رواية وهج الدمار الفصل الرابع 4 - بقلم ريو الطائي

وصلنا يم بيت كلش جبير. جنت خايفه من رد فعلهم، ياترى شلون راح يتقبلوني واني غريبه. أجا ينزل، باوع عليه. دمار: شبيج ليش ساكته؟ نزلت راسي. وهج: خايفه من رد فعلهم. لزم يدي وباوع بعيوني. دمار: ما يهموني لا هما ولا رد فعلهم، انتي الوحيده تهميني بنيتي. وهج: أخاف يصير لك مشاكل وياهم بسببي. دمار: لا مراح يصير مشاكل، لاتخافين. يلا نزلي وما أريد أشوف خوف بعيونج الحلوه. ابتسمت. فتح الباب وشالني. وهج: عيب، شلون ندخل وانت شايلني؟

ابتسم. دمار: مو عيب، انتي مثل بنيتي. سكتت. فتح الباب ودخلنا. باوعت، جان اكو هواي أشخاص بالبيت. معقوله ذوله كلهم عايشين هنا؟ كلهم بقوا بس يباوعون عليه. دمار: سلام عليكم. الكل: وعليكم السلام. واحد منهم: منو هاي؟ دمار: بعدين أشرح لكم. راح أصعدها خليها ترتاح، بنيتي تعبانه. باوعت عليه شلون يحجي برود، كأنهم ما يهمونه. وهج: جعزه، شلون يحجي هيج كدامهم؟ وحده منهم: وين تريد؟ لازم نعرف منو هاي. يحجي وهو يمشي بيه للدرج.

دمار: أوف شكد تحجون، أريد أرتاح. ما أريد صوت. دخلني لغرفة كلش جبيره، خلاني على الجرباية واني صافنه بجمالها. باوع عليه وأردف وهو مبتسم. دمار: حلوة؟ عجبتج؟ جهزت راسي. وهج: ليش هيج تحجي ويه أهلك؟ كعد كدامي ولزم ايدي. دمار: لأن محد يهمني بيهم غير إخواني. وهج: لعد وذوله الجوه منو؟ دمار: إخواني من غير أم. هزيت راسي وسكتت. شعليه بيهم، هو أكثر شي أسبوع ولكه أعمامي وروحه. راح هو للحمام يسبح واني بقيت كاعدة. شويه وطلع.

دمار: تعالي خلي ننزل جوه. دنكت وصرت ألعب بصابيع إيدي. وهج: أستحي، ما أريد. دمار: طلعي ليش هالاستحى بنيتي؟ أنا وياج، يلا تعالي حتى تتعرفين عليهم. بس ماريد تختلطين بيهم. باوعت على نفسي، معقوله أنزل هيج؟ أريد أسبح بس أستحي كول كدامه. دمار: شبيج بنيتي؟ تريدين تغيرين ملابسج؟ باوعت عليه. وهج: ها؟ ابتسم وطلع بره. شويه واجت بنت وياه كلش حلوة وعندها بطن بس مو جبيرة كلش. باوعت عليه وحجت. البنت: هلو، شلونج حبيبتي؟

استحيت ودنكت راسي. وهج: الحمد لله. دمار: أخويه، بس ساعديها تريد تغير ملابسه. البنت: من عيوني تدلل. طلع حتى يساعدها. هز راسه وطلع. أجت وكفت كدامي ولزم ايدي. البنت: لاتستحين، اعتبريني مثل أختج. أنا اسمي زينب. وهج: وأنتي؟ زينب: اسمي وهجيمة. وهج: فدوة، شهل اسم الحلو. زينب: عاشت الأسماء. ابتسمت. زينب: تريدين أساعدج حتى تسبحين لو متريدين؟ وهج: بلي، أريد أسبح. زينب: ماشي، تدللين.

أجت ساعدتني حتى أكوم. سندت نفسي عليها. دخلتني للحمام، جان كلش حلو وتصميمه يجنن. أجت تريد تنزعلي ملابسي بس استحيت. زينب: لاتستحين ياروحي، اعتبريني أختج الجبيرة. هزيت راسي وساعدتني حتى نزعت ملابسي. فتحت شعري، غسلت بس ما خلت الماي يوصل للجروح. طلعت جابت منشفة، لفت جسمي بيها. طلعت من الحمام كعدتني على الجرباية. شوي وندق الباب. راحت فتحته. شوي ورجعت سدت الباب وبيدها الجنطة مالت ملابسي. طلعت لي تراك أسود. لبستني وكملت.

راحت للميز جابت أمشاط وجت تمشط شعري. زينب: ماشاء الله، شعرج كلش حلو وطويل. ابتسمت. وهج: شكراً. زينب: عرفيني عليج، شكد عمرج؟ وهج: 15. زينب: أويلي عمري، بعدج صغيرة. العمر كله يارب. وهج: تسلمين حبيبتي. مشطت شعري وخلته مفتوح. جابت شاش شدته على جروح راسي. باوعت عليها. وهج: شكراً حبيبتي، تعبتج وياي. زينب: العفو يروحي. باوعت على بطنها. وهج: اكو طفل هنا؟ ابتسمت وهزت راسها. زينب: أي الحمد لله، حامل بشهر 3.

وهج: الله يتمم لج على خير. زينب: إن شاء الله. وهج: انتي أخت دمار؟ زينب: لا، أنا مرت أخوه. هزيت راسي. شويه وندق الباب. زينب: زينب، دخل أخويه. دخل دمار. دمار: تعبتج أخويه. زينب: لا، ولو تدلل. وهج الحلوة يلا ترخص. طلعت وسدت الباب. أجا وكف كدامي وأردف. دمار: راح تخلين شعرج مفتوح؟ وهج: مدري، ما أحب أشده. سحبني عليه. دمار: ما يصير أحد يشوفه، بس اللي يستحقه. وهج: لعد انت هم ما يصير تشوف شعري.

دمار: أنا مثل أبوچ، مو أحد غريب. ابتسمت. حب من يكول مثل أبوي، أحس صدك مثل أبوي. بس لسه ممقتنعة. كله بابا دارني عليه وصار يظفر بشعري. دمار: يلا بنيتي، كملت. وهج: شكراً، تعبتك. دمار: تدللين، شكم بنية عندي أنا؟ هو بس انتي. يلا ننزل. هزيت راسي وأجا شالني وفتح الباب ونزلنه جوه. جان بعدهم موجودين. الكل أخلاني على الكرويته وكعد يمي. وهما ساكتين. شويه وحجت مرة جبيرة بالعمر. المُسنّة: منو هاي الفرخة الجايبها وياك؟ باوع عليه.

دمار: حجية، هاي أمانة يمي اسمها وهج. مو فرخة. المُسنّة: هاي غير أعرف منو هي. أبوها منو؟ وهي منو؟ كالت أبوها. وأني أحس الدموع كلها تجمعت بعيوني. باوع عليه دمار. دمار: حجية، أهلها متوفين. راح تبقى هنا بين ما ألكى أعمامها. حجه الرجال الجبير. الرجل الكبير: شو انته ما عندك كبير بهاي البيت؟ ياهو التريده تجيبه؟ جان لازم تكول لنا. دمار: عذرني حجي، صارت بسرعة. وهسه عرفتوا شنو اللي تغير. أسكتوا، محد علق. بقيت ساكته، محجيت شيء.

شويه ودخلت مرة، أجت على دمار تريد تحضنه. المرأة: هلا يمه، وليدي. شلونك؟ يبعد روحي. باوع عليها وحجه من وره خشمه. دمار: هلا بيج. المرأة: وين جنت كل هذه الفترة؟ باوعت عليه وحجتها. المرأة: منو هاي المكرمة؟ كام وكف يمها وحجه بحدة. دمار: ديري بالج تحجين عليها. رأسه أكسره اللي يجيب طاريها بكلامه. زعلت. المرأة: وأني شبيك يمه هيج تحجي وياي؟ أمك أنا. دمار: ما عندي أم. هزت راسها وبقت تخزر بيه. كلش خفت من شكلها، سمينة وضخمة.

بس تضربني راشدي. فقد الذاكرة. وهج: أي بنيتي، شلونج؟ باوعت عليه ودنكت. وهج: الحمد لله. المرأة: جدو، شكد عمرج بنيتي؟ وهج: 15. المرأة: العمر كله يابويه. وهج: تسلم جدو. بقوا يحجون مواضيع عادي. شويه ونزل واحد من فوك يفرك بعيونه. باوع على الكل. ركز نظره على دمار. أجا يمه بسرعة وحضنه. الرجل: شلونك أخويه؟ وينك مختفي؟ ليش شنو مشتاق لي؟ بصراحة لا. بس بعده ما مكمل. باوع عليه وحجه. الرجل: هاي الكمر منو؟

أضربه دمار على بطنه بعكس أيده. الرجل: هههه، شبيك غير أسأل. شنو اسمج؟ أحس راح أنفجر من الخجل. الكل يباوع عليه. حجيت بصوت ناصي. وهج: وهج. أجا كعد كبالي. الرجل: اسمج حلو، انتي حلوة. شرايج نتعرف؟ أقدم لج نفسي، أنا سجاد. ابتسمت بخجل. وهج: تشرفت بيك. الرجل: شو باوعي بعيون... بعده ما مكمل. أسحبه دمار. دمار: يحجي حده. ويخزر بي. الرجل: ولي وياك، عوفها. لا أفش أسنانك بحلكك.

سجاد: لا يابه، كل شي ولا أسنوني. بس غير تعرف عليها. صدك ما كلت لي منو هاي؟ ليش ما شايفها قبل؟ مسح وجهه. دمار: هاي أمانة يمي. ويلا ولي من وجهي. أخذه وطلع بره. ورجع سجاد كعد كدامي والباقين كل واحد راح لغرفته. باوعت عليه وحجيت بنتر. وهج: ليش هيج تباوع بوجهي؟ عابت. سجاد: طلع عندج لسان. والله أعجبتني. شرايج تصيرين صديقتي؟ وهج: بس أنا مو مطولة هنا. كله أسبوع وأروح لعمامي. سجاد: لا تروحين، ابقي هنا. شعندج رايحة؟

المهم، خلي أعرفج علينا. تحمحم. سجاد: أنا وعمر ودمار إخوان. بس آمنة متوفية من كنا صغار. رجع أبوي تزوج هاي اللي دخلت قبل شوية اسمها نسام الحية. وهج: ليش حية؟ سجاد: خلي أكمل، لا أضربك على مجبوهج. لا تقاطعيني. وهج: عابت، يلا كمل. باوع لي صفح. سجاد: أنا صار عدها بنات اثنين، فاطمة وزهرة. وولد 3، اللي همه شهم وجود وعلي. شهم مزوج وعلي هم. شهم زوجته زينب وعلي رسل عدها طفل واحد. وهج: شلون راح أحفظ الأسماء؟

انتو هواي ماشاء الله. سجاد: لا تكولين ماشاء الله. بلكت ننحسد حتى ننقرض. مليت البيت مليان. ضحكت على تفكيره. باوع على رجلي. سجاد: هاي شبيها مكسورة؟ وراسج ليش ملفلفته؟ باوعت على رجلي وذكرت الحادث. دمعت عيوني. سجاد: شبيج ليش تريدين تبجين؟ مسحت على عيوني وباوعت عليه. وهج: جنه طالعين أنا وماما وبابا، صار حادث علينا وخسرت بي أهلي. وهذا نصيبي من صار. سجاد: آسف، ما عرفت هيج صاير. لاتزعلين، الله يرحمهم.

وهج: لا عادي، لاتتسف. باعِ، اعتبريني أخوج، لاتستحين مني. جنت أتمنى عندي أخت. وهسه انتي جيتي. مستحيل أعوفج بعد. وهج: بس انت مو تكول عندي أخوات اثنين؟ سجاد: ما أعتبرهن أخواتي. حقيرات، طالعات على أمهن الحية. بس انتي شويه بريئة، مبين عليج. لا تكلبين عليه تره أكسر راسج. لازم تحترمييني. ومن أريد أكل تروحين تسوين وأنتي ساكتة، سمعتي؟ لزم دمار وجره من أذنه. دمار: ليش تتأمر عليها؟ ابن الكوا*لا أخويه، شوكت أنا تأمرت عليها؟

أصلاً دا أكل لها شوكت متريد شي بس صيحي لي. مو هيج كلت؟ وجوجو. هزيت راسي بـ لا وابتسمت. سجاد: باوع على دمار، أخويه هاي جذب. معقولة توكف وياها ضد أخوك، ابن أمك وأبوك؟ دمار: أنجب وبس. تحجي عليها دفنك هنا. هاي بنيتي. بس واحد يضوجها، أشرب من دمها. هيج صار الحجي. أنا أروح ألم ملابسي وأطلع من البيت. ش عندي باقي بـ بيت. وأنتي يالحية، أنا أعلمج. تركته دمار. وصل سجاد يم الدرج وصفك بيديه اثنينهن. وغمضت. أضحكت على سوالفه.

باوعت على دمار جان كاعد يلعب بجهاز. وهج: باباا. باوع عليه بصدمة وبقى فاتح عيونه. توترت من نظراته. أحس كلت شي غلط. بس أنا أريد أبقى أحس إن عندي أب. دمار: أها، بنيتي. يا نور عيوني انتي. وهج: ما عرفت شي عن أعمامي. تنهد بصوت. دمار: لا، السالفة مو بسهولة. بس ليش مستعجلة؟ اكو أحد ضوجج هنا؟ وهج: لا. ممكن تسندني حتى أصعد فوك؟ أريد أنام. هز راسه وجى شالني. وهج: كلت سندني مو شيلني. باوع عليه وابتسم. دمار: أنت مو كلتي بابا؟

يعني ماكو استحى بين الأب وابنته. هزيت راسي وسكتت. فتح الباب. أخلاني على الجرباية وشغل المكيف. دمار: راح أنزل أجيب لج أكل حتى تاخذين علاجج وتنامين بنيتي. فتح الباب وطلع. فكرت بيني وبين نفسي، ليش ميحبون إخوانهم؟ أخواته وينهن؟ لعد ماشفت وحدة منهن. تنهدت وذكرت ماما وبابا وبيتنه وحياتي قبل. مريم صار بحالي. هسه كلشي تغير. نزلت دموعي. دخل وبيده صينية أكل كلش جبيرة. خلاها كدامي وباوع عليه أردف. دمار: ليش تبجين حبيبت أبوها؟

مو كافي دموع يروحي. وهج: أنت ليش هيج تتعامل وياي؟ ليش سويت شي غلط وأني ما أدري؟ دمار: لا، مو هيج قصدي. وهج: جا شنو قصدك بنيتي؟ يعني ليش تتعامل وياي بلطف؟ انت وين تعرفني؟ تنهد وبقى ساكت، ما رد. أني هم سكتت. صار يسوي لي لفات ويوكلني وهو مبتسم. باوعت عليه. وهج: ليش تباوع عليه ومبتسم؟ دمار: أحسج صدك مثل بنيتي الصغيرة. انتي ممبين عمرج 15. اللي يشوفج يكول 12. بعدج طفلة. خزرته وحجيت بحده. وهج: أنا مو طفلة، أفهمت؟ أني جبيرة.

دمار: أضحك، ماشي. بس لاتعصبين، هاهيه. وهج: كافي، شبعت. انت ليش ما أكلت شي؟ دمار: مو مهم، أني أهم شي انتي تشبعين بنيتي. كرص خدي وأخذ الصينية ونزل. سندت نفسي على الحايط وكمت أمشي على كيف على الحمام. غسلت وطلعت. دخل هو باوع لي وأجا عليه بسرعة. دمار: لاتكومين، ما يصير تمشين عليها تذيج أكثر. وهج: أريد أعتمد على نفسي. دمار: هسه تعالي أكعدي، لاتتحركين هواي تره تذيج. وهج: وانت شدرالك راح تذيني؟

مارد، اسكت. سندني وكعدني على الجرباية. دمار: هاج، هذا علاجج شربيه ونامي. وهج: وانت وين تريد تروح؟ دمار: عندي شغل، ما أقدر. نامي أنتِ، معليج بيه بنيتي. انتي ارتاحي. هزيت راسي وسكتت. نطاني علاجي وطلع بره الغرفة. باوعت على 10 بليل. إذا عنده شغل ليش ما يشتغل هنا؟ الفضول موتني. طلعت على شوي شوي أمشي. وصلت للباب فتحته وطلعت بره الغرفة. حتاريت وين أدور عليه.

لزمت سياج الدرج وحاولت أنزل على كيف. رجلي صارت توجعني. شوي وحسيت على شخص دفعني. زلكت رجلي وجيت أوكع، بس شخص لزمني. باوعت، جان واحد ما أعرفه. باوعت فوك على الدرج، جانت واقفة بنت مو جبيرة بالعمر. أغمضت وراحت. نزلني الولد من الدرج. الولد: انتي منو؟ وهاي شبيها رجلج؟ وهج: انت شعليك بيه؟ الولد: شبيج بابا، ما أكلت شي ليش معصبة؟

هزيت راسي وسكتت. بعدت منه. رجع لزم ايدي وبقى يباوع عليه دقايق. بقى على هاي الحالة. شوي ونزع ايدي حيل. باوعت وراي شفت دمار. جان يخزر بالولد. دمار: منو انت وتلزم أيدها؟ الولد: شسويت قابل؟ هيه تريد تنزل من الدرج وساعدتها. دمار: بس انت عقلك بي شي واحد؟ شيحجي وياك وانت بنص عقلك... بعده ما مكمل كلامه. ضربه دمار بوكس على وجهه وصار يضرب بيه بجنون. نزلو إخوانه صاروا يفاكون بيناتهم. أجت أمهم عليه ولزمت أيدي حيل وتعت بيه.

الأم: بعدج ما جيتي وصارت المشاكل. الله لا يوفقج إن شاء الله. بقيت ساكتة وأبجي. الأم: تسوين نفسج فقيرة. أم الولد، الله ينتقم منج. توها تريد تضربني راشدي، سحبتني زينب عليها. زينب: شبيج عمه؟ مخلية عقلج ويه عقله؟ دفعتني وكعت على رجلي. متت وجع. صرت أبجي من الخوف ومن وجع رجلي. باوع على دمار. ترك أخوه وجى عليه بسرعة. فزيت، رجعت ليوره. باوع عليه وأردف بخوف وقلق. دمار: شبيج يروحي؟ ليش خايفة؟ مستحيل مد يدي عليج.

وهج: والله مسويت شي، بس نزلت لأن جنت خايفة. دمار: صدكج بنيتي؟ وانت، أنا لك جود، هين. لزمه أيده وكفه. وأني أبجي خايفة من أول يوم صار مشاكل بسببي. شالني وصعدني الدرج معصب. دمار، أيده بارزة، وجهه أحمر من العصبية. بقيت ساكتة. أخاف أني هم يخبزني مثله. دخلني الغرفة وخلاني على الجرباية. وكف كدامي وأردف. دمار: ليش نزلتِ وراي؟ توترت من نظراته وصرت ألعب بصابيع إيدي. وهج: كتلك خايفة، فا نزلت وراك. باوع عليه وحجه بحدة.

دمار: اممم، شلون تنزلين وانتِ رجلج مكسورة؟ وشلون تخلينه يلزم أيدج؟ أخفت وبقيت ساكتة، ما عرفت شنو أجاوب. دمار: خوش. لاتحجين. يلا نامي. وهج: وانت وين تنام؟ دمار: نام هنا على الكرويته، معليج بيه. نامي يلا. بسرعة رحت على فراشي وغطيت حتى راسي. من التعب والتفكير نمت. فزيت على صوت يم راسي. باوعت بخوف. رجعت لزكت نفسي بتاج الجرباية.