رواية وقعت فى العشق الفصل الثاني 2 - بقلم أمل السقا

مع طلوع شمس يوم جديد. عز: عشق يا عشق يا آنسة عشق اصحي، ياما عايزك في موضوع مهم. عشق: يا عز بقا بطل رخامة، فيه حد يصحي حد الصبح؟ عز: أومال بيصحوهم امته بعد الضهر؟ عشق: اممم امشي بقا. عز: يا بنتي فوقي بقا، بابا قالي إنك رايحة شغل، صح ولا إيه؟ عشق وهي بتنط من مكانها وبتلف حوالين نفسها: أحيه، ده أنا نسيت. دول هيرفدوني من قبل ما يقبلوني حتى. فين الجزمة؟ فين شنطتي؟ فين دبابيسي؟ هترفااااد.

عز وهو بيضحك على آخره: يا بنتي اهدي شوية، وبعدين ده على أساس إنك هتروحي كده؟ انجزي يلا صلي والبس، وهوصلك معايا لحد الشركة. عشق وهي بتدخل الحمام: خلاص اشطا، عشر دقايق وهكون جاهزة، مش هتأخر. بعد ساعة إلا عشر دقايق. عشق: يلا بينا يا زيزو. عز: كل ده عشر دقايق يا مفترية؟ بتعملي إيه كل ده؟ ابقي قابليني لو وافقوا يبصوا في وشك حتى؟ بس إيه الحلاوة دي يا بت؟ قمر قمر يعني.

عشق: معلش بقا، كنت بصلي وبجهز نفسي. وبعدين أنا حلوة طول عمري ياسطا. عز: يا شيخة، تباً لتواضعك ده. عشق: بااااس يا زيزو، ألف شكر. نزلني هنا بقا، ومتنساش إنّي مش عايزة حد يعرف إنّي تبع مراد البدوي، هه. عز: تمام يا شوشو. بابا قالي، مع إنّي مش فاهم إيه الحلو في كده، بس براحتك. المهم خلي بالك من نفسك، تمام؟ عشق: تمام يا حبيبي، في حفظ الله. عز: في حفظ الله. زياد في مكتبه: أوه، ده أنا نسيت موبايلي في العربية. هنزل أجيبه.

نرمين سكرتيرة زياد وبت سمجة قوي ودلوعة كده: أستاذ زياد، حضرتك رايح فين؟ زياد بحدة من طريقتها: وانتي مالك؟ وبعدين انتي من امتى بتسألي رايحة فين ولا كده؟ متنسيش نفسك يا نرمين، وخليكي في شغلك أحسن. ويا ريت توسعي لبسك ده شوية وتطوليه، إحنا مش في كباريه هنا. قالها وهو بيبصلها بقرف من فوق لتحت وسابها ونزل. عشق وهي بتمشي بسرعة كبيرة: يارب المدير تكون عربيته عطلت، يارب. يارب تكون رايحة عليه نومة ويتأخر، يارب.

تليفونها رن، فتحته وردت وهي بتبص وراها ومش واخدة بالها من اللي بيقفل باب عربيته وبيتكلم في التليفون. وهوب، راحت خابطة فيه والتليفون وقع منه. عشق: إيه يا أخ، ما تفتح الله. زياد: انتي متخلفة يا بت انتي؟ ده انتي اللي خبطتي فيا. هو فيه حد بيمشي بضهره؟ عشق بعصبية: على فكرة أنا ممشيتش بضهري، انت اللي ماشي بجنبك. إيه قلة الذوق دي؟ زياد: أنا قليل الذوق برضو؟!

تصدقي لولا إنك بنت كان زمان ليا معاكي تصرف تاني. بس انتي واحدة غبية وأنا مش هضيع وقت معاكي. وسابها ومشى، وهي بتوبخ نفسها عشان هي عارفة إنها غلطانة، بس هي طبعاً عنيدة وبتحب تقاوح. عشق بعد ما وصلت للسكرتيرة. نرمين: انتي عايزة مين يا بطة؟ عشق: بطة في عينك يا بعيدة، بملبس الرقاصات ده. نرمين: انتي بتقولي إيه؟ عشق: ولا حاجة. أنا عندي انترڤيو دلوقتي مع أستاذ زياد، ممكن أدخل؟ نرمين: ثواني. ودخلت لزياد، وبعدين

خرجت لعشق وهي بتدلع: اتفضلي، أستاذ زياد مستنيكي. عشق: طب انتي مالك في إيه؟ ما تثبتي كده، ولا انتي جسمك عنده كهربا زيادة فبيعمل ڤيبراشن لوحده؟ وسابتها ومشت، حتى من غير ما تشوف تعابير وشها اللي احمرت من الغيظ.

عشق: السلام عليكم ورحمة الله وبركاته. حضرتك أنا جاية وطالبة اشتغل في شركة حضرتك، وأتمنى حضرتك مترفضش طلبي، لأني بجد محتاجة الشغل ده ضروري جداً جداً جداً. وهبقى ممتنة ليك قوي لو قبلتني هنا. أنا سمعت كلام كتير كويس في حق شركاتكم، عشان كده لقيتها فرصة مناسبة إني أنال الشرف إني أكون من أعضاء الشركة الجامدة دي، قصدي الكبيرة دي، اللي ليها سيط في كل مكان، قصدي ليها مكانتها يعني وكده. هو حضرتك مش بتتكلم ليه؟ زياد: ........

عشق: طب حضرتك مديني ضهرك ليه؟ طب حضرتك سامعني طيب؟ هو انت بتحضر عفاريت ولا إيه؟ يا ماماااااا. زياد: عفاريت لما ينططوكي يا بعيدة. روحي من أول ما دخلتي لوك لوك لوك لوك لوك. إيه مبتفصليش؟! عشق بخوف: هو انت المدير؟ احيه عليا. بصوت واطي. زياد: أيوه، أنا المدير. إيه مش عاجبك ولا حاجة؟ عشق: لأ طبعاً، ده انت حتى قمر، قصدي يعني حليوة قوي، تؤ تؤ، قصدي شيك يعني وكده. يووووه، كلك ذوق.

زياد: تمام، أنا قبلتك هنا. من هنا ورايح هتبقي المساعدة بتاعتي، بس هحطك شوية تحت التدريب عشان تفهمي الشغل. عشق: حضرتك مشوفتش الـ cv حتى؟ زياد: ميلزمنيش في حاجة. ابتسم بخبث وقال لنفسه: ده أنا هوريكي أيام سودة على بجاحتك معايا تحت. زياد: انتي اسمك إيه صحيح؟ عشق: عشق، اسمي عشق. زياد: طب والله اسمك خسارة في لسانك اللي عايز قطعه ده؟ عشق: نعم؟ بتقول حاجة حضرتك؟ زياد: لأ مبقولش.

ثم أمسك الهاتف وقال: عمي عبده، معلش عايزك شوية في مكتبي. ثم أغلق الخط وقال: اتفضلي اقعدي لحد عمي عبده ما ييجي عشان يوريكي المكتب ويفهمك النظام. وعلى فكرة، أنا أهم حاجة عندي النظام والالتزام، فاهمة؟ عشق: يعني أجي على الساعة كام كده مثلاً؟ زياد: سبعة. تيجي على الساعة سبعة. عشق بشهقة: سبعة إزاي؟ ده أنا بنام سبعة أصلاً؟ ما تخليها عشرة طيب والنبي. زياد: انتي هتفاصلي معايا من أولها؟

أنا قلت سبعة يعني سبعة. وإن اتأخرتي يبقى ذنبك على جنبك، مفهوم؟ عشق: ........ زياد بصوت عالي: مفهووووووووم؟ عشق بخضة: خلاص خلاص، مفهوم مفهوم. أنا إيه اللي كان جابني أصلاً؟ ما كنت مرزوعة في البيت. لازم أعمل فيها هتلر يعني! زياد: بتقولي حاجة؟ عشق: ل. لأ، لأ مبقولش. لأ. زياد: خلاص اتفضلي، وهتلاقي عمي عبده بره وهيوصلك للمكتب. عشق: تمام، عن إذنك. وخرجت.

زياد في نفسه: بت مستفزة صحيح، بس حلوة الصراحة. وعيونها تهبل ولبسها محترم، كفاية إنها محجبة. تنهد وقال: إيه يا زياد، انت هتتوه ولا إيه؟ لأ، صحصح كده. ده انت لازم تعلمها درس في الأخلاق. ده لسانها أطول من برج إيفل.