رواية وعد الجبل الفصل الثامن 8 - بقلم منار همام

خالد بهدوء: يلاتقي بصت لخالتها بتوتر وقامت مع خالد. خالد قبل ما يطلع لمح وعد شايله يزيد وبيعيط. خالد: هاتيه يا وعد. وعد: خليه يا عمي، هو شويه وهيسكت. خالد: مش هيسكت غير معايا، هاتيه أحسن. وعد أدته يزيد وهي بتبص لامه. خالد خُده وطلعوا هو وتقي. تقي قاعده علي السرير بعد ما غيرت هدومها، وخالد شايل ابنه وبيتحرك بيه في الاوضه علشان ينام، وكل شويه يرفع عيونه ويبص عليها. خالد بص على ابنه لقيه نام، دخل يوديه اوضته التانيه.

خالد طلع لقي تقي بتبصله وماسكه ضحكتها بالعافيه. بصلها بستغراب. تقي: نيمتوا؟ خالد رفع حاجبه: أيوه. تقي: بص وراك كدا... وانفجرت في الضحك. خالد بص لقي ابنه وراه وبيفرق في عنيه. عض على شفته السفليه بغضب خفيف وراح شاله: تعاله يا ابن الكـ*ـلب، هي ليلة ابوك مش معديه النهارده. تقي اتحركت من علي السرير شويه وهي بتشاورله: هاته ينام هنا. خالد: هيضايقك وسرير صغير. تقي: هاته بس. خالد

اتنهد وحطه علي السرير: طاب نامو انتوا مع بعض وانا هنام علي الكنبه. تقي هزت راسها ونامت علي جنبها وهي بتحرك ايدها على كتف يزيد، ولحد دلوقتي مش مستوعبها انها نايمه في سريره. زياد رجع البيت بتعب وحط الكيس الي في ايده على الطرابيزه ونده عليها. زياد: ريهام.. ريهام. ريهام طلعت من اوضتها وهي بتظبط حجابها: أيوه. زياد ميل وبدا يفتح الكيس الي قدامه ويطلع منه الحاجه. زياد: اتعشيتي؟ ريهام: لا.

زياد: كويس، ام جبل اصرت انها تبعتلك الاكل دا علشان مرضتيش تروح. ريهام بستغراب: هو مش صحبك الي عامل ختمه على روح امه وابوه واخواته الاتنين اسمه خالد؟ زياد: أيوه، ودي مرات اخوه. تعالي كلي... رجع راسه لورا بتعب: اعمليلي كوبايه شاي بس الأول معلش. ريهام: حاضر. ريهام دخلت عملت الشاي وسابت تلفونها على الطرابيزه وشاشته نورت وفتحت لما جاتلها رساله. زياد عدل التلفون لما شاف خلفيته صوره ليها بشعرها مع ابوها بيضحك.

زياد رجع الفون مكانه بسرعه لما طلعت وحطت الشاي قدامه. ريهام بتوتر: هو مفيش واي فاي هنا؟ زياد: لا، انا بشحن كروته. لو عايزة اركبلك واحد. ريهام: ياريت والله علشان ببقا زهقانه. زياد هز راسه بهدوء وكمل وهو بيبصلها: لو محتاجه افتحلك من عندي دلوقت. ريهام: انا كنت عايزة اكلم خالتي علشان هي بعتتلي وقلتلي هتيجي بكره هنا والهديه خلصت كنت عايزة اعرف في ايه بس. زياد طلع تلفونه

من جيب الجلبيه وفتح الرمز: خدي، وخدي الاكل معاكي بالمرة، ولما تخلصي هتهولي. خد كوبايه الشاي وطلع علشان تبقا على راحتها. زياد: متطلعيش برا، اندهي عليا بس. وعد قعدت علي السرير وهي بتتآلم بتعب، تقريباً غسلت مواعين الختمه كلها. وعد اتعدلت لما سمعت رنة التلفون. وعد بتعب: أيوه مين. علي الناحيه التانيه جبل: اي دا ماله صوتك. وعد قامت بخضه: يلهوي سي جبل. جبل ضحك: سي اي بس. وعد بخوف: اقفل ونبي عمي خالد لو عرف هيتخانق معايا.

جبل بضحك وخبث: هو عمي خالد فضيلنا يعمي. وعد بخجل: انت سافل على فكره. جبل ضحك: لا ونبي، دا انتي الي طلعتي سافله علشان فهمتيني. وعد: انت فين مشفتكش بعد ما الصوان خلص. جبل: اسكتي، مش عمي كراشني بعد ما شافني نايم جنبك. جبل عض على شفته. بس احله ليله اقسم بالله. وعد قفلت الفون في وشه وابتسمت بخجل. زياد كان نايم على المسطبه الي قدام البيت وبص على السما ونجوم الي فوقيه. زياد اتنهد وقام خد الكوبايه الفاضيه ودخل.

اول مدخل لقي ريهام قاعده على الكنبه وفونه في ايدها بتتفرج علي فيديوهات وبتضحك. زياد فضل واقف يتأمل فيها بس.