيسى: طنط كويس. فريدة: اها، هو انت تعرف عاصم منين. عيسى: شغل، يلا أنا ماشي، عايزين حاجة. جنة بحب وهي بتبص لعيسى: سلامتك. عيسى بصلها و ابتسم: مش عايزة تيجي معايا. جنة: لا، هقعد مع طنط فريدة، بس حاول متتأخرش عليا. عيسى: تمام. فريدة: يبت، اتقلي شوية. جنة: مش قادرة خالص، شوفتي الوسامة ولا الحلاوة ولا القمر ولا. فريدة بمقاطعة: انتي معجبة بيه يجنة، مبتحبيهوش.

جنة: يواه، ليه انتي وهو بتقولوا كدا. فريدة: عشان دي الحقيقة، بس هو بيعشقك على فكرة. جنة بفرحة: بجد. فريدة: اها، وانتي شوية و هتحبيه، بس ادي لقلبك فرصة. جنة: وإيه اللي مانعك. فريدة بدموع: هاا، متحطيش فى دماغك. جنة: أنا آسفة لو قولت حاجة تضايقك. فريدة: لا يا حبيبتي مفيش حاجة، أنا مبسوطة جدا عشان معاكوا، ربنا وحده اللي عالم أنا حبتكوا أد إيه و كأنكم ولادي. جنة بابتسامة: واحنا كمان حبانكي أوي.

عيسى: أيوا يباشا، طلع من بيته.