رواية وعد الجبل الفصل الثامن والثلاثون 38 - بقلم منار همام

يزيد بهدوء: ممكن أعرف إيه دول؟ وشمعنى السنة دي هداياكم شبه بعض؟ ميرال بتوتر: صدفة. وبعدين مين قال شبه بعض؟ أنا جبتلك سجادة صلاة وهي مصحف. تقى ببرود: أيوه، جايبين زي بعض. هو تحقيق؟ يزيد بهدوء لميرال: متفقة معاهم؟ ميرال بتوتر: أنا.. إحنا بنعمل كدا عشانك. يزيد قام. قبل ما يمشي وقف وقرب من تقى. يزيد: تصدقي طلعتي صح ومش هقدر أرمي هديتك المرة دي. بس شكراً يا مرات أبوي. يزيد طلع. وهو طالع قابل ياسين.

يزيد: مفيش، كل سنة وانت طيب. ياسين اتنهد وقرب خده للحضن. ياسين: كل سنة وانت طيب يا خويا. وسنة الجاية وانت معاك العروسة. يزيد: آه، مشيلي انت في الموضوع ده. بس قبل السنة الجاية هتبقى معايا. ياسين: لا يعم، بلاش ميرال. من دلوقتي وعملها حظر تجول، أمال لما تتجوزها هتعمل فينا إيه؟ يزيد: مش هخليك تلمحها. ياسين: علشان كدا مش همشي. يزيد ببرود: اممم. كنت ناوي أكلم جبل في موضوع انت والبنت اياها. بس شكلك ملقيش نصيبي.

ياسين بسرعة: لا ونبي، أنا همشيلك وانت مشيلي. يزيد سابه ببرود: أنا مش محتاج للي يمشيلي على فكرة. بس هساعدك علشان صعبت عليا. ياسين: ياض، الواد وليد جه من السفر. عايزين نرحل. في بيت زياد. ريام حست إن بزياد بيحضنها من ضهرها. حطت إيدها على خده. ريام: سبت الولاد؟ زياد دفن وشه في رقبتها: بيلعبوا سوا. وسلمى جات كمان، سبتهم ياخدوا راحتهم. ريام: اممم. زياد: وحشتيني أوي. والبت كيان مبتفتكرناش ولا في مشهد؟

ريام لفت ليه: حرام، هي بيبقى نفسها في الفصل تعمل لكل واحد فينا مشهد. بس هي مشغولة ومحدش مقدر ده. زياد: ربنا معاها. ريام: يارب. زياد: طب إيه طيب؟ انتي وحشتيني. والولاد قاعدين يلعبوا برا. وبعدين، عجبك كدا؟ خالد هيغلبني ويبقى معاه تلات ولاد. ريام باستغراب: إيه؟ زياد: مراته حامل. بس متقوليش قدام حد. هو مش قايلهم. ووقع بالكلام قدامها. ريام: يالهوي! حامل في السن ده؟ وإزاي مخبية؟ ما هيعرفوا دلوقتي ولا بعدين.

زياد: ملناش دعوة. تعالي بس علشان وحشتيني أوي. رحاب: أهو أهو تاني مرة يا فاشل يا فاشل. وليد ضربها بالمخدة: بقا أقعد سبع سنين في طب وبعمل ماجستير علشان تيجي واحدة دبلوم تجارة وعاملة معادلة وراحت كلية تجارة تقولي يا فاشل؟ سلمى بضيق: وماله كلية تجارة؟ وليد: هيام زي القمر. سلمى بصت لتحت بخجل. رحاب: إيه ده، تلفونك بيرن. مين سارة دي؟ وليد خد الفون منها: متمديش إيدك على حاجتي. الباب خبط. وليد: هقوم أفتح.

وليد فتح وكان يزيد وياسين والعيلة. وليد: أهلاً أهلاً. يزيد دخل ببرود: اخرس يا كلب. وليد: يا عم، عملتلك إيه بس؟ يزيد: انت عارف عملت إيه كويس. وليد: خلاص يا عم، كنت مشغول. خالد: إزيك يا وليد؟ وليد: الحمد لله، بخير يا عمي خالد. جبل: حمد الله على السلامة يا وليد. وليد: الله يسلمك يا عمي جبل. خالد: أمال فين أبوك؟ وليد: في الأوضة. دقيقة أنده لك. اتفضلوا يا جماعة دقيقة. هنده الحج. قومي هاتي لهم حاجة يشربوها يا رحاب.

خالد: أنت بتعزم علينا يا ابن الكلب؟ دا بيتنا. قومي يا أم يزيد اعملي لنا أكل. وليد ضحك: براحتك يا كبير. وليد اتجه لأوضة أبوه وخبط عليه. وليد: يا حج زياد افتح. وبعدين انت كبرت على الحاجات دي يا حج. ريام: ز.. زياد. زياد بانشغال: اممم. ريام: وليد بيخبط. زياد بعد وهو بياخد نفسه: عايز إيه يا زفت؟ وليد: أبو يزيد برا، عايزك. ومعاه مراته. زياد: طيب دقيقة وجاي. ريام باستغراب: هو في حاجة؟ زياد ميل باسها برقة: معرفش. هطلع أشوف.

شويه وزياد طلع مع ريهام لقيهم كلهم متجمعين. زياد: إيه المه الحلوة دي؟ خالد: ما انت شكلك مش فاضيلنا. زياد: أفضلكم يا صحبي. هو أنا عندي أغلى منكم؟ يزيد: أكيد طبعاً، ريهام أهم. زياد: ابنك ده موته على إيدي. مفيش أي احترام. دا وليد مبيقلهاش. يزيد: متكبرش يا زياد. رحاب بحماس: تعالي أوريكي الأب اللي جابهولي وليد يا ميرال. ريام: أمال فين تقى؟ وعد: في المطبخ. ريام: تعالي نساعدها. البيت اتملى زيطة وضحك الرجال بصوت عالي.

والنساء اتجمعوا في أوضة وهما بيضحكوا ويهزروا. يزيد قام من وسطهم لما تليفونه رن. راح بعيد ورد. يزيد: عايزة إيه؟ صوت: من بدري ما جتش تشوف ابنك. موحشكش؟ يزيد اتنهد: وحشني أكيد. وهاجي النهارده. يزيد لف لقى ميرال في ضهره و...