رواية وقعت في حب انتقامه الفصل السادس 6 - بقلم ميرفت سعيد

حبيبي وحشتني أوووي. وجرت عليه حضنته. نور بغيرة: مين دي يا أسر؟ أسر: أنا خطيبته. نور بصدمة: نعععععم! خطيب مين؟ ده جوزي. أسر بهدوء وهو بيبعدها عن حضنه: لميس. جيتي امته؟ لميس بدلع: لسه جايه من المطار حالا، بس كنت خايفة تكون في الشغل، بس لحسن حظي إنك هنا. نور بصوت عالي: أسر دي فعلاً خطيبتك؟ أسر: لميس بنت عمي. نور: لميس!! نور بدموع: أنت خطبتها؟ كاميليا: خطب مين؟

لا طبعاً. لميس أصلاً كانت مسافرة بقالها ٣ سنين ولسه راجعة من السفر، مش خطيبته يانور. لميس بصدمة: نور..!!! أنتِ رجعتي. روفان بقرف: أيوه رجعت، وهي وأسر اتجوزوا. لميس: الكلام ده بجد؟ روفان: أمال هنهزر. لميس: أنتِ مين أصلاً؟ بتكلميني كده ليه؟ ده أنتِ جربو*عة. زياد بغضب: مسمحش ليكي يا لميس تهيني أي حد هنا، أنتِ فاهمة. لميس: شوف يا أسر أخوك بيعمل إيه، بيزعق لي. نظر لها زياد بقرف: أنا طالع أوضتي، اتخنقت.

نور بتنظر لأسر بحزن لأنه مقلش للميس إنها مراته، أو نفى فكرة إن لميس خطيبته، وهو نظر لها ولما شاف نظرة الحزن في عينيها زعل، بس متكلمش. نور لكاميليا: كاميليا أنا أوضتي فين؟ أسر ببرود: كاميليا، طلعيها أوضتي. نور نظرت له بصدمة واستغراب: أوضتك؟!! كاميليا: تعالي يانور. روفان: طب أنا همشي بقا. نور: تمشي فين؟ روفان: هو إيه اللي تمشي فين؟ هروح بيتنا. نور: اقعدي معايا شوية.

روفان: مينفعش، أنتم لسه راجعين من السفر، هاجي لك بكرة. أسر: لا مفيش لا بكرة ولا بعده، أنتِ هتقعدي هنا. نور ابتسمت بفرحة له، وكاميليا فرحت أوي. كاميليا بفرحة: الله ياروفي تقعدي معايا، أنا فرحانة أوي، هنذاكر مع بعض. نظر لها عمر بابتسامة على فرحتها، وهي لاحظت واتكسفت. روفان: بس... أسر: مفيش بس، هتقعدي هنا، أوضتك جمب أوضة كاميليا، خديها يا كاميليا على غرفتها. كاميليا ونور طلعوا. روفان: ماشي.

كاميليا: يلا تعالي نطلع نور أوضتها، وأنتِ بقا مش هتخشي أوضتك غير على النوم، بس هتقعدي معايا. روفان: ماشي ياستي. والبنات طلعت. لميس بغيرة: إزاي يعني تطلع غرفتك؟ أسر ببرود: وهو إنتِ مسمعتيش إنها مراتي، ولا إيه؟ هتنام في المنور مثلاً. لميس بغيظ: طب وأنا. عمر: طب أنا هستأذن أنا. أسر: ماتقعد شوية. عمر: لا بقا، تطلع تستريح مع مراتك، أنت لسه راجع من السفر.

عمر كان قاصده يقول مراته عشان يغيظ لميس، وأسر عرف وضحك، وعمر غمز له ومشي. أسر: عايزة حاجة يا لميس؟ زي ما سمعتي، لسه جاي من السفر، أنا هطلع بقا أنام. طبعاً مش محتاج أقول لك البيت بيتك، أوضتك فوق جاهزة. (لميس لما بتنزل مصر بتقعد معاهم) أسر طلع، ولميس فضلت واقفة بغيظ. لميس: ماشي يانور، يا أنا يا أنتِ. في غرفة كاميليا وروفان. روفان بنعاس: ياستي سيبيني أنام بقا، ما أنا هبقى مرز*وعة معاكي بعد كده.

كاميليا: شوفتي كان بيبص عليا إزاي؟ تفتكري بيحبني. روفان بغباء: هو مين ده؟ كاميليا: مين ده!! عمر في إيه؟ روفان: عايزة أنام. كاميليا وهي بتخبطها بالمخدة: روحي نامي، روووحي. روفان: ماشي، تصبحي على خير. كاميليا: وأنتِ من أهله. روفان وهي خارجة مكنتش شايفة قدامها، خبطت في حد، وكانت هتقع، بس هو مسكها جامد، وكانت تقريباً في حضنه، هيكون مين غير زياد. روفان بخجل: مش تحاسب. زياد: أحاسب؟

صدقي أنا غلطان إني مسبتكيش تقعي تتكس*ر رقبتك. روفان: ماهو بسبب الطو*ر اللي خبط فيا. زياد بيقرب عليها وهي بتبعد لحد ما لزقت في الحيطة. زياد: مين ده اللي طو*ر؟ روفان: ها معرفش، وابعد كده. زياد: لا مش هبعد، إيه رأيك؟ روفان: طب... زياد بألم: اااااه يابنت رجلي اتكسرت يا عجلة. روفان: مين دي اللي عجلة ياااض. زياد وهي بيجري وراها: ياض.. روفان دخلت غرفتها وقفلت الباب في وشه. زياد: هتروحي فين؟ اااه صحيح، إيه اللي جابك هنا؟

روفان: وأنت مالك؟ زياد: ده بيتي على فكرة. روفان: ماشي ياعسل، شكراً على النصيحة. امشي بقا عايزة أنام، مش هتبقي انت واختك. زياد: ماشي، تصبحي على خير. روفان: وأنت مش من أهله. زياد بضحك: ماشي، والله كله هيطلع عليكي بعدين، ادلعي. روفان: قصدك إيه؟ زياد: هتعرفي، سلام. روفان: سلام. عند أسر ونور. نور قاعدة على الكنبة، وأسر نايم على السرير. نور: أنا هنام فين؟ أسر: هنا. وبيشاور على السرير. نور: وأنت. أسر: على السرير برضه.

نور: إزاي يعني؟ أسر: زر السكر في الشاي. نور: بطل استفزاز. أسر وهو بيتعدل من مكانه: مش لما لميس قالت إنها خطيبتي قولتي ده جوزي؟ نامي بقا. نور بخجل: لا ده عشان يعني... وسكتت كأنها افتكرت حاجة. ااه صحيح، أنت إزاي متقولش لها إننا متجوزين وسامحلها أوي إنها تحضنك وتقول إنها خطيبتك؟ أسر: طب ماهي مكدبتش. نور: قصدك إيه؟ أسر: هي فعلاً خطيبتي. نور: نعععععم.