رواية وبك القلب اكتفي الفصل الخامس عشر 15 - بقلم وهج ابراهيم

سلمى بخجل: عمر لو انت عايز أنا مش همنعك. قرب منها وقعد قصادها. نزلت سلمى وشها بكسوف، وهي خايفة ولعنت نفسها عشان اتكلمت ونطقت الكلمتين دول. لكن عمر رفع وشها ليه وبص في عينيها: هستناكي ياسلمى لحد ما تكوني جاهزة، مش هخليكي تجبري نفسك على حاجة. ابتسمت سلمى واترمت بحضنه بحب. عمر بضحك: يابنتي إنتي بكده هتخليني أتراجع عن كلمتي. والله طب بقولك إيه. بعدت عنه وهي بترجع شعرها ورا ودانه بكسوف. عمر: إحنا نعمل اتفاق، ماشي.

بصت ليه باستغراب. عمر وهو بيشدها ليه وياخدها ببوسة طويلة وبعد عنها وهو بياخد نفسه بسرعة وهمسلها: أبوس وأحضن براحتي. احمروا خدودها. عمر: اعتبر سكوتك ده موافقة. وما استناش جوابها وخدها ببوسة تانية أجمل وأطول من الأولى. *** بتعملي إيه؟ قالها وهو محاوط خصرها بإيديه ودافن وشه برقبتها. شهد: خضتني. حرم عليك. بعد عنها ولفها ليه: حرم عليكي إنتي اللي مجنناني، بقالي من الصبح بدوري عليك مش لاقيكي.

شهد بخجل: جيت أرتب البيت لأمي قبل ما ترجع. يحيى: طب بمناسبة إن أمك تحت عندنا. وكمل بغمزة: إيه رأيك. شهد: إيه. يحيى بغمزة وهو بيعض شفايفه: نتبسط شوية. وشالها قبل ما ترد عليه. شهقت شهد بصدمة: يحيى أمي ممكن تيجي. يحيى عشان خاطري. يحيى بعشق: إنتي اللي عشان خاطري، كفاية تحلوي. حطها عالسرير ودفن وشه برقبتها وبعدين. ***

كانوا بيتفرجوا عالتلفزيون. عمته على شماله ومركزة بالمسلسل أوي، وسلمى على يمينه بتشرب عصير وبتتابع المسلسل. شهقت بصدمة لما حسست إيده بتحسس عليها. بعدتها بسرعة وهي بتبص ليه. أما عمر عامل نفسه مركز عالمسلسل. وكل ما تبعد إيده يرجع يحاوطها بيها تاني. سلمى بهمس ومكسوفها من عمتها: عمر إنت بتعمل إيه. بص ليها ببرائة مصطنعة: بعمل إيه ياروحي. سلمى بتحذير: عمر ابعد عني. عمر: هو أنا جيت ناحيتك ياقلبي.

فزت طولها بزعل: ماشي ياعمر ومش هشوف المسلسل عشان ترتاح. عمتها: على فين ياحبيبتي. بضيق: هروح أنام. وقبل ما تدخل الأوضة كان مستأذن من عمته وحصلها. ولسه هتدخل سريرها بغيظ شدها ليه.