رواية و لو بعد حين الفصل السادس عشر 16 - بقلم خلود احمد

متعمليش فيها غبية، انتي عارفة أنا بتكلم على مين. ليال خافت من نبرة صوته وسكتت. بألك مرة تانية، مين ده؟ ليال بصتله وبعدين بصت من الشباك. كان حبيبي القديم. يوسف حرك راسه. اممم، حبيبك القديم! ليال فضلت باصة برا ومردتش عليه، وهو كان سايق بعصبية وبسرعة. وصلوا البيت وهو مكلمهاش تاني خالص. فضل تحت وهى طلعت. عمر: الصبح معرفتش أتكلم معاك، بس فهمني بقي اللي حصل ده. يوسف: محصلش حاجة.

عمر: اتكلم عدل يايوسف، انت غلطان وبتعاند. راجع بليل سكران من عند واحدة وسايب مراتك. انت مكنتش كده خالص. هو سفرك أمريكا نساك كل حاجة وبقيت زيهم هناك كده. حرام وغلط. يوسف: تمام. عمر: هو ايه اللي تمام؟ انت فييي إيه يابنى آدم انت؟ يوسف بعصبية: خلاص بقي سيبني في حالي يعم، انت مش معاك مراتك ومبسوط. عايز مني إيه؟ عمر: وانت برضو معاك مراتك ومبسوط، ليه بتعمل كده؟ يوسف: مبسوط آه.

عمر: كلامك مش عاجبني، بس خليك فاكر بنات الناس مش لعبة. لو كان لينا أخت مكنتش هترضي يحصل معاها كده. يوسف: لو بقيت عمر: ولما انت مش بتحبها وبتزفت تحب اللي اسمها مي، متجوزتهاش ليه؟ يوسف بصوت عالي: ولا بحب دي ولا دي. ارحمني بقا وحل عن دماغي دلوقتي، أنا مش طايق نفسي. عمر: تمام. وسابه ومشي. يوسف حط إيده على وشه ونفخ بضيق، وبعدين قام طلع. ليال كانت قاعدة على السرير وماسكة التليفون. هو دخل وهبد الباب جامد. هي اتخضت.

يوسف: كملي. ليال: أكمل إيه؟ يوسف: اللي كنتي بتكلميه. ليال: مكنتش بكلم حد على فكرة. أى الأسلوب ده. يوسف: ماله الأسلوب؟ مش عاجبك صح؟ ليال: أيوا مش عاجبني يا يوسف. مبحبش الطريقة دي ولهجة الكلام دي. يوسف: ماشي، مانا عرفت ذوقك أصلاً. طلع وحش أوي. ليال: أووف، ابتدينا بقي. أنا غلطانة إني صارحتك. يوسف: امم. وانتي بقي كنتي راحة التويلت ولا راحة تشوفيه؟

شكله كان وحشك. وأنا أقول من ساعة ما دخلنا متوترة. إيه وشكلك اتغير. طلع كده بقي. طلعتي بتستغفليني وواخداني معاكي المكان اللي حبيبك فيه. كان بيتكلم بصوت عالي. ليال: وطّي صوتك ده علشان أنا مش مستعدة إن حد يسمعك ويفكر فيا حاجة وحشة. أنا معملتهاش وقولتلك مكنتش أعرف إنه موجود وكاااان يعني ماضي. خلاص بقا ارتحت. وبعدين مانت راجع في نص الليل سكران وحالتك زي الزفت وبكل بجاحة بتقولي إنك عندها وبتخليها ترد على التليفون كمان.

يوسف خبط الكرسي بعصبية. متقارنيش نفسك بيا، فاااهمة. ليال خافت من صوت الكرسي وصوته العالي وافتكرت سامح وهو بيعمل كده وبيضربها. على طول رجعت لورا، وبعدين قعدت على الأرض وسندت على السرير. هو كان مديها ضهره. استغرب لما مسمعش صوتها تاني وإنها مردتش عليه. لف وشه وهو حاطط إيده على رقبته، لقاها قاعدة كده. يوسف: انتي كويسة! ليال كانت بتدمع وساكتة. قرب منها شوية. ليال في إيه؟ انتي كويسة؟ ليال هزت راسها.

يوسف قعد جمبها على الأرض. رفع وشها لقاها بتعيط. مسح دموعها. خلاص اهدى. انتي اللي عصبتيني بكلامك. ليال: قولتلك الموضوع خلص في الماضي، انت مش مصدقني. مبحبش حد يكذبني يا يوسف. بتضايق، بتخنق. يوسف: ماشي، خلاص خلاص. متزعليش. اهدي. أنا مصدقك. قال كده لما لاقاها بتعيط جامد وحالتها وحشة. ليال حضنته مرة واحدة. هو اتفاجأ منها وايده فضلت بعيدة عنه. ليال بصوت متقطع من العياط: أنا معملتش حاجة.

كانت ماسكة في القميص بتاعه وبتعيط. افتكرت موقف من كام سنة. سامح: مين اللي شال الأوراق من مكانه؟ مني: هو حد بيدخل مكتبك يا سامح. سامح شد ليال من إيدها. أنا شايفك خارجة من المكتب. وديتي الورق فين؟ انطقي. ليال حطت إيدها على وشها بخوف. والله ما شفته. صدقني. سامح: عيلة بنت شوارع زيك متعودة على السرقة. أكيد. انطقي يابت انتي. مني: سيب البنت يا سامح. حرام عليك بقى. سامح شدها من شعرها دخلها الأوضة وقعد

يضرب فيها وهى تصرخ وتقول: معملتش حاجة. والله ما شفته. أنااا مش كدابة. فاقت على إيد يوسف على ضهرها وهو بيهديها. أول ما قربت منه وحضنته افتكر موقفه مع ملك لما عمر زعلها ويوسف دخلها وحكتله وهى بتعيط. وبعدين حضنته. كان أول حضن ليهم وده أول حضن ليه مع ليال اللي هي ملك، بس هو ميعرفش. حس بشعور غريب ناحيتها وتلقائي حاوطها بإيده وفضل يهدى فيها. يوسف بصوت هادي: حقك عليا. متزعليش. ليال بعدت عنه ومسحت دموعها. أنا آسفة.

يوسف: محصلش حاجة. خلاص. انتي بقيتي أحسن؟ ليال هزت راسها بنعم. يوسف بص في عينها. أكيد. ليال: أيوه. يوسف قام وقف. خلع جاكيت البدلة وفتح زراير القميص عشان يغير. خد هدومه ودخل الحمام. خرج لقاها لسه قاعدة. مد لها إيده. انتي لسه قاعدة ليه؟ قومي. مسكت ايده وقامت. راحت عند السرير تاخد مخدة عشان تنام على الكنبة. يوسف: لا خليكي على السرير. زمانك تعبانة. مردتش عليه لأنها كانت تعبانة فعلاً وطلعت نامت.

يوسف طلع على السرير هو كمان. ليال: أنت بتعمل إيه؟؟؟؟ يوسف: هنام. ليال: لا والله. يوسف: هي ليلة مش معدية خلاص ياحبيبي بقي. هنام. مانتي لسه بايساني من شوية. ليال حدفته بالمخدة. متتقوليش حبيبي دي تاني. يوسف وطى خد المخدة من ع الأرض. انتي تطولي؟ وراح نام على الكنبة هو. تانى يوم. نزلوا كلهم على الفطار وكانوا متجمعين وبياكلوا. أسعاد دخلت. في واحدة برا اسمها مي بتقول عايزة يوسف. عمر بص ليوسف وليال كمان. يوسف اتصدم.