رواية وقعت في عشقها الفصل السادس والعشرون 26 - بقلم الكاتبه الجديده

أميره كانت نازلة من على السلم. ماجده شافتها وابتسمت بخبث ومشيت وراها. وفجأة وقعتها من عليه وجريت على أوضتها. فريده خرجت تجري لما سمعت الصويت. أميره بصويت: أعاااااااااا عصام! وفضلت تتدحرج لحد ما وصلت لتحت، سائحة في دمها. عصام كان بيلبس التيشيرت. ولما سمع صوتها اتخض. جري بسرعة وشاف أميره بالمنظر ده. وفريده واقفة من فوق بتبص عليها بصدمة. الكل. ناهد طلعت وقالت بخضة: يلهوي! أميره! إيه اللي حصل؟

بصت لفريده بتهام وعصبية ونزلت لأميره وهي بتعيط. وليد: شيلها بسرعة يا عصام، نوديها المستشفى. عصام فاق ودموعه بتنزل لوحدها. مسحها بسرعة وشال أميره وجري بيها على برا. ووليد معاه وفهد ورائد. ناهد بغضب وقربت من فريده: عملتلك إيه عشان تكرهيها كده ها؟ فريده معرفتش ترد. ناهد بعصبية وزعيق: ردي عليا! ليه الحقد اللي فيكي ده من ناحيتها؟ وقعتيها ليه؟ فريده بدموع وخوف: أنا موقعتهاش والله. أنا لما سمعت الصويت طلعت وشوفتها كده.

وهنا ماجده طلعت وقالت بخبث وتمثيل: إيه اللي حصل؟ وإيه صوت الصويت ده؟ ناهد بعصبية: يعني متعرفيش؟ وبعدين بصوت الصويت ده مطلعتيش ليه طالما سامعة؟ ماجده اتوترت وقالت بغضب: كنت نايمة. على ما فقت وطلعت. يوسف ببرود: خلصنا. فريده انتي اللي عملتي كده صح؟ ماجده بخبث: أه، تلقيها هي اللي وقعتها. ماهو مفيش غيرها كان واقف. يوسف بشك: وانتِ إيه عرفك؟ وبعدين أنا مش بسألك. انتي خليكي في نفسك.

فريده بخوف وعياط: والله العظيم ما عملت حاجة. أنا سمعتها بتصوت. طلعت وشوفتها كده. والله. ناهد قربت منها وضربتها بالقلم جامد. وفريده اتصدمت. ناهد بعصبية: بطلي كدب بقى! انتي من أول ما جيتي هنا عاملة مشاكل. وقولت مش مهم طالما بعيدة عنهم يبقى عادي. لاكن توصل بيكي البجاحة وتوقعيها من على السلم يبقى فيه كلام تاني خالص. ومن النهارده مش عايزة أشوف وشك تاني. ويا ريت تمشي من هنا.

فريده جريت على أوضتها وهي بتعيط. ونزلت الشنطة وابتدت تحط هدومها فيها. بعد شوية كانت خلصت وخرجت. لاقت ناهد بتبص عليها بغضب. وماجده بشماتة. ويوسف مش موجود. نزلت على تحت على طول من غير ما تتكلم. راحت فتحت العربية. حطت شنطتها فيها. ولسه هتركب. لاقت اللي بيشدها من إيدها بعنف. وزنقها في العربية. يوسف بغضب: طالما معملتيش حاجة زي ما بتقولي، ماشية ليه ها؟ فريده وهي بتزقه وقالت بغضب: ملكش دعوة بيا. ووسع بقا عايزة أمشي.

يوسف: مفيش مشي في الوقت ده. وادخلي قدامي يلا. فريده بزعيق وعياط: مش داخلة تاني. أنا ماشية. مش فريده هي اللي يتشك فيها. لا. ولسه هتكمل. لاقته ضربها بـ"روسيه". اغمى عليها في ساعتها. وشالها ودخل بيها. حطها في أوضتها وطلع. ناهد بغضب: انت رجعتها تاني ليه؟ أنا مش قولت إنها تمشي. يوسف همس ليها وقال: مش هي اللي عملت كده يا طنط. وأوعدك إن هجيبلك اللي وقع أميره صوت وصورة.

ناهد بحيرة وقالت بقلق: تمام. بس يلا نروح لأميره المستشفى نشوفها عملت إيه. يوسف: تمام. يلا. وأخدها ركبوا العربية ومشوا. .................................. في المستشفى. عصام بعد ما دخل بيها راح على قسم النسا. وفضل مستني برا وهو خايف وقلقان عليها. فهد بهدوء: اهدى يا عصام. هتبقى كويسة إن شاء الله. عصام بدموع متحجرة في عينه: يارب يا بابا. أقسم بالله لأجيب اللي عملها وأوريه أيام سودة.

فهد باستغراب: هو انت مش شفت فريده واقفة على السلم ولا إيه؟ عصام: لا شوفتها. بس مش هي اللي عملتها. لأن لو هي كانت جريت أو عملت أي حاجة. بس كانت واقفة مكانها مصدومة. معناه إن فيه حد تاني عملها. فهد بتفكير: وجهة نظر بردو. وليد: طب وهنعرف إزاي؟ عصام بشر: لما أميره تقوم بالسلامة. أنا هعرف أجيب اللي عامل إيه. بعد شوية ناهد ويوسف جم. والدكتورة طلعت. عصام بلهفة: ها يا دكتورة؟ هي كويسة؟ دكتورة بأسف وجدية: عصام بصدمة: إيه؟

..................................