رواية وعد المستقبل الفصل الثالث 3 - بقلم شهد علاء

يوم بيعدي سنين عمر ما بين عمرين، ماشي لوحدك تسأل نفسك هو أنا رايح فين. صباح الخير، أنا شهد كبرت، صح؟ طبعًا مستغربين صحيت بدري ليه، ولا كمان سعيدة جدًا. أقولكم، أنا النهارده أول يوم ليا في الشغل، تاتاتاااا. أيوه أنا اللي قادرة على التحدي وعلى المواجهة، حققت حلمي وبقيت ظابطة، ومش أي ظابطة بقى، ده أنا في المخابرات يا ولا، والعمليات الخاصة. آه هقعد سنة تحت التدريب، بس فرحانة جدًا برضو. دخلت على بنت صغيرة عندها 9 سنين.

چودي چودي حبيبتي يلا قومي. دي چودي أختي من الأب، وعندي أختي تانية برضو أصغر مني بـ 4 سنين وفي كلية طب، وأول يوم ليها النهارده برضو، اسمها سما، من الأب بس، لكن الأم بقى الله يسمحه. ما أنتم عارفين، طبعًا عايزين تعرفوا هي فين العقربة وفين أبويا وأنا فين أصلًا؟ لا، واحدة واحدة كده هنعرف كل حاجة مع الوقت، يلا نكمل الحكاية. چودي. يا شيري بقى أنا عايزة أنام. أيوه أنا شهد وبدلع شيري، في اعتراض؟

بت يلا بلاش دلع، في مدرسة وأنا عندي شغل. جت سما من وراها. أيوه يا عم الظبوطة، أنت عايش بقى علينا الدور. إيه ده، ست سما هانم تكرمت و صحيت بدري من غير زعيق؟ لا لا أنا كده أقلق عليكي. سما بغرور مصطنع. عدي الجمايل بقى. بصيت لقيت چودي بتشد الغطا عليها. قومي يابت بلاش دلع، الله. الساندوتشات في المطبخ وأنا هلـبس تكوني أنتِ والهـانم لبستوا. سما و چودي في نفس واحد. حاااااضر. وبعد كده بصوا لبعض وضحكة.

تك تك زهوة، أنتم ياللي هنا افتحوا. افتح ياحضرة الظابط الحقني، ختااااااي. يا زهوة يا متخلفة استني. فتحت شهد الباب. زهوة بتمثيل. آه يا ناني يا بابا يا ناني، عشت وشفتك ظابط يا خويا، ناقص الشنب وتخوف الأعداء يا سبعي. بس يابت، أنتِ بطلي رخامة عليا، الله. أنا خايفة جدًا، أنا هقف قدام مجرمين وأحقق معاهم وأمسك قضايا. سما من وراها بتمثل. احم احم، أنا النقيب شهد علاء، اعترف يااض، وإلا وإلا وربنا هعيط. ضحكت چودي.

ما كفايا تريقة يابت منك ليها، اختشي ظبوطة قد الدنيا وهتموت كل الأشرار على فكرة. أيوه كده يا چودي، أنا مليش غيرك. زهوة. يختي بلا وكسة، أختك اللي بتدفعي عنها دي هتسيبك طول النهار معايا ها، فاتلمي. چودي. احم، بس زهوة تعمل اللي هي عايزاه، معلشي ياشهد. آه يا وطية. الكل ضحك. شهد كملت لبس البدلة وشكلها كان قمر جدًا وهي بتعدل شعرها، مسكت السلسلة دخلتها جوه الهدوم وبصت في المرايا.

إييييح، هو فيه ظابط قمر كده يخواتشيييي عليا، أمووووه. وچودي لبست نيو لوك المدرسة، وسما لبست بوي أسود وتيشيرت أسود عليه ميكي وعملت شعرها ديل حصان. وزهوة كانت بتاكل سندوتشات چودي. چودي. اااعاااا، سندوتشاتي. زهوة. بس ابت أنتِ، ده أنا كلت 3 بس. چودي. اااعااا يا مفجوعة. زهوة. بت عيييب. سما. عيب إيه يابردة، أكل البت. سبـيزهوه. بقى كده يا سما الكلب؟ طب و... ي ربي، بقا أنتم هتقعدوا مع بعض طول اليوم؟

ربنا يستر بجد. يلا بينا بقى عشان متأخرش، وأنتِ يا سما عندك كلية. يلااا. چودي. وأنا شفافة ولا إيه، عندي مدرسة، أنا أهم منكم على فكرة. طبعًا يختي، يلا طيب. سما. أنا جاهزة. زهوة. فلاحة. سما. شبهك يا بـ... آه يا وداني ويا نفوخي منكم. چودي. أنا جاااااهزةهههه. ي رب نص الحماس ده. زهوة. احسدي البت بقى. يلا يا أخواتشيو. مسكت إيد چودي ونزلت قدام سما وشهد. نزلت الأربع وهما بيضحكوا وشكلهم قمر مع بعض. وصلت چودي المدرسة.

خالي بالك على نفسك، وبلاش شقاوة، ماشي؟ چودي. أنا هدية أصلًا، باي باي. وجرت على المدرسة. ووصلت سما الكلية. يلا يا سو ادخلي. سما. أنا خايفة، أنا هبقى لوحدي، مليش صحاب هنا، ياريتني دخلت تجارة مع صحابي. زهوة. صحاب إيه وهباب إيه، أنتِ مش حلمك تبقي في طب، احمدي ربنا بقى. فكك من الصحاب يا سما، وفيها إيه لما تبقي لوحدك؟ أهم حاجة في مجال بتحبيه، وأنا متأكدة إنك هتعملي صحاب، بس لازم يبقوا كويسين. سما.

حاضر، ربنا يستر. يلا يا أخواتشي سلاموز. زهوة. هبلة، خالي بالك من نفسك ها، وبعتيني بالتليفون كل شوية. سما. أووكي. ومشوا هما الاتنين لحد أول الشارع بتاع بيتهم. أنا قلقانة يازهوة. زهوة. بت، أنا صاحبي راجل، قال قلقانة قال. طيب يلا روحي على البيت، مفتاح شقتي معاكي. أكلة حلوة ونبي. زهوة. آه ما أنا الخدامة اللي جبتهالكم، ما أنا عارفة. غوري يابت بدل ما أزعلك. سلام يا صاحبي. ومشت شهد.

(بجد زهوة دي هي رحمة ربنا عليا، مش عارفة من غيرها كنت عملت إيه، ولا هي بردو كانت عملت إيه. أمها ماتت وأبوها تعبان جدًا وسابت التعليم، أخدت دبلوم بس عشان تصرف على أبوها. بس هي الطاقة الإيجابية اللي خلتني أكمل) أخدت مواصلات لحد ما وصلت لمبنى المخابرات. دخلت بكل ثقة وغرور عكس اللي جواها خالص. وسألت العسكري. لو سمحت، دا مكتب القائد ولاء عبد الحي؟ العسكري. آه يا فندم. طب ممكن تقوله الظابطة شهد علاء عايزة حضرتك.

العسكري بتمتمة. أقولها! وحضرتك! أنا مالي. حاضر يا فندم. ودخل وطلع بعد شوية. العسكري. القائد كان في انتظار حضرتك، اتفضلي. دخلت وقلبي اتقبض لما لقيته راجل. احم، السلام عليكم ورحمة الله وبركاته. القائد. وعليكم السلام ورحمة الله وبركاته. اتفضلي يا حضرت الظابط. تشربي أي؟ احم، لا شكراً مش عايزة. هو هو حضرتك القائد ولاء؟ القائد بجد. آه، أنا القائد ولاء عبد الحي. بتمتمة. ي ليلة طين، الحمد لله ربنا ستر. احم، أهلاً بحضرتك.

كل دا والعسكري كان واقف. القائد. القهوة بتاعتي ياعسكري. العسكري. تمام يافندم. بعد شوية كلام كده دخل العسكري بالقهوة. تمام يافندم، الظابط ياسين بره. القائد. خليه يدخل. بهمس. ي رب يكون ياسين اللي أنا عرفاها، هو أه دمه سم، بس أهو حد أعرفه. ي رب. دخل ياسين ذو جاذبية عالية جدًا وشكله الجميل اللي يسحر بعضلاته القمر. بعدم وعي. اااعاااا، الحمد لله ي ربال. القائد بجد. نعم، مالك يا حضرت الظابط؟ ياسين ضحك لأنه عرفها.

ها، لا ولله أنا آسفة، مكنش قصدي خالص ولله. القائد. تمام، يلا على مكتبك. خدها ياعسكري عرفها مكتبها. العسكري. تمام يافندم. وأخدها العسكري. (ده بقى ياسين كان معايا في الكلية، ولحسن حظي إنه معايا في التدريب طول فترة الكلية. وهو بياخد باله مني وبيحافظ عليا. أنا أه بستقل دمه، بس أوقات كتير أوي وقف جنبي. كلمة مرعوبة دي شوية. دخلت أوضة جميلة جدًا بس بمكتبين، قرأت الاسم لقيت ياسين معايا بجد، كنت طايرة من الفرحة إني مش لوحدي)

دخلت شهد وقعدت، والعسكري جي يمشي. استني يـ كابتن. القائد. كابتن؟ احم، بصي بقى، أنتِ شكلك متوترة وشكلك كمان أول يوم هنا. مفيش حد كابتن، أنا عسكري، والقائد ولاء تقريبًا كدا معقد بسبب اسمه، فتخلي بالك جدًا في التعامل معاه، والتعامل مع أي حد أصلًا، حتى أنا. الكلام هنا بنظام، مفيش داعي للهزار ولا المناقشات الجانبية. إن شاء الله يسترك ياريت تبقى معايا كده، لأني ميتة في جلدي. اسم الجميل إيه بقى؟ إيه؟ ضحك العسكري. رجب. مرح.

حوش صحبك عني. هههه. العسكري بجمود. نعم؟ أنتِ حضرت الظابط شهد علاء صح؟ بس وإحنا لوحدينا ممكن شهد عادي. اتفقنا، إحنا أخوات. ابتسم العسكري. إنتي طيبة أوي، ربنا يستر عليكي، لحسن دي شغلانة مش عايزة الطيبة. ولوحدنا أو مع الناس، إنتي حضرت الظابط شهد. ومشي. أيوه يـ خويا، ربنا يسترها عليا. دخل ياسين. حبيب أخوك يـ فواز، خش في لحمك يا خويا. أنا مش عارفة أشكر القدر قد إيه إنك معايا. ضحك ياسين.

لسه مجنونة زي ما أنتِ. طب حبني وأنا أبقى جنبك على طول. ولله، حبك برص، يلااا. ياسين قرب شوية منها. لي بس، دا أنا قمر وأتحب ولله. ولاااا، اتلم، لحسن وربنا أعـ... دخل واحد أسمراني وشكله غريب ويخض. يـ مال الأسود بحد. نعم؟ ياسين. كح كح، لا ولا حاجة يـ سيدي الظابط. الظابط. أنا القائد أسد الدين متوكل، هبقى المسؤول عنكم طول فترة التدريب. بهمس. شكلنا هنشوف أيام سودة يا خويا. الظابط أسد.

هسيبكم تتعرفوا على بعض وعلى الزملاء، وكمان نص ساعة بالظبط ألاقيكم في صالة التدريب، مفهوم؟ بلعت ريقها. مفهوم. ياسين بجمود. مفهوم يافندم. ومشي أسد. ياسين قرب عليها. اتعرفي عليا بقى، ولا أنا ميت في جلدي وحاسس إني داخلة على أيام طين. ياسين. لا ياستي، أنتِ مش حابة المجال اللي أنتِ فيه، يبقى اطمني. ربنا يستر. تفتكري فيه بنات بتدرب معانا ولا كلهم رجالة؟ ياسين.

ولو حتى مفيش، ما إحنا كلنا شبه بعض. على فكرة، دي قصف جبهة في مرمانا. كلكم حريم شبهي يعني. وسبته وطلعت وهي بتضحك. *** خالة أحمد. يـ أحمد اصحى يـ حبيبي، الساعة 12. بخضة. إيييه؟ 12 دا أنا معاد 12 بظبط. وقام يتنطط. (جماعة أحمد شكله اتغير تمامًا، بقى طول بعرض، بحلاوة، بقى حتة قشطة كده، لكن شهد متغيرتش أوي) خالته. براحة يبني، اطمن، الساعة 9 لسه. يـ شيخة حرام عليكي، كل شوية تخضني خضة. خالته.

يوه، الحق عليا إني بصحيك، كتك نيلة، عيال تشلو. ومشت وهو قام دخل الحمام ولبس. خالته. إنت يلا اعملك فطار معايا. يلا؟ يـ خالتي أنا دكتور. بنت خالته رزان. صباح الفل يا دكتورة. دكتورة! بقى دي طريقة كلام بنت؟ صباح الفل يختي. رزان. هعملك شاي معايا ولا هتفطر مع ماما؟ خلصانة، اصحبي شاي بالنعناع بقى. أخوكي فين؟ رزان. مجاش، تلقي مراته منعته من النزول النهارده. بضحك. يلا خليه يتربى. خالته.

بس يابت أنتِ وهو، متتريقوش على الواد، تلقي عنده شغل. وانت ياض يلا عشان تفطر، وراك شغل. وانتِ يا خليل كوميدي ع الصبح، مش عندك كلية؟ رزان. تؤ، مش قادرة أروح النهارده. خالته. بقولك إيه، مش عايزة دلع. أيوه، شبهي زي ما كنتي بتعملي فينا. خالته. تصدقي بالعند فيك، ها، خليها تقعد براحتها. ربنا ع الظالم. وقعدوا ع الفطار، وبعد شوية. أنا نازل، حد عايز حاجة؟ خالته. خد الزبالة معاك. يعني محدش عايز حاجة، طب سلام. ونزل. خالته.

آه يابن الكلب. نزل أخد عربيته وطلع على المستشفى و..... هو كده حكايتهم مع بعض انتهت؟ هو بعد ما كانوا أغراب وبقوا أحباب هيرجعوا أغراب تاني كده؟ اللي جاي أحلى بإذن الله.