رواية وقعت في عشقها الفصل الثاني عشر 12 - بقلم الكاتبه الجديده

في المستشفى، عصام كان نايم على بطن أميرة. فجأة حس بحركة، قام بسرعة لقى أميرة فاقت. شدها حضنها جامد وقال بلهفة: "أميرتي، انتي كويسة؟ أميرة باستغراب وتعب: "آه أنا كويسة، بس إيه اللي جابني هنا؟ إيه اللي حصل؟ عصام بفرح وصدمة: "انتي فاكرة صح؟ أميرة بعدم فهم: "فاكرة إيه؟ مش فاهمة." عصام حضنها جامد، وأميرة ابتسمت بتعب وقالت بمرح: "أوبا، ده أنا على كده أتعب كل شوية بقى." عصام ضحك: "بس يابت، استنى أنده الدكتورة تطمني عليكي."

وراح جابها ورجع تاني. الدكتورة بابتسامة: "حمد الله على السلامة يا قمر، عاملة إيه؟ أميرة بغيرة وابتسامة بتصنع: "الحمد لله." الدكتورة كشفت عليها وقالت: "هي كويسة وممكن تروح بكرة بليل، بس دلوقتي هعلق لها محلول، ولما يخلص هبعت ممرضة تشيله." وركنت وطلعت. عصام قرب من أميرة وقال بحنية: "إيه اللي وقعك من على السلم يا أميرة؟ أميرة افتكرت مجد. "طب بالمناسبة الحلوة دي، كتب كتاب عصام على فريدة يوم الخميس الجاي."

فجأة عيطت بصوت عالي، وعصام اتخض عليها. عصام بخضة: "مالك يا حبيبتي؟ انتي كويسة؟ أميرة بشهقات ومش عارفة تتكلم. عصام شدها في حضنه جامد: "شششش، أهدي وقوليلي بتعيطي ليه؟ أميرة بصوت متقطع: "تي... تي... قالت... إنك هت... هتتجوز فريدة، إنك هتتجوزها ب... بجد؟ عصام بغيظ من ستي: "لا يا قلبي، مين اللي قال كده؟ وقال بهمس جنب ودنها: "عارفة أنا هتجوز مين؟ أميرة بصتله بعيون بريئة. عصام بتوهان في عينيها قال: "انتي، أكيد يا قلبي."

أميرة بتفاجئ وفرحة: "إيه؟ إيه؟ بتتكلم بجد يا عصام؟ عصام بحب: "آه يا قلب عصام." أميرة عيونها دمعت: "قلبه... عصام بغمزة: "قلبه وروحه وعقله. يوم الخميس هيبقى كتب كتابنا إحنا يا عسل." أميرة فرحت قوي وحضنته. عدى يوم وروحت البيت، وفريدة ومجد كانوا متغاظين قوي. تاني يوم عصام أخد أميرة وراحوا يجيبوا فستان. وصلوا مول كبير. أميرة: "إيه رأيك في ده؟ عصام بعصبية: "رأيي إيه؟ ده كله عريان." أميرة بغيظ: "طب بص حلو إزاي."

عصام وهو ينظر لها بشر: "اتعدلي يا أميرة في أم الليلة دي وهاتي فستان محترم." أميرة نقيت واحد لونه أبيض بيلمع، طويل وديق من عند الصدر وملوش أكتاف، ودخلت لبسته من غير ما عصام ياخد باله وطلعت. أميرة باستفزاز: "ها، إيه رأيك يا عصومي؟ عصام رفع عينه من الفون وبص عليها وفضل متنح من جمالها، بس في نفس الوقت اتعصب. فجأة قام قرب منها بعصبية وغيره.

وعند وليد في الشركة، كان وليد قاعد بغضب من تأخير ندى وبيشتغل. بعد ما خلص رن عليها، لاقى تليفونها مقفول. قام ولم حاجته وطلع ركب العربية وراح بيتها. كان في عمارة شكلها حلو وذوق. ودخل، طلع الشقة بتاعتها وخبط. ندى كانت نايمة ولابسة شورت قصير أحمر وتشيرت أحمر حمّالات ومبين نص بطنها. قامت وراحت تفتح وناسية اللي هي لابسة. فتحت الباب وهي مغمضة عينيها. ندى بنوم: "مين؟

وليد اتصدم من اللي هي طالعة بيه ونايمة على نفسها، وكانت كيوت أوي. وليد بعصبية زقها ودخل قفل الباب: "إيه اللي انتي لابسه ده ياهانم؟ ندى فتحت وفضلت تستوعب شوية، وبعدين فاقت وقالت بصوت عالي: "انت إيه اللي جابك هنا يا قليل الأدب؟ وإيه الطريقة اللي انت دخلت بيها دي؟ وليد برفع حاجب: "ده بس كل اللي هامك؟ وبعدين لو فيه حد قليل الأدب هنا، يبقى انتي. مش شايفه اللي انتي لابسه و جايه تفتحي الباب بيه؟ ندى بصت لنفسها واتصدمت،

بس قالت ببرود: "وانت مالك؟ أنا حرة." وليد قرب منها بعصبية: "لأ مش حرة يا روح أمك." ومسكها من شعرها جامد: "ولو انتي متربتيش وعايزة حد يربيكي، مستعد أعيد تربيتك من جديد." ندى بغضب: "وانت مين انت عشان تعيد تربيتي؟ وبعدين انت قدمت استقالتي، عايز مني إيه تاني؟ وليد بعصبية: "وأنا قولتلك مش هقبل استقالة يا ندى، فـ تحترمي نفسك وتيجي الشركة، فاااهمة؟ ندى خافت: "لأ مش فاهمة، واتفضل من غير مطر...

قطع كلامها ببوسة عنيفة، وهي شهقت بصوت مكتوم وفضلت تزقه. فجأة ضربته بالقلم جامد. وليد بعد بغضب شديد. وعند فريدة، مجد وهي تضحك بشر: "ممكن تبطلي عياط؟ واستني بس، يعني لو هو اتجوزها هتروح مننا فين؟ فريدة بعياط: "قاصدة إيه يا نينا؟ مجد بخبث: "قاصدة لو اتجوزها عادي، هخليه يطلقها ويرميها كمان برا البيت." فريدة بعياط أكتر: "انتي عايزاه يتجوزها ولا إيه؟ مجد بقلة صبر وعصبية:

"أيوا، مفيش حل نعمله تاني غير إنه يتجوزها، وبعدها أنا هخليه يطلقها بكل برود ويرميها في الشارع رمية الكلاب." فريدة بطلت عياط وقالت بفرحة: "بجد يا نينا؟ طب إزاي؟ مجد بخبث وشر: "هتشوفي...