رواية واصيتي الفصل السادس عشر 16 - بقلم نونا رامي

مازن بجدية وحزن: منه، أنتِ عندك ورم ولازم تعملي عملية في أقرب وقت. منه بجمود: طب ما أنا عارفة. لينظر لها الجميع بصدمة شديدة ويعم الصمت في المكان. ملك بعد استيعاب: عارفة إزاي يعني؟ منه بنفس الجمود: هيكون إزاي؟ كشفت وعرفت. حمزة بغضب: والله وكنتِ مستنية إيه؟ ليقترب منها مازن بهدوء ليصفعها صفعة أدمت شفتيها ويقول بغضب شديد: هتكون مستنية إيه؟ مستنية أما تموتي طبعًا. لتصرخ منه بألم وتبكي بشدة.

مازن وهو يأخذها بين أحضانه ولأول مرة ليتجمد جسدها بصدمة: عايزة تسيبيني يا منه؟ منه ببكاء: أنا خايفة. مازن وهو يشدد من احتضانها: متخافيش طول ما أنا معاكي، أنا مش هسيبك. منه وهي تبادله العناق وتستند برأسها على صدره وتقول بدموع: أنا خايفة أموت وما أعرفش أشوفك ثاني، هتوحشني. مازن بدموع لأول مرة تظهر وهو يضمها أكثر لصدره كأنه يخشى أن يفقدها: لو سمعتك بتقولي الكلمة دي ثاني، عارفة هعمل فيكِ إيه؟ منه وهي ما زالت في أحضانه

تستند على صدره بارتياح: إيه؟ مازن بخبث: هضربك من القلم اللي لسه واخدَاه ده أقلام مش هتعرفي تعديها، ها، هتقولي كده ثاني؟ منه برعب وهي تدفن نفسها في أحضانه: لا، مش هقول كده ثاني والله. مازن بضحك: جبانة. منه بعبوس وهي تخرج من أحضانه وقد تناست خوفها منه: أنا مش جبانة على فكرة. مازن بخبث وهو يرفع حاجبه: حلو، القطة بقت تخربش. منه بتحدٍ وعبوس طفولي: وبتعض كمان.

لينفجر مازن في نوبة ضحك شديد لينظر له الجميع بتعب شديد فمازن لا يضحك بسهولة وجدي جدًا لتسرح منه في ضحكته. حمزة بخبث: حلو مش كده؟ منه بهيام: آه، حلو أوي. ليقع جميع من بالغرفة من الضحك عليها لتنظر لهم بغضب وعبوس. ملك هي اللي أخت مازن ومنه تبقى بنت عمو وهو اللي مربيها وحمزة وآدم إخوات.