رواية وعد زين الفصل السادس 6 - بقلم اسماء سعد

بس انا موافقه. انتِ بتعصيني ي وعد؟ وبتصغريني قدامه؟ العفو ي بابا بس أنا موافقة. وأنا قولت مش موافق. ي بابا الواد تعبان. وأنا مالي. هو ينقذ ابنه ويورطك انتِ؟ ي بابا توريط إيه بس، كده مش هتورط ولا حاجة. لا هتتورطي، رايحة توافقي على واحد متجوز ومخلف اتنين. ي بابا والله هيبقى جواز صوري. وبعد تلات شهور أو أربعة هنطلق. صح ي زين؟ أيوه ي عمي لحد ما انس يتحسن بس. ما بالك ي بابا؟ لاقيتُه قعد على الكرسي، وعينه دمعت. بتعيطي ليه؟

ي بابا. عشان انتِ أول فرحتي، مش عارف إزاي هضحي بيكي كده. والله ي بابا مش تضحية، صدقيني أنا راضية. أنا هعمل خير. مش انتَ كنت بتقولي لو في إيدك تنقذي شخص ماتتردديش لحظة. طب أهو أنا في إيدي أنقذ انس وانتَ مش موافق. قلبي واجعني عليكي ي بنتي. لا ي حبيبي متخافش عليا، وبعدين أستاذ زين كويس. بطل عياط بقى. يعني أطمن؟ آه ي حبيبي اطمن. لاقيتُه خدني في حضنه وفضل يعيط. أنا آسف ي بنتي إني عملت فيكي كده.

لا ي حبيبي أنا مش زعلانة، محدش بيزعل من روحه، وانتَ روحي ي حج. انتِ بتثبتيني صح؟ الصراحة آه. يالاااهوي الحقني ي حج سعاد جاية. بتقولي إيه ي بت انتِ؟ هااا ولا حاجة ي سعاااد. ده انتِ قمر. آه بحسب. قومي ي بت من حضن جوزي انتِ ماصدقتي. آهو ي سعاد قمت. جدعة يختي. ها ي عمي موافق. آه ي بني موافق وأمري لله. زغرطي ي سعااااد. لولولولولولللييييححح. إيه ي سعاد بقولك زغرطي تقوليلي ليح.

اسكتي انتِ ي بت هما بيزغرطوا كده انتِ إيش عرفِك؟ هما مين ي سعاد؟ الستات ي بت. آه طيب طيب. زين كلم المأذون، وبعد نص ساعة وصل هو والشهود. انتِ موافقة ي بنتي؟ آه ي مولانه موافقة. انتَ موافق ي بني؟ موافق ي مولانه، اتكل على الله. بعد دقايق سمعت الجملة المشهورة. بارك الله لكما، وبارك عليكما، وجمع بينكما في خير. حسيت بنغزة في قلبي بعد ما المأذون قال جملته. بس حاولت ما أفكرش في حاجة وأفرح. ارقعيلك زغروطة ي سعاااد.

لولولولولولولولللليييي. بابا قام حضني وعينه دمعت. خلاص بقى ي حج إحنا اتفقنا. ماكنتش متخيل إنك هتبعدي عني بالسرعة دي. منا جمبك أهو ي حج الله. بس طولة لسان بقى. حبيبي حبيبي. خدي بالك من نفسك ي بنتي. حاضر ي بابا. خلي بالك منها ي زين ي بني. في عنيا ي عمي. عن إذنكم. خدني ونزلنا وركبنا عربيته، كنت ساكتة. أصل هقول إيه. قلبي مقبوض بس حاولت أتعامل، ماينفعش أراجع. سرحانة في إيه؟ ها ولا حاجة.

انس سأل عليكي وكان بيعيط عشان يكلمك. حصله حاجة تاني؟ لا متخافيش هو كويس. أنا كنت بقوله إنك تعبانة. الحمد لله. انتِ بجد بتحبيهم ولا بتعملي كده وخلاص؟ هو إيه السؤال الغبي ده؟ إييه؟ هاا. لا ولا حاجة. يعني حضرتك أنا حاربت أهلي عشان أتجوزك لو ماكنتش بحبهم ماكنتش عملت كده. ليه انتِ بالذات اللي عملتي كده؟ حكمة ربنا بقى. وبعدين أنا بحب الأطفال. خايف تكوني عملتي كده شفقة على انس. لا عمري ما أعمل كده شفقة.

أنا فعلاً زعلانة عشانه وبتمنى إنه يتعافى بس عمري ما أتعامل معاه على أساس شفقة. تمام، اتفضلي وصلنا. نزلنا ودخلنا البيت. انس وحور استقبلونا. ميييث وعددد. جرى عليا وحضني. أنا افتكرتك مش هتيجي تاني. لا ي حبيبي مقدرش أمشي وأسيبك. ما انتِ هتمشي تاني. لا هعيش معاك على طول. بجدددد؟ آه ي حبيبي. هييييهههه. هييييههه. قعد يتنطط وأنا مبسوطة إنه بقى فرحان. شيلته ودخلنا جوة وزين شال حور. انتِ هتبقي ماما صح ي ميس.

آه ي حور عايزين تقولولي ماما قولوا هكون مبسوطة. ولو مش عايزين قولولي وعد. إحنا هنكون أصحاب. هيييهه مااثي. إيه ده انس نام. طيب أنا هروح أنيمه في أوضته. تمام. روحت أنيمه في أوضته مسك إيدي. ف نمت جنبه وقعدت أطبطب عليه. حضني ونام. زين خبط ودخل عشان ينيم حور. انتِ ليه نايمة هنا؟ هااا. مش قصدي، قصدي يعني أوضتك فوق. انس مش راضي يسيبني ف هنام معاه هنا. محتاجة حاجة أحضرهالك؟ لالا ارتاحي. تصبحى على خير. وانتَ من أهل الخير.

خرجت وأنا نمت جمب انس. تاني يوم. صاحيت، مالقتش انس وحور جمبي. طلعت برة مالقتش حد. إيه ده راحوا فيين؟ خرجت الجنينة لقيتهم قاعدين. انتوا هناا وأنا عمالة أدور عليكم. مارضيناش نصحيكى. اممم حبيبى حبيبى. إيه؟ احم. ولا حاجة. كلتوا؟ لثه. عايزين تاكلوا إيه؟ اعملينا حاجة على زوقك. امممم، إيه رأيكم نفطر بجبنة وبيض ولبن. وأعملكم مكرونة بشاميل على الغداء. هييييهههه. هييييهههه. قالوها انس وحور. بتعرفي تعمليها؟ آه طبعاً.

طيب أما نشوف. عيب عليك. طيب طيب. هنشوف. يلا نفطر عشان جعانة أووى. آه يلا واحنا كمان جعانين. طب يلاا بسرعة وجريت وهما جروا ورايا. مخلف اتنين مجانين وهي أجن منهم. يلااا ي باباااا. حاضر جاااى. قعدنا ناكل، وكنت عمالة أهزر معاهم. خلصنا أكل وماما رنت. الوو ي ماما عاملة إيه ي حبيبتي وبابا عامل إيه؟ بخير ي حبيبتي انتوا عاملين إيه وانس وحور كويسين؟ آه ي ماما كويسين الحمد لله. مين ي ماما وعد. دي تيته ي حبيبي، تاخد تكلمها؟

ماثى. خدى انس معاكي ي ماما. الو ي تيته. إيه ي حبيبي عامل إيه؟ كويث انتِ عاملة إيه؟ بخير ي حبيبي. حور عاملة إيه؟ كويثه. يارب دايما تكونوا كويسين ي حبيبي. أديني ماما وعد. حاضر. ماماااا وعدددد. نعم ي انوسه. خدى تيته. الو ي ماما. إيه ي حبيبتي. بابا عامل إيه؟ كويس اهو. يارب ديما. المهم انتِ جوزك عامل معاكي إيه؟ كويس. تمام ي حبيبتي أنا مبسوطة إني اطمنت عليكي. ابقى سلميلي على بابا. حاضر. يلا سلام بقى عشان جوزك.

سلام ي حبيبتي. باباكي كويس؟ آه الحمد لله. امم طيب أنا هروح الشغل. ممكن تقعدي النهارده من الشغل؟ مش هينفع. احم تمام. مشي وأنا روحت قعدت مع انس وحور في الجنينة وقعدنا نهزر ونضحك واتمرجحت معاهم عادتشيي أنا طفلة هههه. الوقت عدى ومعاد الغداء جه. دخلت أعملهم مكرونة بشاميل زي ما وعدتهم. انس وحور ساعدوني. كنا مبسوطين أوووى بصراحة أنا مبسوطة أكتر منهم. خلصنا المكرونة. هييييههه خلصنااااا. هيييهههه. هيييهههه.

قعدت أتنطط أنا وهما، وفجأة لقينا زين قدامنا. يخربيتك بتيجي في وقت مش مناااسب خاالص. بتعملوا إيه؟ احم كنت بعمل مكرونة. طيب أنا جعان. هحط الأكل أهو استنوني على السفرة. ماما وعد. نعم ي قلب ماما. هاتي بوثه. اموواااهححح. عسسللل. الله الله ي أستاذ انس. بتبوسها هي وأنا لا. وطى. آهو ي سيدي. امواااههحح. يلااا يلاااا خلصوا فقرة البوس دي عشان تاكلوا. يلااا ي انس لحسن ماما تجري ورانااا. يلااا يلااا.

حطيت الأكل وقعدنا ناكل في جو أسري جميل حقيقي كنت مبسوطة. وعدت الأيام واحنا مبسوطين. حقيقي حاسة بتغيير زين، بقى يهزر معاهم ويضحك، بقى ييجي من الشغل بدري ويقعد معاهم، بقى مهتم بيهم. حسيت بتحسن انس مبقاش يزعل، وبقى يضحك ويقعد معانا، بقى يلعب مع زمايله ومبقاش يقعد لوحده. يارب يكون كده دايما.