رواية و لو بعد حين الفصل الثاني 2 - بقلم خلود احمد

الليل جه وكل واحد في أوضته. عمر خلص مذاكرة ونام، ويوسف كان لسه صاحي. قام يدخل الحمام، وهو خارج لقي باب الأوضة اللي البنت فيها مفتوح. بص على الباب بغضب، ورايح يدخل لقي أمه قاعدة مديّة ضهرها للباب. ش البنت مكنش باين، بس جسمها صغير. خرج تاني وراح أوضته عشان ينام. تاني يوم كان الجمعة. اتجمعوا على الفطار. خالد: هتروحي عند اختك النهاردة يا فايزة؟ فايزة: أيوا، فيه حاجة ولا إيه؟

خالد: لا، أصل أنا خارج عندي مشوار ومش هعرف أوصلك بالعربية. فايزة: ولا يهمك، أنا هروح بتاكسي وخلاص. عمر: مش هنيجي معاكي يا ماما؟ فايزة: لا، اقعدوا ذاكروا. أنت في ثانوية عامة ومعدش حاجة على الامتحانات، وأخوك عنده امتحانات يوم الحد. عمر: يوووه بقي، أمتى أخلص من السنة الزفت دي. يوسف: أحسن، أحسن. عمر: اسكت أنت كمان. خلصوا أكل، وخالد نزل هو وفايزة.

عمر: ولا حازم كلمني، وفيه حجز كورة. هنزل وأجي على طول، كده كده أمك مش جايه دلوقتي. يوسف: وأنا مالي، مليش دعوة. عمر: أنت رخيم ليه؟ بقولك مش هتتأخري. يوسف: يعم وأنا مالي، ما تغور الله. عمر خد الكوتش بتاعه ونزل جري. يوسف قعد في أوضته يذاكر. عدى نص ساعة، كان بيذاكر رياضة وقاعد يحل ومركز. سمع صوت خبطة وحاجة اتكسرت. راح المطبخ ملقاش حاجة. بص حواليه، وبعدين افتكر البنت اللي موجودة. راح فتح الأوضة.

اتحاجئ لما لاقاها قاعدة على السرير بتعيط. البنت: فين مامى؟ يوسف: مامى مين؟ البنت: أنت مين؟ يوسف (في سره) : يادي النيلة، أعمل إيه أنا دلوقتي. البنت: بقولك فيين مامى، وأنت مين؟ أنا عايزة ماماااااا. يوسف: ششش، فيه إيه؟ اسكتي. البنت كشت في نفسها وضمت رجليها. البنت: أنا آسفة والله، بس الكوباية دي اتكسرت بالغلط. يوسف: مش قصدي على الكوباية. احمم، أنتِ اسمك إيه؟ البنت: مش عارفة. يوسف: طيب، ماما أو بابا اسمهم إيه؟

البنت: مش عارفة كمان. أنا بس فاكرة ماما اسمها... مش عارفة، هو أنت مين؟ يوسف: شكل الخبطة أثرت عليها. أنا اسمي يوسف. البنت: ماشي يا يوسف. أنا جعانة. يوسف: أي البت دي لسه صاحية من غيبوبة وجعانه!! البنت: جعانة. يوسف: ماشي، خليكي هنا. هلم الإزاز ده عشان متتعوريش، وبعدين أعملك أكل. البنت: أوكي. يوسف لم الإزاز ودخل المطبخ. يوسف: أوكي، ومامى دي جاية من مدينتي ولا إيه؟ بس عمل لها سندوتش وراح لها. يوسف: خدي.

البنت فتحت السندوتش تشوف فيه إيه، لقت جبنة رومي. البنت: إيه ده، أنا مش بحبه. يوسف: بت انتي، بقولك إيه؟ أنا مش فاضيلك. جعانة كلي، مش جعانة وبتتدلعي، متقرفيناش. البنت عملت كده وسكتت. صوت الباب اتفتح. عمر: ولا يا يوسف! يوسف خرج من الأوضة: إيه؟ عمر بص له وبص على الباب: أنت كنت بتعمل إيه جوا؟ أوعى تكون قتلت البت. يوسف: يعم بطل دراما وتعالى شوف البلوة دي. عمر دخل لاقاها قاعدة على السرير وماسكة السندوتش. عمر: صحت إمتى دي؟

يوسف: من شوية. البنت: يوسف، هو مين ده؟ عمر: ههه، يوسف. يوسف: ده عمر أخويا. البنت: أوكي. عمر: الحق، دي بتقول أوكي. يوسف: هه، وبتقول مامى كمان. عمر: أنتِ اسمك إيه؟ البنت: مش عارفة. عمر: أممم، تعالي نسميكي إحنا. موافقة؟ البنت بمرح: يس. عمر: ياسمين ولا سارة؟ يوسف: عندها حرف السين يا بني. عمر: يارا ولا يمنى؟ البنت: تؤ، وحشين. عمر فضل يقول أسامي كتير معجبهاش حاجة. يوسف: تعالي نسميها.... وخلاص.