رواية وجع الحب الفصل الثاني 2 - بقلم اسراء محمد

عدي خبط على عشق مش بترد. قلق عليها، كسر الباب واتصدم لما لقي عشق مغمي عليها. عدي بصدمة: عشق! طلع يجري عليها ويفوق فيها: عشق، عشق اصحي. جاب برفان وحاول يفوقها. فاقت. عدي شالها ونايمها على السرير. عشق بتعيط: اطلع بره. عدي: مش قبل ما أطمن عليكي الأول. لازم أجيب الدكتور ونشوف أغمي عليكي ليه.

عشق: فارقة معاك أوي، ما أنت السبب. وعارف إني لما بزعل وبحزن مش بستحمل. اطلع بره ي عدي وملكش دعوة بيا. ياريت أنا قاعدة في أوضتي وهقفل على نفسي ولا ليا دعوة بيك انت وعروستك. هقعد بلقمتي. قالت كده بدموع وكسرة. عدي حس بوجع في قلبه ليها وقال في نفسه: بس لا، أنا بحب هنا من سنين. عدي طلع بره وساب عشق في الأوضة. عشق منهارة وصعبان عليها نفسها. عدي اليوم عادي. تاني يوم كان يوم فرح عدي وهنا ووصلوا الشقة. عدي: اتفضلي يا عروسة.

هنا: شلني. عدي شالها ودخل. عشق كانت قاعدة في الريسبشن وقالت بحزن وكسرة: مبروك ي ولاد عمي. هنا: الله يبارك فيكي ي عشق ي حبيبتي. يلا بقي مش عايزين نتأخر. عرائس وكده، بعد إذنك وياريت لو تحضري لينا العشا. معلش عرائس بقي وعاوزين ناكل ومفيش عشا. ده كله تحت دموع وكسرة عشق ونظرات عدي لهنا. هنا: يلا بقي متتأخريش، بعد إذنك. يلا ي حبيبي. شدت عدي ودخلت الأوضة. عدي: إيه اللي انتي عملتيه مع عشق ده؟ دي مهما كان مراتي وكمان بنت عمي.

هنا ضحكت بسخرية: يعني حرام اللي انت قولته ده عشان بنت عمنا ومش حرام اللي احنا عملناه وإنا اتجوزنا؟ عدي بحزن: معاكي حق. هنا بدلع: إيه ي حبيبي انت زعلان ولا إيه إننا اتجوزنا؟ ده احنا بنحب بعض من زمان أوي من واحنا أطفال. عدي: معاكي حق ي حبيبتي. أنا بحبك أوي. ولسه هيقرب يبوسها الباب خبط. هنا: أوف! وراحت فتحت الباب: خير، في إيه؟ انتي مش عارفة إننا عرائس؟ عشق بدموع: العشا جاهز.

جه عدي: ماشي، شكراً ي عشق. تعبناكي معانا. معلش هو النهارده بس عشان مفيش حد يعمل عشا ولا حد بعت عشا. هنا: ليه ي حبيبتي تعب؟ إيه ما إحنا برضو ولاد عمها. عشق بصت ليهم وراحت أوضتها وقعدت تعيط. أما عند عدي وهنا قعدوا ياكلوا. عدي: ي هنا أنا مش هنبه عليكي تاني، متجرحيش عشق بالكلام. هنا بسخرية: ما أنا لسه قايلالك من شوية، انت غريب أوي. يعني كلامي هو اللي جرحها واللي احنا عملناه هو اللي مجرحهاش؟

عدي: يوووه، انتي هتندميني إننا اتجوزنا ولا إيه؟ وبعدين طالما انتي عارفة كده من الأول وافقتي تتجوزيني ليه؟ هنا بدلع كالعادة وقدرت تسيطر على عدي: خلاص ي حبيبي أهدي بقي. أنا بحبك أوي. وسكتت شهرزاد. عشق قاعدة بتعيط في أوضتها والنوم غلبها ونامت. تاني يوم الصبح. هنا صحت قبل عدي وراحت طبعاً تكيد عشق. هنا: عشق، حضري الفطار. عشق: مش محضرة حاجة. أنا مش خدامة عندك. روحي حضري انتي. هنا: لا والله، القطة بقت بتخرش أهي.

عشق: امشي غورى من هنا. هنا: هي مين دي اللي تغور؟ قلم نزل على وش عشق. عشق اتصدمت وصرخت. لدرجة إن عدي صحي طلع يجري على برا. اتصدم من منظر عشق اللي مرمية على الأرض وبتعيط وبقها بينزف. عدي: عشق قومي ي حبيبتي تعالي. عشق بعياط: عدي هي ضربتني. عدي بص لهنا بغضب: انتي اتجننتي؟ هنا: هي اللي طولت لسانها ومرضيتش تحضر فطار. عشق بعياط: أنا مش خدامة. هنا جت تكلمني بطريقة وحشة وعاوزاني أحضر الفطار.

عدي قوم عشق ودخل أوضتها وجاب منديل مسح الدم من بقها واعتذرلها وطلع بره لهنا. عدي مسك دراع هنا جامد: للمرة الأخيرة هنبهك، عشق ملكيش دعوة بيها. هي مراتي وهتفضل مراتي. مش معنى إني بحبك انتي إنك تعملي كده. عشق يتيمة وملهاش غيري ومستحيل مستحيل هسيبها. عشق سمعت آخر جملة صعّب عليها نفسها أكتر وقعدت تعيط وتدعي ربنا يهون عليها ويرحمها. عدي اليوم بدون تفاصيل. وعدت أيام كمان، عدي أسبوعين.

لكن تاني يوم عشق صحيت طالعة من أوضتها لكن وقفت لما سمعت مكالمة هنا واتصدمت صد'مة عمرها لما سمعت هنا بتتكلم مع حد في التليفون وبتقول إنها حامل منه، يعني بتخون عدي. وهنا شافت عشق وعرفت إنها سمعتها وعشق جت تصوت، هنا كانت سابقتها وضربتها على رأسها. عشق وقعت على الأرض غرقانة في دمها.