رواية وعد الجبل الفصل الثامن والعشرون 28 - بقلم منار همام

ريهام وتقى قاعدين مع وعد في أوضتها القديمة. ريهام: هما هيطولوا؟ وعد: معاهم للفجر. ريهام: طيب بياخدوا كام يوم؟ وهو إيه حصيد القمح ده؟ تقى: بياخد شهر تقريباً.. بيلموا فيها محصول القمح من الزرع. وعد: ما تيجوا يا بنات نعمله شاي ونروح لهم. تقى: خالد يتخانق معايا. وعد بإلحاح: مش هيقول حاجة، يلا ونبي. تقى: لو اتكلم هزعلك انت. وعد: ماشي، يلا. أم جبل: يعني إيه مش عايزة خلاص؟ ميادة: زي ما سمعتي يا عمتي، مش عايزة. ربنا يسهله.

أم جبل: طيب وإنتي؟ ميادة: أنا مش حمل شغل ولا مسؤولية ومش هتجوز تاني. هشتغل بشهاداتي اللي معايا ويزيد تقى أحسن أم ليه. أم جبل: إنتي أكيد اتخبطتي في نفوخك. ميادة: لا يا خالتي، أنا يدوب عرفت. أم جبل: إنتي اتجننتي؟ مش عارفة مصلحتك في إيه. ميادة بهدوء: مع السلامة يا خالتي. أم جبل بغضب: دي غبية مش عارفة مصلحتها.. بس أنا هرجعه لابنها غصب عنها.. هتبقى البت ومها وبت أخوها ويلهفوا هما كل الورث بس أنا مش هسكت، مش هسكت.

خالد رفع وشه لقي البنات جاين عليه، مسح العرق اللي على جبينه وستنى لما قربوا منه. خالد: إيه اللي جايبكم بليل كدا؟ وعد: جايبين لكم شاي. الشباب قعدوا وتقى بتصب لهم شاي. خالد: ما تجوش في وقت زي ده تاني وانتوا مش معاكم حد. وعد: حاضر يا عمي. زياد قرب من ريهام وتكلم بصوت واطي: أحسن دلوقتي ولا إيه؟ ريهام ابتسمت بخجل: أيوه. زياد: اتعشيتي؟ ريهام: أيوه.. وانت؟ زياد: لا أنا هاكل لما أرجع. ريهام: هتخلص إمتى؟

زياد: لا دا مش بيخلص بس هاجي على الفجر كدا أخذك. ريهام: هستناك. جبل كان بيشرب الشاي وعينه على وعد. وعد ابتسمت وهي بتشاور على بطنها وبتحرك شفايفها: أنا حامل. جبل مرة واحدة شنق فضل يحح جامد. وعد قربت منه: اسم الله عليك براحة. جبل هسملها: إيه اللي قلتيه ده؟ خالد: يلا روحوا روحوا. وعد ابتسمت لجبل وعملت له باي ومشيت معاهم. زياد وخالد وجبل رجعوا من الزرعة واقفين قدام الباب بس جبل مستناش معاهم ودخل جري على البيت.

زياد: خلي وعد تبعتهالي. خالد: طيب تعالها اشرب شاي. زياد: أنا مش قادر أقف على رجليا، اندهالي خلينا نروح. خالد: استنى دقيقة طيب. خالد خل وخبط على باب أوضة وعد القديمة. خالد بصوت خشن: زياد مستني بره. ريهام حطت الحجاب على راسها وحضنت تقى. ريهام: ابقي سلميلي على الواطية التانية اللي أول ما عرفت إن جوزها قرب يوصل سبتني. تقى بضحك: يوصل. ريهام طلعت لقيت زياد مستنيها وهو مبتسم، جريت عليه وهي بتضحك. زياد ضحك: وحشتيني.

ريهام ابتسمت بخجل. زياد ضحك أكتر: عارف وحشتك، يلا نروح. ريهام مشيت جنب زياد وهي بتاخد نفس بفرحة. زياد مسك إيدها بين إيديه بحب: عجبك الجو؟ ريهام: أوي. زياد ابتسم وهو بيبصلها بحب. خالد قعد جنب يزيد على السرير وبدأ يبوس فيه. تقى واقفة تبص عليهم بحب. خالد بعد: عايزين نخوّيك؟ تقى بخجل: لما تخلص أيام لما المحصول دي. خالد قرب: ليه؟ مش هقدر عليكي وعلى الشغل يعني؟ تقى ضحكت: لا بس أنا يعني مش حابة تكون مشغول.

خالد: عايزني أبقى فاضيلك يعني؟ يزيد صحي وهو بيعيط علشان يشرب. تقى جريت على يزيد وهربت من خالد. تقى: حبيبي عطشان.. اشرب. خالد قرب منهم وخد يزيد في حضنه: بتتهربي مني بيها على أساسا مش هقدر أجيبك. تقى نامت على صدره: أنا عايزك لوحدي علشان كدا بهرب منك دلوقتي. جبل دخل الشقة وقفل الباب بسرعة. وعد أول ما جبل دخل جريت على الحمام تستخبى فيه. جبل شدها من وسطها قبل ما تدخل: خدي هنا يا بت راحة فينو؟ وعد ضحكت.

جبل كمل: إيه اللي قلتيه في الزرعة ده؟ وعد حطت إيدها على بطنها: حامل.. أنا حامل.. حامل في ابنك اللي كلها كام شهر ويجي يقولك يا بابا. جبل: ح.. ح.. حامل حامل بجد؟ وعد: أيوه، كنت حاسة بشوية أعراض غريبة كدا من كام يوم، ونهاردة اتأكدت. جبل: ط.. طب يعني مش المفروض نروح عند دكتورة.. نتابع معاها.. تاخدي علاج؟ وعد: يومين بس تخلصوا الدوشة المحصول ونشوف. جبل: راحة كاملة هااا، متتحركيش من مكانك.

وعد: حاضر.. روح استحما بقا بدل ترابك ده. جبل بغمز: طيب متيجي معايا. وعد: لا، نخف سفالة. زياد قاعد بعد ما استحما وغير هدومه بهدوم مريحة. قاعد هو وريهام قصاد بعض على الدكة بياكلوا. ريهام بتبص لزياد اللي بياكلها بحب: المفروض أنا اللي آكلك مش انت. زياد: لا كلي انتي بس ودعيلي. ريهام ضحكت: يا سلام بقا لو تلم المواعين وتعملي شاي. زياد: بس كدا من عيني، أحلى كوباية شاي. ريهام: أنا بهزر على فكرة.

زياد: وأنا مش بهزر، هتشربي شاي من إيدي. زياد قام وشال الأكل: ملكيش دعوة انتي. بعد شوية ريهام نايمة على الكنبة وزياد في حضنها وهي لافة رجليها عليه وبتلعب في شعره. زياد حاول يدخل إيده من تحت هدومها. ريهام بحدة: زياد.. مش تعبان؟ زياد اتعدل وشالها: لا مش تعبان. ريهام: زياد.. زياد نزلني. زياد دخل بيها أوضتهم و...