رواية نسيم العشق الفصل الثامن 8 - بقلم يارا عبد العزيز

عيسى: عاصم النويري. كامل بخوف شديد: بتقول مين؟ عيسى: عاصم النويري. يجدي فيه إيه؟ كامل بصوت عالٍ: أوعى تاني مرة تدخل قصاد الراجل دا تاني، انت فاهم؟ عيسى باستغراب وهو بيقوم يقف: اهدى يجدي، فيه إيه؟ كامل بغضب: أنا قلت كلامي. يعيسى، شغل مع الراجل دا بالذات مفيش. عيسى: أنا وهو بنشتغل في نفس المجال يجدي، فطبيعي هنتقابل كتير وهنكون قصاد بعض كتير. عاصم النويري من أكبر المنافسين لينا.

كامل: ابعد عن الشغل دا. اقفل شركة المعمار، كفاية المصنع. عيسى: انت بتهزر صح؟ جدي، انت عارف أنا تعبت قد إيه عشان أوصل الشركة للمكان اللي وصلتله دلوقتي، جاي تقولي اقفلها؟ جدي، انت عارف أنا بحترمك قد إيه، بس دا تعب سنين. وكمان مفيش أي سبب مقنع للي بتقوله. كامل في نفسه بخوف: إيه اللي انت بتعمله دا يا كامل؟ كدا هتخليه يشك أكتر. حتى لو كان قصاده، هو كدا كدا مش هيعرف حاجة. ربنا يستر. عيسى: جدي روحت فين؟ انت كويس؟

كامل: أيوا كويس. أنا بس خايف عليك يا ولدي. انت عارف إن عاصم النويري مش سهل. عيسى: بتتكلم كأنك أول مرة تعرف. حفيدك يجدي، متخافش عليا. كامل: ماشي يا ولدي. بس حاول تبعده على قد ما تقدر. عيسى: حاضر. يلا أنا طالعة أنام بقى، انهاردة كان يوم متعب. كامل: ماشي يا ولدي. ربنا يعينك. عيسى وهو يقبل ايده: تصبح على خير. كامل بابتسامة: وانت من أهله. بص كامل

لطيف عيسى واتنهد بحزن: معقول أكبر منافس ليك في شغلك هو أبوك اللي انت من لحمه ودمه؟ ربنا يستر من الجاي. طلع عيسى الأوضة ولاقى جنة نايمة. راح نام جانبها وهو بيسند راسه بإيده. بص لها بحب كبير. عيسى بهمس: كنتي بتسألي ليه؟

عيسى: يا عيسى، بتبقى معايا بشخصية تانية خالص غير الشخصية اللي بتبقى فيها مع الناس. دا لأن عيسى الطفل بيبقى معاكي انتي يجنة. مش برتاح مع أمي اللي ولدتني قد ما برتاح معاكي. ياآه لو فوزت بقلبك مش هبقى عايز أي حاجة من الدنيا. عيسى الجبالي اللي بنات مصر كلهم بيجروا وراه، قلبه نبض لواحدة بتحب غيره. الكلام دا بيوجعني أوي أوي. ياجنة، بحس إن قلبي بيتقطع كل أما افتكر إنك بتحبي أخويا. كمل وهو

بيمسك إيدها وبيقبلها بحب: بحبك. بحبك أوي يجنة. دفن رأسه في عنقها وهو بيستنشق ريحتها. عيسى: امسك نفسك. مينفعش. هي قبل أي حاجة بنت عمك. بدأت أخاف عليها من نفسي. خد الباطنية وحطها على الكنبة ونام عليها. فضل يبصلها لحد ما غمض عينيه. دخل مصطفى المطبخ وهو بيبص يمين وشمال وراه، وهو خايف بشدة من إن حد يشوفهم. مصطفى وهو بيتنهد براحة: كويس إن مفيش حد هنا. المرة اللي فاتت الست جنة كانت موجودة ومعرفتش أعمل حاجة.

طلع إزازة صغيرة فيها بودرة بيضة حطها في طبق وقعد على تربيزة السفرة وبدأ يشمها وهو مغمض عينيه وتايه. مصطفى: مش عارف من غيرك كنت ممكن أعمل إيه في نفسي. كمل بعصبية وهو بيرمي الطبق من قدامه اللي وقع واتكسر: أنا واحد زبالة. مستاهلش حد. مستهلكنيش يا نور. افهمي بقى. قعد على الأرض ومسك إزازة من الموجودين على الأرض. حطها بين إيديه وضغط عليها بقوة. دخلت نور لاقته قاعد على الأرض وإيده بتنزف. راحت عنده بخوف شديد وقعدت جانبه.

نور بخوف شديد: مصطفى. مصطفى. إيدك إيه اللي حصل؟ مصطفى بغضب مفرط: ابعددددي. اطلعي نامي. امشي. ملكيش دعوة بيا. نور: أكيد مش هسيبك وانت كدا. تعال معايا. خدته وحطيت إيده تحت المية عشان توقف النزيف. بخوف شديد منها وقعدته على الكرسي. لاحظت إن فيه علبة إسعافات موجودة على الرف. راحت جابتها بسرعة وقعدت على الكرسي جانبه وبدأت تعقم الجرح. مصطفى بدموع: امشي يا نور. نور: ليه يمصطفى؟

مصطفى: امشي عشان متتأذيش. بقولك امشي. اطلعي وسيبيني. نور بصت للأرض: هو إيه اللي انت عملته دا؟ إيه اللي كان في الطبق؟ مصطفى بخوف شديد: بقولك اطلعي. امشيني. نور اتجاهلته وراحت عند الطبق. بصت باستغراب: إيه دا؟ مصطفى بخوف: دقيق. نور: تمام. هنضفه ونطلع. مصطفى بخوف شديد اتكلم في نفسه: نور لو مسكته هتعرف. لأنها دكتورة. لأ لأ لأ. أنا لازم أمنعها. راح عندها ومسكها بقوة وهو بيبعدها: قولتلك امشي. اطلع.

كانت هتتكلم بس قاطعها مصطفى وهو بيرميها برا المطبخ: امشي يلا. اطلعي فوق بقولك. نور بدموع: آسفة. أنا غلطانة عشان خفت عليك. طلعت نور. بص لطيفها بحزن كبير وضيق من نفسه. دخل المطبخ بسرعة نضف المكان وطلع أوضته. لاقى نور قاعدة على السرير بتعيط. مصطفى: نامي يا نور وبطلي عياط. نور: حتى كمان مش عايزيني أعيط على اللي بتعمله فيا؟ ليه تاخدني بذنب أبويا؟ أنا ذنبي إيه إنه طردك من المستشفى؟ رمى كرسي

التسريحة برجله بغضب مفرط: بطلي. كل شوية تفكريني. بطلي. أه خدتك عشان انتقم من أبوكي، بس معرفتش أذيكي. ليه كل شوية انتي اللي بتأذيني بكلامك؟ ليه يا نور؟ كفاية بقى. نور: ادام انت مش طايقني كدا، طب ما تطلقني. ارمي عليا يمين الطلاق وخليني أخرج من البيت دا وأروح عند بابا وأخويا. لا حول ولا قوة إلا بالله العلي العظيم.

مصطفى بسخرية: مش دلوقتي يا نور. هطلقك بس مش دلوقتي. طول ما انتي معايا، طول ما أبوكي قلبه محروق عليكي. لكن لو سبتك وطلقتك دلوقتي مش هبقى استفدت أي حاجة. وبطلي تختبري صبري أكتر من كدا عشان ما أذيكيش. أنا ماسك نفسي عليكي وعلى تصرفاتك بالعافية. نور بدموع: عارف يمصطفى، وجودي معاك فيه فايدة ليا برضو. لأنه بيخليني أكرهك. ودا بالنسبالي أحسن. لإن مش عايزة أحب واحد زيك. انت بني آدم مريض نفسي بجد.

قالت كلامها وهي بتشد الباطنية عليها وبتنام ببرود عكس اللي جواها من حزن. كان عايز يروح عندها وياخدها في حضنه ويطبطب عليها. مصطفى: لا الأحسن إنك تكرهيني يا نور. واحد بقلبه القاسي زيي ميستاهلش قلبك الطيب دا يا نور. أخد باطنية من الدولاب ونام على الكنبة. في الصباح في بيت عاصم النويري. صحى عاصم وكانت فريدة لسه نايمة. بص

لها بحب كبير واتكلم بهمس: يا ريت لو أعرف مكان ابننا فين. كنت جابته وكنتي هتسامحيني يا فريدة. كنت هخليه مهندس كبير. وكان أكيد هيساعدني. أكيد كان هيقف معايا قصاد عيسى الجبالي. بس أنا أقدر عليه لوحدي. فريدة: انت بتعمل إيه هنا يا عاصم؟ عاصم: عادي يا فريدة. نايم في أوضتي. فريدة بجدية: بعد كدا انت هتنام في أي أوضة تانية غير دي. كريم دلوقتي مش موجود، فإحنا مش مضطرين نمثل على حد إننا بنحب بعض.

عاصم: بس إحنا بنحب بعض يا فريدة. إيه نسيتي الحب الكبير اللي كان بينا واللي كان نتيجته ولدين؟ فريدة: وهم فين الولدين دول؟ واحد منهم ضاع بسببك. ضيعت حتة مني ومن روحي بسببك يا عاصم. عاصم: كفاية بقى يا فريدة. كفاية بقى ٢٨ سنة وإنتي بتعاقبيني. فريدة: اليوم اللي هترجعلي ابني لحضني، وقتها هسامحك. غير كدا متستناش مني أي حاجة. قالت كلامها وهي بتدخل الحمام. بص لطفيها واتنهد بحزن.

صحت جنة لاقت عيسى نايم على الكنبة. لاقت نفسها بتروح عنده. قعدت جانبه وهي بتبصله. مكنتش قادرة تشيل عينيها من عليه. مشيت إيدها على وشه بحنية منها. جنة: شكلك جميل أوي وانت نايم. هموت وأعرف إزاي كتلة الجمال واللطف دي تبقى ابن مرات عمي كريمة. بس طبيعي إنك تبقى كدا. مش تربية جدي. صحى عيسى على حركة أصابع على وشه. بص لاقاها جنة. بصلها بحب كبير وهو بيمسك إيدها. عيسى: صباح القمر.

أستغفر الله العظيم الذي لا إله إلا هو الحي القيوم وأتوب إليه. جنة بخجل: صباح الخير. جت تقوم عيسى مسك إيديها واتكلم بحب وتلقائية: تصدقي إن أحلى صباح إني صاحي على لمستك. جنة بخجل شديد: هجبلك غيار وانت قوم خد دوش. عيسى وهو يقبل إيديها: تمام. شكراً. بصت للأرض بخجل. رفع وشها بحب واتعدل وقعد قصدها. قربها منه ودفن رأسه في عنقها. غمضت عيونها بحب واتكلمت بهمس: عيسى. عيسى: اممم.

فضلوا كدا فترة من الوقت لحد ما الباب خبط. بعد بصعوبة. انتهزت جنة الفرصة وقامت من قدامه بسرعة. ضحك عليها وعلى طفولتها بحب. سرعان ما اتحولت ملامحه للجدية وراح عند الباب وفاتحه بعد ما اتأكد إن جنة دخلت الحمام. عيسى بجدية: أيوا. : كامل بيه بيقولك يبيه إن الفطار بيجهز ومستنين حضرتك انت وجنة. عيسى: تمام. شوية وهنزل. نزلوا عيسى وجنة تحت وكانوا كل العيلة قاعدين على السفرة بما فيهم مصطفى ونور. عيسى بجدية: صباح الخير.

الكل: صباح الخير. جنة: جدي، أنا هروح الكلية انهاردة بعد إذنك طبعاً. كريمة بغضب: هو إيه اللي هتروحي الكلية انهاردة؟ إنتي لسه متجوزة أول امبارح. الناس تقول إيه؟ مسيطرة عليه وخلاته ينزلها الكلية تاني يوم جوازهم؟ إنتي تقعدي على الأقل شهر في البيت تهتمي بجوزك. عيسى بجدية: أما أنا مش معترض. وأنا أصلاً بروح شغلي يعني مش قاعد في البيت على طول. فمفيهاش حاجة لو جنة راحت كليتها.

جنة بصت لعيسى وابتسمت وفي نفس الوقت خافت من كريمة. كامل: ادام جوزك موافق يابنتي روحي. جنة: تمام. عيسى: الحمد لله. كريمة: انت ما أكلتش حاجة. عيسى: هبقى آكل في المصنع. كامل: خد مراتك واختك في طريقك. عيسى: تمام. كلوا براحتكوا. أنا هستناكوا بره. نور: طب ينفع أروح الكلية أنا كمان بعد إذن حضرتك؟

كامل بابتسامة: أول حاجة أنا مسميش حضرتك. إنتي مرات حفيدي. قوليلي جدي. إنتي بقيتي زي جنة وحنين. تاني حاجة أنا هقولك زي ما قولت لجنة. لو جوزك موافق روحي. مصطفى بضيق: أنا قايم. كامل: خد مراتك معاكم. مصطفى: تمام. في كلية الطب جامعة سوهاج. جنة: عيسى، انت جاي معانا؟ عيسى: أيوا. هدخل لواحد صاحبي شغال هنا بقالي كتير مشوفتهوش. وبما إني هنا هدخل أسلم عليه وأمشي. حنين: ماشي يا بيه. يلادخلوا.

تحت نظرات الإعجاب من كل الطالبات لعيسى. بصتلهم جنة بغيظ. جنة كانت جاية تدخل بس خبطت في واحد تحت نظرات الغيرة الشديدة من عيسى. كريم بإعجاب: أنا آسف يا دكتورة. بس مأخدتش بالي. جنة: ولا يهمك. جت تمشي بس كريم وقفها: إنتي في سنة كام؟ اللهم صلى وسلم وبارك على سيدنا محمد وعلى آله وصحبه أجمعين. عيسى: أنا. معتز بمقاطعة: عيسى. إزيك عامل إيه؟ عاش من شافك يا عم. عيسى بص لجنة واتكلم بصرامة: ادخلوا على المدرج بتاعكم. جنة: تمام.

دخلت جنة بخوف من عيسى. كريم بص لجنة بإعجاب واتكلم بتوهان فيها تحت نظرات عيسى: هو فيها قمر كدا؟