رواية وقعت في عشقها الفصل الثامن والعشرون 28 - بقلم الكاتبه الجديده

ناهد بعصبية وعياط: يعني انت بتفضلها على أمك؟ هي دي تربيتي؟ طب يا رائد لو خرجت من هنا يبقى لا أنت ابني ولا أعرفك. فهد بزعيق: ناااااهد! كلمة كمان وهتزعلي مني. ناهد بصتله بدموع وغيظ وسبتهم. عصام بهدوء: تمام يا رائد. مكنش في حد هيكلمك، بس آخر مرة وآخر مرة تكلم أمك بالطريقة دي، فاهم؟ ومفيش داعي إنك تسيب البيت ده بيتك، وبراحتي. فرحك هيبقي الأسبوع الجاي مع يوسف وفريدة.

حبيبة بحراج: لا شكراً، بس أنا مش عايزة فرح، عايزة كله يبقى بهدوء كده. عصام بصلها وقال بصرامة: مفيش "مش عايزة فرح"، أنا قولت هيتعمل يعني هيتعمل فرح، وده آخر كلام عندي. واتفضلوا اطلعوا ومش عايز أي مشاكل لغاية ما يجي معاد الفرح، فاهمين؟ وأنتي يا حبيبة، اتلاشي أمي، هي طيبة وهتعملك حلو، هتبقى حنينة. حبيبة بابتسامة: تمام يا "أبيه". عصام ابتسم ابتسامة صغيرة ودخل المطبخ وقال للخدمة تعمل أكل وطلع.

فهد بحنية لحبيبة: بصي يا بنتي، البيت بيتك، متتكسفيش، ونورتي. حبيبة بكسوف: تسلم يا عمي، ده نورك. رائد مسك أيدها واخدها وطلع ببرود وطنش أبوه خالص. ......................... عند فريدة فاقت وحطت أيدها اللي في دماغها بصداع وقامت بسرعة من على السرير لما افتكرت اللي حصل، وعنيها اتملت دموع. وبصت في المرايا وقالت: لا يا فريدة، مش أنتي اللي تضعفي كدا. ده كان قرارك من أول ما جيتي هنا، بتزعلي ليه دلوقتي؟

وسكتت شوية وكملت: بس أنا معملتش حاجة، دي ماجدة اللي عملت كدا. وقالت بشر: ما ورايتك أيام سودة يا ماجدة الزفت. مبقاش فريدة محمد الدمنهوري. فجأة الباب اتفتح ودخل منه يوسف. فريدة بصت وعنيها كانت حمرا زي الدم وقالت بزعيق: أنت إيه اللي دخلك من غير ما تتزفت تخبط؟ ومسكت فازة ورماها عليه، وراح نزل بسرعة لتحت. يوسف بصدمة: يابنت المجنونة، أنتِ عبيطة ولا إيه؟ فريدة بعصبية: اطلع برا دلوقتي حالاً.

يوسف بهدوء: فريدة، أهدي، صدقيني أنا جاي أعرف مين اللي عمل كدا، لأني متأكد إن مش أنتي اللي عملتيها. فريدة عينيها دمعت بحزن: ليه مش مصدق؟ الكل مصدق إن أنا عملت كدا، يبقى المفروض تصدق أنت كمان. يوسف بحب: مقدرش أصدق إنك تعملي كدا. أنتِ أه بت شريرة وغبية ومجنونة، بس متعمليش أبداً. فريدة بعصبية: أنت جاي تشتم؟ اطلللللع برااااااا. يوسف ضحك وقال: أهدي بس وتعالي نقعد ونتكلم جد شوية. وراح قعد.

فريدة بغيظ: مش عايزة أقعد، اتفضل قول اللي عندك واطلع برا. يوسف بنفذ صبر: أنتِ لسه هتتكلمي؟ تعالي كدا. راح شدها من أيدها قعدها على رجله. فريدة بصدمة وغيظ: أنت إزاي تعمل كدا؟ ولسه هتضربه بالقلم، مسك أيدها وقال بزعيق: اسكرتي بقااااا، خليني أخلص كلامي. فريدة سكتت بخوف وهو كمل بجدية: مين اللي عمل كدا يا فريدة؟ قوليلى. فريدة لنفسها: لا يا فريدة، أنتِ اللي هتجيبي حقك بنفسك. متقوليش حاجة. وكلّمت بصوت عالٍ

شوية: معرفش مين اللي عمل كدا. يوسف بغيظ: يعني ده آخر كلام عندك؟ فريدة هزت راسها ببرود. يوسف قومها وزقها على الكنبة وطلع بعصبية. فريدة بعصبية: يلا يا زبالة. يوسف رجع تاني وقال بغضب: بتقولي لميين كدا؟ فريدة بخوف: بقول لنفسي والله. يوسف مشي وهو بيضحك ويقول لنفسه: مسيطر ياض يا يوسف، جدع. ........................... تاني يوم في أوضة عصام

أميرة صحيت بتعب، ولقت عصام نايم جنبها. قربت منه وبسته من شفايفه بحب، وكل شوية تعمق أكتر. عصام صحى بانزعاج ولاقها. فجأة أميرة بقت تحته وهو فوقها وبيقولها بخبث: بتعملي إيه على الصبح يا بت؟ أميرة ابتسمت وقالت بدلع وهي بتلعب في شعره: فيه إيه بقرب من جوزي؟ فيها حاجة دي؟ وقربت دماغه منها ورجعت تبوسه تاني. عصام مقدرش يقاوم وبقى يعنف في شفايفها، وشوية نزل لرقبتها وبقى يعضها. أميرة بوجع: عصام، كفاية.

عصام وهو مكمل بعنف: معلش يا حبيبتي، دقيقة واحدة. أميرة بدموع ووجع: مش قادرة، ابعد بقا، مينفعش دلوقتي. عصام بعد وهو بينهج وقام من عليها وقال بغيظ: تمام، استني تقومي بالسلامة الأول، وساعتها مش هرحمك يا أميرة. ودخل الحمام ياخد شاور. ...................... عند فريدة قمر لبست بنطلون أسود وجاكت وتشيرت لونهم أسود وكوتش أبيض وحطت برفان وأخذت ولبست شنطة بيضا ونزلت وهي بتكلم مجهول.

فريدة: تقبلني بليل الساعة 10 في المكان اللي قولتك عليه، تمام؟ مجهول: تمام يا هانم. فريدة قفلت معاه وكملت نزول لتحت، لاقتهم كلهم بيبصوا عليها. راحت قالت ببرود: صباح الخير. كلهم ردوا إلا ناهد وماجدة. فهد بهدوء: تعالي افطري يا فريدة. فريدة: شكراً، مش جعانة. وطلعت برا ركبت عربيتها ومشيت. ناهد بحقد: يارب تروحي وما ترجعيش. خلصوا فطار وعصام نزل راح على الشركة بعد ما قال لأمه تاخد بالها من أميرة. بعد 8 ساعات

جه تليفون لماجدة من رقم غريب وردت، سمعت واحد بيقول: مجهول بشر: ماجدة هانم معايا. ماجدة ببرود: أيوة، مين أنت؟ مجهول: أنتِ لازم تيجي على العنوان ده دلوقتي حالاً. لو ما جتيش هفضحك قدام كل عيلة الدمنهوري وأقول مين اللي سقط مدام أميرة. ماجدة برعب: إيه؟ أنت مين؟ وإزاي عرفت؟ مجهول بحدة: ملكيش دعوة بأي حاجة. هبعتلك العنوان في رسالة. لو ما جتيش أنتِ حرة. وقفل في وشها. ماجدة بجنون: مين ده؟ إزاي عرف؟ يلهوي يلهوي.

وليست بسرعة ونزلت ركبت تاكسي وراحت على المكان وكان مهجور خالص. ونزلت وقفت قدام مبنى، لاقت تليفونها بيرن. المجهول: ادخلي جوا. ماجدة دخلت برعب وبتبص، لاقت فريدة قدامها وفي أيدها مسدس. فريدة بضحكة شر: مفاجأة مش كدا؟ أنا حبيت أعرفك إني مش سهلة، وإنك تخلي الكل يشك فيا؟ لا مش فريدة يا حلوة اللي بتنهزم بسهولة. فوقي كدا. أنتِ اللي وقعتي أميرة من فوق، مش كدا؟ ماجدة بعصبية وخوف: أنتِ مجنونة؟

مكنتيش شايفة نفسك وأنتي واقفة على السلم من فوق؟ ولا إيه؟ فريدة بجنون: برضه هتقولي إن أنا؟ أقسم بالله لو ما قولتي إنك أنتِ اللي وقعتيها، لا أقتلك هنا ومحدش يعرف عنك حاجة. ماجدة وهي بتستفز فيها: اللي عندك اعمليه. فريدة الغضب عمها ورفعت المسدس ولسه هتضرب نار عليها، لاقت حد رفع أيدها لفوق. الرصاصة جت في السقف. فريدة بصت، وكانت الصدمة ليها ولماجدة أن............ يتبع