رواية وعد المستقبل الفصل الثاني عشر 12 - بقلم شهد علاء

قبل أي كلمة تقولها عن ظنونك والي كان.. قبل ما تفرقنا كلمة قبل ما يفوت الأوان. حكيت كل الي حصل.. بس أنا مخنوقة أوي بجد، وياسين كمان زعلان. مش عارفة لي زعلان كده. لأ وزهوة بتزعق: "إنتي متخلفة يا شهد ولا عاملة فيها عبده الأبله؟ معلش يعني، هو إيه الي مش عارفاه؟ هو زعلان لي؟ بيحبك، بيحبك من أول يوم شافك فيه وهو واقف جنبك، وكل مصيبة تعمليها معاه وعمره ما سابك أبداً. وجاية تقولي زعلان ليه؟

عمره ما كلم بنت وإنتي معاه، رغم إنه معاهوش رقمك ولا إنتي عايزة تكلمي. إيه كل ده ومش فاهمة ولا بتستعبطي؟ والله الواد ده صعبان عليا أوي." شهد اتصدمت جداً من كلام زهوة. سما: "إيه يا جماعة، مش كدا؟ اهدوا. زهوة إيه الكلام ده؟ كنت ساكتة ومش قادرة أتكلم ومش عارفة أعمل إيه. بقا حبي أنا وأحمد يعمل كل ده؟ يجرح اتنين ملهمش ذنب غير إنهم بيحبوا بجد. ملهمش ذنب غير إنهم حبونا بكل عيوبنا. أوووف. قمت من جنبهم ودخلت البلكونة.

سما: "زهوة، إنتي زودتيها على فكرة." زهوة: "مبقاش أختها لو مقلتلهاش على اللي هي مش شيفاه، وبجد ياسين صعبان عليه أوي." سما: "طب أنا هقوم أشوفها." زهوة: "لأ، خليكي. أنا هقوم أشوفها." وقامت دخلتلي البلكونة. زهوة: "شهـ...

زهوة: "أنا مش طايقة كلمة. أنا مقلتش لياسين حبني ولا ياخد باله مني ويلزقلي، ونبهته كتير إني بحب أحمد ومش أكتر. وعشان كده مخلتوش ياخد رقمي طول فترة الكلية عشان ما يتعلقش بيه على الفاضي. بس هو اللي فضل على وهم." زهوة: "وإنتي كمان عشتي في وهم."

زهوة: "أنا لو كنت عايشة في وهم مكنتش قبلت أحمد تاني. مكنش هو هيفضل فكرني ومعاه صورة أمي وصورتي وأنا لسه لابسة سلسلته. أحمد ده الحاجة اللي عايشة بيها أصلاً. بس تعرفي، أنا بقالي 10 سنين عايشة من غير أحمد وعايشة على حبه وبشتغل وبدرس وبجتهد وبربي خواتي." (تنهدت) "مش هموت دلوقتي لو بعد عني أو أنا سبته." زهوة: " قصدك إيه؟

زهوة: "قصدي إن أحمد هيبقا أخ ليا وعشرة قديمة مش أكتر، زيه زي ياسين وعنود. بقا هي حرة، وياسين حر، وكل واحد حر في حياته يا زهوة." زهوة: "إنتي شايفة إن ده الحل؟ زهوة: "آه، وأنا عايزة حياتي تمشي كده." *من بعد مرور سنة* شهد واقفة في البلكونة بتشرب الشاي بالنعناع وسرحانة.

"الحياة مشيت زي ما أنا عايزة. أنا وأحمد بنتكلم بحدود وإخوات، وبقالنا فترة مش بنشوف بعض. وياسين اتقبل الأمر وبقى أخ ليا وبيحاول يشيل حبه من قلبه. وعنود اتغيرت تماماً في المعاملة معايا ومع أحمد ومع الكل، وبقت تروح جيم لوحدها في كل حاجة. وكلامها قليل، ووشها بقى كئيب جداً. عدت فترة التدريب على خير، وخلاص بدأت شغل بجد وبقا عندي مكتب." (بصت على سما)

"سما بقا حبت ميلان جداً وقالتلي، وأنا بحاول أبعدها عنه لأنه مينفعش. هيحصل مشاكل كتير، هو مسيحي وهي مسلمة. ولا الكنيسة هتسكت ولا الجامع ولا حد هيبقى راضي. إنما يوسف بقا في خطوبة حبيبه وديماً ناقر وبتخبط مع سما في كل حاجة. وجودي نجحت أهي ودخلت خمسة، وسما اتنين كلية." (بصت على زهوة)

"إنما ست زهوة بقا، بقت كل يوم تقف في البلكونة عشان تلمح أستاذ درش وهو بيبيع حشيش وبيتعارك وقرف. مش عارفة إيه العيلة اللي أنا واقعة فيها دي. بس فرحانة إنها بقت تشتغل وتسلي وقتها. لولا كده كان زمانها انحرفت مع الحشاش ده." جيت أدخل لقيت سما. سما: "شااااااهد ااااااعااااا! شهد: "خضة... إيه يا بت الهبلة؟ سما بضحك: "سرحانة في إيه يا جميل؟ شهد: "ولا حاجة ياما، مرزوعة أهو. هي الساعة كام؟ زهوة: "الساعة 11." (وبصت من البلكونة)

زهوة: "بتبصي على إيه؟ شهد: "خشي جوه." زهوة: "ها؟ وأنا هبص على إيه؟ أنا بشم الهوا." شهد: "والهوا ده اسمه درش البلطجي." زهوة بنفخ: "أوف، ده مش بلطجي... آه، هو صايع، بس خشي جوه." زهوة دخلت بتزمّر وجت بعد شوية. زهوة بتمثيل: "يلهوي، دا مفيش لبن وأنا نفسي في رز بلبن أوي. هـ... هنزل أجيب لبن وهاجي." شهد: "لأ، چودي هتنزل." چودي غمزت لزهوة. چودي: "آه، رجلي، رجلي وجعاني أوي." شهد: "يا كدابة! طيب أما نكدت عليكي، طلعي الواجب."

چودي: "ها؟ واجب؟ لأ أنا هنزل أجيب لبن. هاتي الفلوس." زهوة: "هاتي الفلوس." زهوة لبست العباية وشعرها لمته بتوكة. زهوة: "يلا، أنا نازلة. باي." شهد: "والله يا زهوة الكلب، لربيكي من جديد. خدي يابت." نزلت سما من عند الباب الأوضة. شهد: "متبقيش خنيقة بقا، الله." سما: "خنيقة؟ (وطيت جبت الشبشب وضربتها في وشها) سما: "اااااعااااا! ترن ترن ترن ترن. شهد برفعة حاجب: "مين بيرن عليكي يا بت؟ سما بتوتر: "دي دي رزان."

شهد: "والله يا بنتي، هو إنتي مش واخدة بالك إني ظابطة وفالمخابرات؟ أنا مش قلتلك متكلميهوش؟ سما: "مفيش سمعان كلام خالص." سما بحزن: "أوف، إحنا أصحاب بس ياشهد." شهد: "والله لا باين عليكي. طب سما." سما: "ممكن أرد؟ شهد: "لأ، وصحاب في الكلية بس مش تليفونات. اعمليله بلوك بقا كده." سما: "أوووف." وسبتني ومشيت. شهد: "أوف بقا كده، يا تربية زبالة إنتي. أما أربيكي إنتي كمان، مبقاش أنا." ******** *بقلم* Shahd Alaa🤎🦋🖇️

زهوة مشت وشافت درش وهو... درش: "كام دول يا... زهوة: "هو الحشيش كمان بقا بيتشحت؟ يا حلتها. بقولك إيه، بطلنا. خد بعضك وغور كده. مفيش حشيش تاني." الي مع درش نفخ وبص لزهوة أوي. راح درش شده من دماغه. درش: "بتبصي على إيه يا رحمة؟ البت دي تخصني. إنت عبيط ولا شكلك كده؟ وبدأ يتعارك معاه. وزهوة راحت جابت اللبن وهي فرحانة. زهوة: "ااااعااا، بقا أنا أخوصه؟ يا حلاوة يا ولاد اللبان." شخص: "نعم يا زهوة يا بنتي."

زهوة: "إزيك يا راجل يا طيب؟ عايزة لبن." (وجابت الحاجات وهي راجعة بصت على درش ملقتهوش. فضلت تبص يمين وشمال. لقت صوت من وراها.) صوت: "ما تمشي عدل بقا، ابت. الله. بتتلفتي كده ليه؟ زهوة اتخضت ولفّت دمغها بعفوية. زهوة بالم: "آه، آه يادماغي. آه." صوت بخضة: "إيه مالك؟ إيه؟ رقبتي؟ آه ياني. إنت خضتني ياعم." صوت ضحك: "معلشي ياقطة. رايحة فين بقا؟ زهوة بابتسامة هبلة: "مروحة." درش: "وكنتي نازلة لي؟

زهوة: "كنت بجيب لبن، أصل عايزة أعمل رز بلبن." درش: "هو أنا سألتك ليه؟ يلا يابت اطلعي على طول." زهوة ضحكت بهبل وطلعت تجري. قد إيه هي مهزقة. *بليل في بيت شهد* زهوة وسما كانوا نايمين في أوضة، وچودي وشهد في أوضة. تليفوني رن... شهد: "الو، ياسين؟ ياسين: "عاملي إيه يا شوشا؟ شهد: "فل يابا." ياسين: "ديماً يا رب. بقولك، أمي بتسلم عليكي وبتقولك بكره الصبح الفطار عليكي. أنا خلاص فلست." شهد: (ضحكت) "حاضر يامعلم. عايز تفطر إيه؟

ياسين: "نفسي هفاني على بطاطس محمرة." شهد: "حاضر. يلا غور بقا عايزة أنام." ياسين: "أشطا يابا، سلام." قفلت. ياسين في سره: "يا لو تعرفي يا شهد إني بكلمك عشان وحشني صوتك مش عشان حاجة. يا رب شيل حبها من قلبي بقااا." زهوة وسما كانوا نايمين وبيتكلموا. زهوة: "مشفتيهوش ياسمى وهو بيقولي يلا يابت اطلعي؟ يلهوووي. ولا لما قال البت دي تخصني؟ اااعااا، بحبه ياسمى، بحبه." سما بحزن: "أقل حاجة ده مسلم. في أمل. أنا أعمل إيه؟

بحبه أوي برضه، بس ااااعاااا." زهوة: "يا بت عادي. مسيحي تتجوز مسيحي، بس باتفاق بقا بين الأهالي." سما: "وشهد دي حد يعرف يتفق معاها على حاجة أصلاً؟ زهوة: "بصراحة لأ. وأنا كمان نفس البلوة. أختك ظابطة، تفتكري تجوزني لبياع حشيش؟ طب والله بياع حشيش قمر ويتحب." (وحضنت سما) سما زقتها: "أوعي يابت. أنا مش درش ياما الله. هي شهد نامت؟ زهوة: "تقريباً أه." سما: "عايزة أكلم ميلان. أصله رن عليا وأنا قدام شهد، فاتهزقت."

زهوة: "طب بصي، رني عليه واتكلمي بسرعة. ها؟ وأنا هروح أراقبلك الجو، و بالمرة أشوف لو درش تحت، هنزله طبق رز بلبن." سما ضحكت: "اشطاو." وقامت زهوة تشوفني، لأن الأوضة اللي أنا فيها فيه البلكونة. دخلت وأنا عملت نفسي نايمة. وهي اتسحبت زي الحرامي، دخلت البلكونة. وبصت لقت درش واقف وباصص على البلكونة. راحت بسسبست ليه وشورت ليه يجيلها. درش بصوت عالي: "إيه؟ عايزة حاجة أجبهالك؟ زهوة بهمس: "شششش. لأ. اقف ثواني."

(وبصت عليا وجرت جابت طبق رز بلبن وجت. ولسه بتحطه في السبت... شهد: "بتعملي إيه يازهوة؟ زهوة: "اااااعاااا! (ورمت الطبق على درش) درش اتبهدل كله بالرز بلبن. درش بصوت عالي: "تسلم إيدك. المرة الجاية تبقي قليلي النشا." ومشي وهو بيبرطم: "أنا مني لله. همشي إزاي؟ ده أنا لو وقفت... في نفس الوقت. سما: "الو، ميلان؟ ميلان: "الو. إيه؟ قلقتني عليكي. مش بتردي لي؟ سما بهمس: "معلشي مكنتش فاضية. عامل إيه؟ ميلان: "أنا كويس. المهم إنتي؟

سما: "الحمد لله كويسة." ميلان: "وحشتيني." (ابتسمت وفرحت أوي) سما: "احم. أنا لازم أقفل." ميلان: "لي؟ بس عايز أتكلم معاكي أوي وأحكيلك يومي." سما: "طب، احكيلي." (وتسو بصت على الباب بخوف) ميلان بحزن: "تمام. الي إنتي عايزاه. باي." سما: "بايو." وقامت عشان سمعت صوتي وأنا بضرب زهوة. سما: "إيه؟ (الجزمة الحيوانة بتنزل رز بلبن للواد اللي تحت دا. مفيش سمعان كلام خالص.)

سما بتمثيل: "قلتلها بلاش، مش بتسمع الكلام. ونبهتها. أنا مش عارفة إزاي بتبص للحشاش ده أصلاً. يلا، في رعاية الله. أنا هنام." ومشت. زهوة: "آه يابت الجزمة ياوطية. آه ياشهد، براحة." ******** *بقلم* Shahd Alaa🤎🦋🖇️ في بيت أحمد. أحمد: "الو، يوسف؟ يوسف: "عايز إيه يلا؟ أحمد: "عملتلي إيه في اللي طلبته منك؟ يوسف: "نفذت يخويا. عقبال ما إنت كمان تنفذ اللي طلبته منك." أحمد: "والله يا يوسف، إنت زنان أوي. ما هي حبيبة مهي قمر أهي."

يوسف: "الله. اقفل يـ... أحمد، بدل ما أشتمك بالأجداد. أنا هلقيها منك ولا من حبيبة ولا من الزفتة سما. اقفل." أحمد بضحك: "حاضر. يلا باي يابا." يوسف: "غور، كتك القرف." قفل ف وشه. أحمد قعد يضحك. أحمد: "أحسن. أهو تتربى شوية يا يوسف. أهي حبيبة دي، هطلع عليك كل اللي عملته في بنات الناس. هي وسما." عند يوسف كان سرحان. افتكر أيام الامتحانات. ... Back to the past... يوسف: "إيه ده؟ آنسة سما؟ سما: "يادي الحظ!

هو إنت يا دكتور مراقب علينا؟ يوسف برخامة: "اممم. شفتي حظك." سما بهمس: "أنا عارفة طول عمري فقرية." (وكان ميلان مع سما في اللجنة) سما بهمس: "بس بس ميلان." يوسف: "إيه؟ سما بهمس: "السيـ... يوسف: "نعم يـ... آنسة؟ عايزة حاجة؟ سما: "ها؟ لأ والله. يبني عايزة أنجح بس." يوسف بتحذير: "عينك في ورقتك." سما جزت على سنانها: "حاااااضر." (وهم بيلموا الورق) ميلان: "خلصتي ولا لسه؟ سما بتوتر: "فضلي آخر سؤال بس." ميلان: "اكتبي لـ...

يوسف ببرود: ورقتك يـ... آنسة." سما بحزن: "ملها؟ يوسف: "لأ مش بسأل على صحتها خالص. ورقتك بنلم." سما: "ونبي إلهي تنستر دنيا وآخرة. ما تلف لفة كده وتعالي أكون خلصت." يوسف بيحاول يمسك ضحكته: "ورقتك." سما: "والاسـ... يوسف: "لأ، أهو كده كده دي مادتك كتها نيلة. اللي عايز علام." وسبته ومشيت. .............. ... Back from the past... يوسف لنفسه: "إيه يا يوسف؟ ما كنت كملت السنة ورجعت المستشفى. إيه اللي خلاك تكمل في الكلية؟

وإيه اللي بيخليك تغير عليها كده؟ أووف." ترن ترن. صوت. صوت: "اااعااااا منك لله يا أحمد. كشفت راسي ودعيت عليك. أنا هعمل نفسي نايم أحسن." (ونام وساب حبيبة ترن) ******** *بقلم* Shahd Alaa🤎🦋🖇️ تاني يوم صحيت بنشاط و... چودي: "چودي حبيبتي، يلا يروحي، ف مدرسة. يلا." چودي: "حاضر يـ... شري." شهد: "يلا هروح أصحى سما وزوزة." (وأموه وبوستها وقمت صحيتهم الاتنين وبدأنا نلبس. أنا في الأوضة... سما: "خلصتي السندوتشات بتاعت چودي؟

سما وهي بتاكل: "آه، أهو." شهد: "شكلك بتأكليهم. وزهوة فين؟ سما بضحك: "بتأكل معايا." (وطلعت وأنا لابسة البدلة) شهد: "يا مفجيع! وريني كده." (وأخدت سندوتش أنا كمان وهم ضحكوا) چودي: "أملي يا مفجيع! احييي، إنتي لسه ملبستيش." (وأخدتها عشان تلبس) خالصنا ونزلنا كلنا. وصلت چودي المدرسة وسما الكلية. وعند شغل زهوة. زهوة: "والله ياشهد، إنتي لو أمنا ما هتعملي كده. ربنا يخليكي لينا." شهد: "بطلي رغي يابت. ما أنا أمكم أصلاً."

زهوة بضحك: "أصغر مامي في الدنيا. يلا باي." (ضحكت ومشيت. باي ياما) (ومشيت عشان ألحق الشغل. مش ناقصه كلام من حد) (ودخلت والكل بيضرب تعظيم سلام) (شفت عنود وعيني جت في عينها. حسيت إنها بقت جامدة وجاحدة) (ومشت عنود. وأنا جيت أدخل مكتبي) العسكري رجب: "يـ... حضرت الظابط." شهد: "نعم يارجب؟ فيه إيه؟

العسكري رجب: "حضرت الظابط ياسين سأل عليكي. هو جي من 10 دقايق وقالي أقولك تروحي له. وفيه واحد جه من شوية وساب لحضرتك بوكس كبير جداً جوه في المكتب." شهد: "حد مين؟ مقالش اسمه؟ العسكري رجب: "لأ والله يا فندم." شهد: "تمام. لو ياسين سأل عليا، قوله لسه مجتش. وأنا هبقى أروحه." (ودخلت المكتب لقيت بوكس كبير أوي فعلاً وعليه كارت مكتوب فيه: افتحي بسرعة. أنا بتسلق) (ضحكت: "إيه الهبل ده؟ مين اللي بيتسلق؟ (بقول

للبوكس: "مين جابك هنا ياعم أنت؟ صوت من جوه البوكس: "مش بقولك بتسلق؟ افتحي يابت يامجنونة." (قمت اتفجعت. بسم الله الرحمن الرحيم. إيه دا؟ فيه إيه؟ (وقربت وأنا مرعوبة. شلت الغطا لقيت 😳😳😳😳😳... شهد: "يا إبن المجنونة." _ـكل يوم بيفوت عليا .. ليك بحن ف كل ثانية .. صعب أعيش ف الدنيا ديا الي بييييک🥺♥️♥️♥️♥️ *يا ترى شهد لقت إيه؟ *أو مين؟