رواية واصيتي الفصل الثالث عشر 13 - بقلم نونا رامي

مازن وهو يدخل الغرفة: _في إيه اللي بيحصل هنا؟ ليعم الصمت فجأة، لتبادر منه بالحديث وتقول بتوتر وكذب: _مفيش يا أبيه، أنا وملك اتخانقنا واتعصبت عليها وضربتها. مازن وهو ينظر للجميع بشك: _وأنت يا آدم إيه اللي جابك هنا؟ آدم وهو ينظر لهم بغموض: _مفيش، جيت زيي زيك لما لقيت صوتهم عالي. مازن بهدوء وهو يتوجه نحو ملك ويساعدها على النهوض ويفحص وجهها: _أنتِ كويسة؟ ملك بتوتر ودموع: _آه كويسة. مازن ببرود: _منه تعالي هنا.

منه وهي تتقدم بدموع: _نعم؟ مازن بحدة: _اعتذري. منه وهي تنظر لملك وعيناها ممتلئة بالدموع: _أنا آسفة. لينظر لهم مازن بجمود ويغادر الغرفة. آدم بسخرية: _لا برافو عليكي، ده أنا كنت هصدق. منه بتوتر: _ما أنت كنت هتقوله. آدم بجدية: _أكيد ما كنتش هقوله. ويقول وهو يوجه كلامه لتلك الواقفة بعيد تبكي بخوف: _تعالي هنا. ملك وهي تتقدم بخوف ودموع: _ن... نعم. آدم بجمود: _عايز أعرف كل حاجة ومن غير كذب. ملك ببكاء:

_ده زميلي في الكلية مش أكثر. آدم بصراخ وحدة: _من غير كذب. ملك بانتفاض وخوف: _ده إسلام. آدم بجمود: _إممم. ملك بدموع: _أنا بحبه وأنا وهو مرتبطين من سنة أولى. آدم بهدوء: _إممم. ملك بدموع: _وهو حالياً بيجهز نفسه عشان يجي يطلب إيدي من مازن. آدم بغضب وغيرة أخفاها تحت قناع البرود: _وأنتِ صدقتي؟ ملك باستغراب وتأييد: _آه طبعاً، إسلام بيحبني وأنا بحبه وهنتجوز آخر السنة دي. آدم بغضب: _ده بيوهمك، طمعان في فلوسك. ملك بصراخ وغضب:

_لا طبعاً أنت كداب. ليرفع آدم يده ليصفعها، لتنكمش ملك وتغلق عينيها بقوة ورعب، لينزل آدم يده مرة أخرى ويقول بنبرة مرعبة: _لو شوفتك مع الواد ده تاني هيكون آخر يوم في عمرك وعمره. ويغادر الغرفة ويغلق الباب بقوة، لتنتفض ملك وتجلس على الأرض بانهيار وبكاء. منه وهي تركض نحوها وتأخذها بين أحضانها: _شِشْشْ، اهدي يا روحي. ملك ببكاء وشرود: _هيئذي إسلام، هيئذيه. منه وهي تشدد من احتضانها: _لا، مش هيأذيه. قومي معايا أغسلك وشك.

لتنهض ملك معها بتعب وتغسل وجهها وتذهب نحو سريرها بتعب. منه وهي تعانقها مرة أخرى: _كل حاجة هتبقى كويسة، كل حاجة هتبقى تمام. ملك وهي تمسك في ثياب منه بقوة: _مفيش حاجة هتبقى تمام. منه بحنو: _لا يا حبيبتي، كل حاجة هتتحل. إحنا بكرة هنروح نعرف إسلام كل اللي حصل، وهو لو باقي عليكي هيجي يكلم أخوكي. ملك بشرود: _تفتكري؟ منه بتنهد: _آه، وأنا أصلاً يا ملك ما برتحلوش. ملك بغضب: _هتعملي زي آدم وتقولي ما بيحبكيش، بيحب فلوسك؟

منه بجدية: _أنا ما قلتش كده. ملك بتعب: _هتفضلي لحد إمتى تشيلي نتيجة أفعالي؟ منه بمرح: _منصور، ما تقولش كده إحنا أخوات. ملك بضحك: _ههههه، حتى في وقت الجد بتهزري. منه وهي تربت على ملك بدراما ومرح: _اضحكي، محدش واخد منها حاجة يا ضنايا. ملك بحزن: _منه، أنا بحبك، أوعي تسيبيني. منه بحنان: _ما أقدرش يا ملك. ملك بدموع: _طب أوعديني. منه بضحك: _وعد يا ملكة الدراما. منه وهي تنهض من على السرير:

_هروح أجيب هدومي وأجي أعمل إقامة عندك في الأوضة النهاردة. ملك وهي تمسح دموعها وتقول بضحك: _أشطا. لتنهض منه وتشعر بالدوار وألم في رأسها، ولكن تتجاهل هذا الشعور وتمشي بخطى بطيئة حتى وقعت مغشياً عليها، وكان صراخ ملك آخر شيء تسمعه. ليدخل حمزة ومازن الغرفة بفزع بسبب صراخ ملك. حمزة بقلق وهو يدخل: _في إيه؟ ليقع نظر مازن على تلك الشاحبة الملقاة على الأرض، ليركض نحوها بفزع شديد ويحاول إفاقتها إلا أنها لا تستجيب.

ليحملها بسرعة ويتوجه بها للأسفل، ليركض حمزة خلفه. ملك ببكاء: _هاجي معاكوا. آدم وهو ينزل من على الدرج: _في إيه؟ حمزة وهو يركض للخارج: _تعالي مع آدم. ملك ببكاء شديد: _منه أغمى عليها. آدم بقلق: _طب اهدي وتعالي بسرعة يلا. ليتوجه الجميع نحو المستشفى. مازن وهو يدخل ويقول بصراخ: _دكتور بسرعة. ليتوجه نحو بعض الممرضين بالترولي ويأخذوها نحو غرفة الكشف. بعد مدة يخرج الطبيب من الغرفة. مازن وهو يذهب نحوه: _خير يا دكتور، هي كويسة؟

الدكتور بحزن: _أنا شاكك إنه كانسر، بس لازم أتأكد بالأشعة الأول.