رواية واصيتي الفصل الثاني عشر 12 - بقلم نونا رامي

تدخل ملك غرفتها، ولكن تشهق بخضة عندما رأت آدم يجلس على مكتبها ويفتح هاتفها، لتركض بفزع وتنتزع الهاتف من يده: أهلك ما قالولكش إنه مينفعش تدخل أوضة حد وهو موجود، لا وكمان فاتح تليفوني! دا يبقى اسمه إيه دا؟ لينظر لها آدم ببرود ومن ثم يفاجئها بصفعة شعرت أن فكها قد انكسر، لتصرخ بألم شديد. آدم وهو يصك على أسنانه: دا عشان عليتي صوتك عليا. لتنظر له ملك بخوف ودموع. ليمسك آدم يدها بقوة شديدة جعلتها تزرف الدموع

مرة أخرى ويقول بغموض: إنما بقى اللي أنا شفته في المطعم وعلى التليفون لسه بفكر الصراحة عقابه هيبقى إيه. ملك وقد خانتها قدماها وكادت أن تسقط، ولكن كانت يد آدم ممسكة بها بقوة. ملك برعب وتلعثم: أ... أنت بتتكلم على إيه؟ م... مش فاهمة. آدم وهو يمسكها من شعرها بقوة: أنتِ هتستعبطي يا بت ولا إيه؟ ملك ببكاء عالي وخوف: آآآه شعري! منه وهي تدخل غرفة ملك بسرعة وفزع بعد أن سمعت صوت بكائها لأن غرفتها أقرب غرفة لملك: إيه، في إيه؟

لتتوقف فجأة عندما رأت آدم يمسك شعر ملك بهذه الطريقة وملك تبكي بقوة وعلى وجنتها أثر صفعة قوية. منه وهي تركض نحوهم بفزع: إيه في إيه اللي حصل؟ ملك ببكاء شديد وتوسل: منه بالله عليكي خليه يسيبني. منه بتوتر: في إيه يا أبيه؟ آدم ببرود: على أساس إنك أنتِ كمان مش عارفة؟ لتبتلع منه لعابها الجاف فقد تبين لها الموضوع: مش فاهمة. آدم وهو يترك ملك لتسقط على الأرض ببكاء شديد وألم ويتوجه نحو منه لتقول بسرعة وخوف:

عاااا فهمت كل حاجة والله فهمت. آدم وهو يرفع حاجبه ويمنع نفسه من الابتسام: طب كويس إنك فهمتِ عشان كنت ناوي أفهمك. ويتوجه نحو ملك مرة أخرى بغموض وشر: ها يا ملك أعاقبك إزاي؟ منه بسرعة وفزع: أبيه آدم! آدم وهو يلف رأسه: خير؟ منه بتوتر: تعالى بسرعة مفيش وقت للتفسير. آدم وهو ينظر لها بشك: امشي على أوضتك. منه بتوتر ورجاء: لا لازم تيجي الأول، لازم أقولك حاجة. ليذهب آدم نحوها بشك: اممم. منه وهي تنظر على قدمه وتقول بتوتر:

دا إيه دا اللي على الكوتش بتاعك دا؟ لينظر آدم باستغراب على قدمه. وتستغل منه الفرصة وتركض نحو ملك وتحتضنها بحماية وقلق: أنتِ كويسة؟ آدم وهو ينظر لها بغضب: هو أنتِ بتستعبطيني؟ منه وهي تجاهد كتم ضحكتها: أنا قولت بص على الكوتش، هو أنت لابس كوتش؟ آدم وهو يقبض على يده بغضب شديد. مازن وهو يدخل الغرفة عندما سمع ضوضاء آتية من نحو غرفة ملك: في إيه اللي بيحصل هنا؟