رواية وحش الصعيد الفصل السابع والأربعون 47 - بقلم زهرة اللوتس الجزار

رودي بغضب، زقت ديدا وقعتها في الأرض. واتكلمت بغضب: "انتي مجنونة إزاي تقربي من جوزي كده؟ ديدا بغضب بصت لقمر واتكلمت: "دلوقتي عرفت إنك جايبة الهمجية دي منين." قمر ورودي بصوا لبعض ومسكوا الاتنين ودوهاله علقة محترمة، وسهر جات تشارك معاهم. مصطفى ورعد كانوا واقفين بيضحكوا. سيف جه عليهم لقاهم بيفترسوا البنت، وقف يضحك معاهم. لين كانت طبعاً بتشجع معاهم. سيف بضحك: "خلاص البنت معتتش تنفع لحاجة، دول افترسوها يا معلم."

مصطفى بضحك: "تصدق أول مرة أعرف إن رودي شرسة كده." رعد بضحك: "انت أول مرة تعرف، دي كلمة شرسة قليلة عليها." "تعالوا نحشهم عن البنت." كل واحد شال مراته من على ديدا. ديدا شافتهم كده جريت على البيت جوه. رودي بصت بغضب لمصطفى ودخلت، وقمر دخلت وراها. سهر: "مين السلعوة دي؟ سيف بصدمة: "إنت متعرفهاش؟ أمال كنتي بتضربي معاهم إزاي؟ سهر بغيظ: "وه، أخواتي بيضربوا، مساعدهمش يعني؟ سيف فتح بقه ليها. ودخلوا. *** بالليل.

ديدا نزلت بهوت شورت وتوب. البنات اتعصبوا وغاروا. رودي حطت إيدها على عيون مصطفى، وقمر عملت كده، وسهر برضه. ديدا اتجاهلتهم وقعدت تاكل عادي. هناء: "مينفعش كده يا بتي تنزلي كده، فيه رجالة في البيت." ديدا بصتلها ونفخت ومردتش. قمر بغضب: "هو محدش علمك إنك تردي على اللي أكبر منك بدل حركاتك دي، ولا معجبتكيش العلقة بتاعت الصبح؟ ديدا خافت منهم وإنها لوحدها عندهم، ولو قتلوها ودفنوها في أي مكان محدش هيحاسبهم.

ديدا: "أصل أنا لبسي كله كده." قمر: "جماعة بكرة عيد ميلاد أوس، عارفين كده؟ سهر: "اممم." رودي: "لازم نعمل حفلة، بس هو مايعرفش، اوكي؟ مصطفى: "أنا هاخدهم أفسحهم، وإنتو جهزوا الدنيا." رعد: "إيه رأيكم نلبس نفس اللون وهو برضه؟ سيف: "فكرة حلوة، أهو نعمل تغير." جميلة: "بس إيه اللون؟ تيا: "إيه أكتر لون بيحبه أوس؟ سهر ورودي: "الأسود." تيا: "خلاص نلبس أسود كلنا." هناء: "وهو انتو رايحين عزا عشان تلبسوا أسود؟ لأ مش أسود."

قمر: "خلاص الشباب يلبسوا أسود، والبنات يلبسوا ألوان مختلفة، اوكي؟ هناء: "إذا كان كده موافقين." رودي: "محدش يعرفه حاجة، انتوا فاهمين؟ " وبصت على ديدا أوي. تيا: "أنا هعرف تيم." سيف: "أمال هو فين؟ تيا: "مش عارفة، قالي أنا رايح مشوار وجاي." مصطفى: "أوكي، خلينا نجهز كل حاجة." رعد بص لقمر بنظرات فهمتها. كلهم طلعوا يناموا. *** الصبح. مصطفى أخد أوس وأياد ولين يفسحهم. قمر ورودي وسهر كانوا بيرتبوا للحفلة.

تيا كانت بتنفخ البالونات وخلت ديدا تنفخ معاها لحد مانفسها اتقطع. سيف وصى على تورته لأوس. رعد اتسحب ودخل أوضة تيم وفضل يدور فيها على أي دليل ضد تيم. فتح الدولاب ودور فيه ملقاش حاجة. دور تحت السرير برضه ملقاش حاجة. وهو ماشي اتكعبل في السجادة وكان هيقع، لقى حاجة تحت السجادة، وطي ورفع السجادة لقى تحته مفتاح. رعد جابه بستغراب: "مفتاح إيه ده؟ رعد سمع حد جاي، استخبى ورا الباب. تيم دخل وراح الحمام.

رعد خرج بس كان معاه المفتاح. راح أوضته ورن على فجر. فجر: "لقيت حاجة؟ رعد: "مفتاح، بس بتاع إيه معرفش." فجر: "أنا جاي الحفلة النهارده ونشوف بتاع إيه." رعد: "تمام." وقفل. *** بالليل. مصطفى وصلوا البيت. أول ما دخلوا لقوا البيت مظلم. أوس: "هو النور قاطع؟ مصطفى: "123." وفجأة النور قيد. الكل: "كل سنة وانت طيب يا أوس." أوس بفرح: "واو، دا كله ليا؟ رودي نزلت ليه وبسته: "هابي بيرث داي يا عيوني." أوس، بستها من خدها: "شكراً."

سهر، بستها: "كل سنة وانت طيب يا حبيبي، وعقبال مليون سنة." قمر: "حبيبي حبيبي، عمتو هابي بيرث داي." أوس صرخ بفرحة: "شكراًاااااااا." "وانتو طيبين." الكل عايد أوس واداله هديته. قمر: "اطلع غير يا بطل." أوس طلع، ومصطفى برضه، رودي أخدت أياد تغيرله، وقمر أخدت لين تغير ليها. الكل خلص لبس ونزلوا ماعدا مصطفى. رودي كانت حابسة في الأوضة. مصطفى: "يابنتي نزّليني." رودي برفض: "لأ مش هنزلك كده."

مصطفى برجاء: "رودي بلاش هزار ونبي خليني أنزل." رودي بعند: "لأ، غير الأول." سهر وقمر خبطوا عليهم. رودي: "دخلتهم." قمر: "وه يا خوي اتأخرتوا قوي." مصطفى: "قولي ليها مش راضية تنزلني." سهر: "ليه يا رودي؟ رودي: "انزلوا كده، هينشق مني لأ." قمر بضحك: "الصراحة مز... رودي بغيظ: "شوفت أختك وعكستك، أنزلك كده؟ لأ يعني لأ برضه." رعد طلع. "إيه انتوا طلعتوا نمتوا ولا إيه؟ مصطفى: "رعد قول لأختك تنزلني."

رعد بستغراب وضحك: "إنتِ حبسة ليه؟ سهر: "غيرنا ومش راضية تنزلوا يا قلب أختو." سيف طلع برضه. "إيه يا جماعة، عاوزين نقطع التورته؟ " لقاهم بيضحكوا. "إيه، في إيه واقفين كده ليه؟ رعد بضحك: "حبسة." سيف: "يامفترية نزلي الواد." رودي بغيظ: "سهر، إنتِ منزلة الواد ده كده إزاي؟ "وإنتي يا ست قمر سايباه أخويا كده ينزل عادي كده؟ مش خايفين ينشقوا منكم؟ رعد بغيظ: "رودي، خليكي في جوزك، ملكيش دعوة بينا."

سيف بغيظ: "إنتِ عاوزة الدنيا تنقلب يا مفترية؟ رودي بتوليع: "شكلهم كده عاوزين ينشقوا منكم النهارده." سيف: "رودي، متولعيهاش، هي ولع لوحدها." سهر: "تصدقي معاكي حق." سيف أخد رعد ونزلوا، وهما نازلين: "يلا يا عم بدل ما الحفلة تقلب نكد." مصطفى: "رودي نزّليني بقى، شكلي وحش قدامهم." رودي: "لأ يعني لأ." بعد إلحاح طويل على رودي، سمحت لمصطفى ينزل. *** تحت أول ما مصطفى نزل قبلوه تريقة. رعد: "هههه، ياه أخيراً أخدت إفراج."

سيف: "هههه، شكله كده، بس بعد عذاب كبير." مصطفى بص عليهم بقرف، وكان بيتوعد لرودي في سره. رودي كانت عيونها على مصطفى. قمر: "هههه، سيبي الواد ياخد راحته." رودي بصت عليها بغيظ وسكتت. جه فجر على الشباب سلم عليهم وراح عند البنات يسلم عليهم. فجر: "إيه الحلوة دي كلها؟ "إنتو ناوين تتجوزوا جديد ولا إيه؟ سهر: "هه، ياك سيف يسمعك." فجر: "إني مبخافش من حد، وميسمع عادي، هو أنا هاخاف منه؟

قمر بضحك: "هه، أحلى حاجة في فجر إنه مبيخافش من حد." تيا كانت بتبص عليه، وهو كان بيبص عليها بطرف عينه. فجر: "مالك يا رودي، زعلانة لي؟ مصطفى مضايقك؟ أعلّق*هولك." سهر: "مضايقاها هي، كانت راضية تنزله." فجر: "هه، ليه؟ قمر: "قال إيه، هينشق منها." فجر بص على مصطفى: "هو بصراحة مز... رودي بغيظ: "شوفتوا، حتى فجر عكسها، ولله لرايحة مطلعة فوق." ومشيت. سهر بضحك: "هه، خدي يا بت، رايحة فين؟ " وجرت وراها. فضلت قمر وتيا.

فجر: "وإنتي رعد نزل إزاي؟ قمر: "زي الناس." فجر: "كده محبستيهوش هو كمان؟ قمر: "أحبسه ليه؟ تيا: "رعد عسول طول عمره." قمر بغيظ: "شكلك عاوزة علقة زي بتاعت امبارح." تيا بخوف: "لأ شكراً." فجر بستغراب: "علقة إيه؟ قمر بغيره: "لديدا." فجر: "مين ديدا دي؟ قمر: "السلعوة اللي لازقة في رعد دي." فجر: "وه، سيبها كده لازقة في جوزك؟ خليها، ماتخدوا منك وابقي بعديها عيطتي." قمر: "وه، تاخده؟

" داني اطلع روحها. وراحت عندهم ومسكت إيد رعد وديدا وتيم اتضايقوا. فضل تيا وفجر. فجر كان بيبص عليها، عينه كانت جايبة من فوق لتحت، بس من غير ما تاخد بالها. تيا: "هو إنت لسا مفكرني الأفعى دي؟ فجر: "على فكرة كنت بهزر معاكي." تيا بصدمة: "إيه؟ فجر بابتسامة: "بعمل فيكي مقلب." "حرام يعني، مانتي بتقوليلي إنت الوحش، وأنا قولتلك إنتي الأفعى، يبقى خلاص، خلاص؟ تيا: "إيه، خلاص إزاي؟

إنت كنت بتكلم معايا بغضب ساعتها وخوفتني أوي يوميها." فجر بابتسامة: "أنا آسف، متزعليش مني." تيا: "خلاص مش زعلانة." فجر: "إيه رأيك نبقى صحاب؟ تيا بصتله: "صحاب؟ فجر: "أه صحاب، ومنعملش مقلب في بعض تاني." تيا: "أوكي." فجر بفرح: "ممكن أسألك سؤال؟ تيا بابتسامة: "أكيد." فجر: "إنتِ بتحبي تميم؟ تيا بحزن: كنت بحبه أوي لحد ما جه. وسكتت. فجر: جه إيه؟ تيا: (بدموع) جه وخان*ي مع أعز أصحابي. فجر: قلبه اتقطع عليها. طيب خلاص بلاش دموع.

تيا: مسحت دموعها. وتيم لما عرف اتخانق معاه وقطع ارتباطنا ببعض. وبعدها بأسبوع عرفت إنه ما*ت في حادثة. لحد انبارح أنا كنت فاكر*ه م*يت. بس لما شوفت*ه قدامي اتخضيت. فجر: يعني إنتي لسه بتحبيه؟ تيا: نووو. فجر: فرح. طيب تعالي نروح نقف معاهم. تيا: اوكي. وراحوا. *** تيم كان قاعد يشرب كتير. لأنه جاب مشروب وحطه على إنه أساس عصير وكده. كان بيبص على قمر ورعد وعيونه عليهم. *** أوس كان بيلعب مع أصحابه. ولين كانت بتلعب بفون.

وأياد كان مع هناء وجميلة. يعني كانوا بيلعبوا قصاد عيونهم وكانوا قاعدين بيحكوا سوا. هناء: تيا وفجر حلوين سوا. جميلة: آه. وفجر باين عليه راجل مالي هدومه كده. مش الواد اللي اسمه تميم ده. أنا من أول ما شفته محبتوش أبدًا. هناء: مين تميم ده؟ جميلة: حكتلها عن تميم واللي عمله في تيا. هناء: (بحزن) يعني عليكي يا بتي. باين عليها غلبانة قوي. جميلة: دي أغرب من الغلب والله. بس يعني حظها شوية على طول.

هناء: والله لأقول لأخت فجر عليها. وهنفضل ورا لحد ما يوافق. *** تيم حط حاجة في عصير رعد. ديدا أخدت العصير وادته لرعد. رعد شرب العصير وحس بدوخة. قمر: مالك؟ رعد: مفيش. بس حاسس بدوخة. قمر: (بقلق) نطلع؟ رعد: دلوقتي هبقى كويس. متخفيش. قمر: متأكد؟ رعد: اممم. فجر وتيا جم عليهم. فجر: مالك يا ابني؟ رعد: دايخ شوية. فجر: طيب اطلع ارتاح. قمر: خديه يرتاح. قمر: أخدت رعد وطلعوا على أوضتهم. تيا: كان كويس من شوية. رودي: ماله رعد؟

فجر: متخفيش. باين ما أكلش من الصبح. فعشان كده دايخ. سيبه مع قمر. متبقيش على نفسهم. رودي: (بغيظ) نعم. هو أنا اللي طابغة عليهم يعني؟ فجر: (باستفزاز) آه. رودي: خبطته في كتفه. رخ*م. مصطفى: اسكت لتضربك. فجر: ماهي ضربتني يا أخويا. سيف: ههه. دول نزلوا على البت أكل*وها انبارح. فجر: دول قصدك قمر ورودي؟ سيف: رودي وقمر وسهر. فجر: (بصدمة) سهر. دي غلبانة. أصدقك على رودي وقمر. بس سهر لأ. سهر: حبيبي يا خويا.

عند رعد. طلعوا دخلوا أوضتهم. رعد قعد على السرير. قمر: هروح أجيب لك أكل. رعد: امممم. قمر نزلت ورعد فضل لوحده. شوية ووحدة دخلت. رعد كان شايفه قمر. ديدا: رعوتي. إنت النهارده بتاعي. رعد: (بد[و*خة) قمر. ديدا: قربت منه أوي. قمر كانت طالعة وشافت وووو.