رواية وعد الحب الفصل الأول 1 - بقلم هاجر العفيفي

قالها خالد وهو يبصلها بملامح خالية من المشاعر. وعد بضحك: طب بطل هزار بقا ويلا عشان نتغدى. لسه هتمشي، وقفها صوت خالد. خالد بجمود: بس أنا مش بهزر يا وعد، أنا هتجوز فعلاً. وعد وقفت وبصتله بصدمة: طب ليه؟ خالد: مش لازم أقول أسباب. وعد بدموع: لاء لازم أسباب، احنا عندنا ولد جميل وكمان مبسوطين، ليه؟ خالد: قولتلك مش هقول أسباب، المهم إنها مش عايزة يكون ليها ضرة. وعد: يعني إيه؟ خالد: يعني إنتي طالق يا وعد. وعد حطت إيدها

على فمها بصدمة ودموع: ليه ذنبي إني حبيتك عشان تكسرني كده؟ خالد: خلاص خلصنا، مابقاش في حاجة تربطنا ببعض. وعد مسحت دموعها ببرود مصطنع: تمام، أنا هاخد يزن وهنمشي. خالد بسخرية: بتحلمي، يزن مش هيمشي من هنا، إنتي بس اللي هتمشي. وعد: لاء هاخد ابني يا خالد. خالد: مش قولتلك بتحلمي، يلا بقا بره. وعد دخلت تشوف ابنها في أوضته، ملقتوش. وعد بصراخ: فين ابني يا خالد؟ خالد بصلها وضحك بسخرية: متضيعيش وقتي ووقتك على الفاضي.

وعد: ماشي يا خالد، والله هوريك ومش هسيب ابني. دخلت بسرعة جهزت هدومها وخرجت، بصتله باستحقار وخرجت من البيت. بعد مرور يومين. ملك: يابنتي أهدي بقا، إنتي بقالك يومين مش مبطله عياط، أهدي أهدي، والله هو ميستاهلش. وعد بدموع: ليه يعمل فيا كده ليه، وكمان ياخد ابني مني؟ أنا بكر*هه، بكر*هه. ملك بتفكير: اممم، أدام وصلت معاه لكده يبقا تاخدي ابنك بالقانون، وكده القانون في صفك. وعد مسحت دموعها: بجد يا ملك؟

ملك: أيوه يابنتي، دلوقتي إنتي مش هتتجوزي وهو هيتجوز، يبقا الولد يبقا أفضل معاكي، وده اللي المحكمة بتحكم بيه. وعد بإصرار: تمام، يبقا المحاكم بينا وهاخد حقي، بس الأول لازم أروح فرحه النهارده. ملك بصدمة: إنتي بجد اتجننتي؟ هتروحي ليه؟ وعد: لازم أروح، أرجوكي سبيني على راحتي. ملك بعند: خلاص، هروح معاكي. وعد بشرود: ماشي. في المساء.

وعد اتشيكت ولبست، بس كان قلبها وجعها من الحال اللي وصلت ليه، وملك خدتها وركبوا تاكسي وطلعوا على المكان اللي فيه الفرح. كانت قاعة كبيرة جدا وناس كتير. وعد بحسرة: أكبر من القاعة اللي عملي فيها الفرح، للدرجة دي عرفت تضحك عليه؟ ملك: وعد يلا نمشي، بلاش تعرضي نفسك لأي أذى نفسي. وعد: لازم أعرف مين هيا دي اللي خر*بت حياتي. دخلوا جوه القاعة، والناس اللي يعرفوها بصولها، في منهم شفقة ومنهم شما*تة، وكتير كتير من النظرات.

وعد أول ما قربت عليهم اتصدمت من اللي شافته. وعد بصدمة: رحمة!!!