رواية وعد الحب الفصل الثاني 2 - بقلم هاجر العفيفي

دخلوا القاعه والناس ال يعرفوها بصوا لها. في منهم شافوا شفقة، ومنهم شماتة، وكتير كتير من النظرات. وعد أول ما قربت عليهم اتصدمت من اللي شافته. وعد بصدمة: رحمه!!!!! ملك بدهشة: معقول!!! وعد قربت منهم بعصبية وقالت بسخرية: ألف مبروك ياعرسان. إزيك يا رحمه؟ مش كنتي تقولي إن عينك على جوزي بدل ما تخطفيه فجأة كده. خالد بعصبية: وعد إيه اللي جابك؟ رحمه بدلع: سيبها ياحبيبي، جايه تبارك وتمشي.

وعد بسخرية: والله ماشوفتش في بحاجتك أبداً. يعني موت أبويا وجيتي عشان تخلصي على ده؟ رحمه بتوتر: أنا مليش دعوة، أبوكي مات عشان ده نصيبه. وأنا لسه صغيرة مش هدّفن نفسي وراه يعني. ملك بهمس: يلا يا وعد، كفاية كده. وعد بصت لهم باستحقار: بس تصدقوا، لايقين على بعض وتستاهلوا بعض. خالد بغضب: برررره.

وعد بصت له بسخرية: عارف يا خالد، أنا كنت فاكرة إن بحبك. دلوقتي أنا مبكرهش حد في حياتي قدك. والله وأقولك حاجة، هتيجي في يوم تندم. يوم ميفعش فيه الندم. وابني هاخده بالقانون لأنه من حقي أنا. سلام يا عريس. سابتهم ومشيت. وملك راحت وراها. رحمه بغضب: ربنا ينكد عليكي زي مانكدتي عليا. خالد: سيبك ياحبيبتي، ولا كأن حصل حاجة. يلا نرقص. رحمه بخبث: يلا.

وعد بدموع: هي السبب في موت بابا. موتته بقهرته. بعد برضه ما تحداني واتجوزها هي. شايفة نفسها عشان صغيرة تضحك على كل واحد شوية. بس مكنتش أعرف إن عينها على خالد. آآآه ياقلبي. ملك شدتها في حضنها وقالت بحزن: أهدي ياحبيبتي، كل حاجة هتتحل. وخالد أكيد هيكشف حقيقتها. وعد بجمود: خالد ده لازم يتمرمط في المحاكم. أنا بكر*ه بكر*ه. ملك بتفكير: جالي فكرة. ابن عمتي يوسف محامي كبير. تعالي نروح عنده وهو هيقول هنعمل إيه مع خالد.

وعد بتنهيدة: تمام، يلا. في المكتب عند يوسف. ملك بابتسامة: چو إخبارك إيه؟ يوسف بترحاب: لوكه، أهلاً وسهلاً. نورتوا. مش تعرفينا؟ ملك: دي بقا وعد صحبتي وأختي وكل حاجة في حياتي. وده بقا يوسف ابن عمتي وأخويا الكبير. وعد بابتسامة: أهلاً وسهلاً. يوسف بابتسامة: أهلاً بيكي. اتفضلوا تشربوا إيه؟ ملك: قهوة مظبوط، إحنا الاتنين. يوسف: حاضر. وطلب ليهم القهوة. ملك: وعد كانت عايزة تقلك على مشكلتها، يمكن تعرف تحلها.

يوسف: أكيد طبعاً. اتفضلي. وعد قصت عليه كل حكايتها وحكاية مرات أبوها. يوسف: اممم. بصي، هو حوار ابنك هيخلص على طول لأن ابنك صغير وإنتي تعتبري حاضنة. لكن مرات أبوكي لازم يكون فيه أكتر من دليل ليها. وعد: هحاول أجيبه. بس هتساعدني؟ يوسف بابتسامة: أكيد طبعاً. ملك ووعد ابتسموا. بعد مرور يومين. رحمه: بقولك، هانت خلاص. هخلص معاه وآخد كل اللي عنده وبعدين أقلع. الشخص: بس لأ طبعاً. لازم نخلص منه زي اللي قبله.

رحمه بخبث: هو واحد خاين ويستاهل الخيانة.