رواية وقعت في حب انتقامه الفصل الثامن 8 - بقلم ميرفت سعيد

لميس: متعودة أقعد جنب السُّور. روفان: معلش بقى، ما السُّور اتجوز ومراته هي اللي تقعد جنبه. زياد ضحك على طريقة كلامها، بس غار لأنها دلّعت اسم أخوه. أسر: فعلاً، ده مكان لميس هي اللي بتقعد عليه. نور بصدمة: آآآي! والكل نظر له بصدمة، وعمر اللي عارف كل حاجة بس اتصدم من رد فعل صاحبه. أسر: بس يا لميس، أنا دلوقتي متجوز والمفروض تقعد جنبي مراتي. نظرت له نور بارتياح، كانت خايفة ليجرحها ويقومها ويقعد لميس مكانها.

لميس بغيظ: يعني إيه؟ كاميليا: يعني اقعدي في أي مكان. لميس قعدت بغيظ وحقد وغِل. لميس: والله ما هسيبك يا نور. وهما كملوا فطار وكل واحد هيشوف حياته. روفان وكاميليا راحوا الجامعة، ونور وأسر طلعوا عرفتهم، وعمر مشي عشان الشغل وزياد راح معاه. في غرفة نور وأسر. نور كانت بتبص على أسر فرحانة لأنه مجرحهاش، وهو أخد باله منها. أسر: بتبصي لي كده ليه؟ نور: كنت فاكرة إنك هتقومني وتقعد لميس مكاني.

أسر ابتسم، لأن من موقف صغير هي فرحانة منه. أسر: ده المفروض يحصل، مش انتي مراتي ولا إيه؟ نور بتساؤل: مراتك؟ أسر: أيوه، تحبي أوريكي القسيمة؟ نور: طب قولي، عايز تنتقم مني ليه؟ أسر بغضب: مش هقولك يا نور. نور بغضب: لييييه؟ أسر: أنا ماشي. نور جرت عليه ومسكت إيده. نور: وحياة أغلى حاجة عندك، قول لي. نظر لها أسر بحزن وساب إيديها ومشي. عند روفان وكاميليا. كاميليا: بقولك يا روفان. روفان: نعم.

كاميليا: أنا ليه حاسة إن علاقة نور وأسر غريبة؟ مش حاسة إنهم متجوزين حب. روفان بتوتر: يا بنتي، هو لسه فيه حب في الزمن ده؟ كاميليا: ليه بتقولي كده؟ روفان: بصراحة، معتش عندي ثقة إن ممكن اتنين لسه بيحبوا بعض. كاميليا: بس أسر ونور دول كانوا قصة حب ما شفتش غيرها، كنت فرحانة بيهم أوي. روفان: يلا بقى، مفيش حاجة بتفضل على حالها، يلا عشان كلمة كمان ومش هنلحق المحاضرة. كاميليا بضحك: ماشي. في شركة أسر. عمر: في عريس ينزل كده؟

أسر: والله، ده على أساس إني عريس أووي. عمر: انت بتحب نور، ليه بتعمل في نفسك وفيها كده؟ انسي بقى. أسر: انسي انت اللي بتقول كده. عمر: أنا بقول كده عشان أنا أكتر حد فاهمك. نور ممكن تكرهك، ولما تخلص انتقامك تحب حد تاني يعوضها الحب اللي مشافتهوش معاك. أسر بغيرة: حد تاني؟ عمر: أيوه طبعاً، امال عايز تنتقم منها وهي تفضل تحبك؟ أسر بغضب: أنا مش بنتقم من نور، وعمري ما أقدر آذيها.

عمر بغضب: لما تكون بتحبك بس انت مش بتحبها، بس غصبها تعيش معاك، يبقى بتأذيها. لما تجبرها تتجوزك غصب يبقى بتأذيها. أسر بغضب وعصبية: انت عارف أنا عملت كده ليه؟ أنا مقدرش آذي نور، نور دي حياتي. لو شفتها بتقول آه، بس هموت. أنا عملت كل ده عشان تبقي جنبي وقدامي وهي بعيد عني. أنا كنت بموت كل يوم، كنت براقبها عشان خايف إن حد ياخدها مني. أنا عارف ومتأكد إن نور مش متجوزاني غصب، هي بس كانت عايزاني أعترف لها إني بحبها.

عمر: طب ما تعترف. أسر سكت، مكنش لاقي كلام يقوله، هو مش عارف، مش عايز يعترف لها ليه. عمر: اعترف لها قبل فوات الأوان يا أسر، الوقت بيعدي، وساعتها هتندم إنك معترفتش. أسر بسخرية: قول الكلام ده لنفسك وانت بتحبها وشايفها بتكبر قدامك وانت بتحبها بس مش عايز تاخد خطوة لحد ما تلاقيها ضاعت منك. عمر بتوتر: قصدك مين؟ أسر: انت عارف كويس. أسر مشي من المكتب عشان فيه اجتماع. أسر: مش هتيجي الاجتماع؟ عمر بتوهان: هاجي.

عند نور قاعدة في غرفتها بحزن. هي بتحب نور، هي فرحة لما طلب منها إنهم يتجوزوا، بس زعلت إنه عايز ينتقم، هي مش عارفة ليه، بس هي حالفة إنها هتندمه. قطع تفكيرها فونها برقم غريب. نور: آلو. : آلو، حضرتك نور الهواري. نور: أيوه، أنا مين؟ : حضرتك أخت روفان الهواري. نور بخضة: روفان مالها؟ : أخت حضرتك تعبانة جداً، وهي دلوقتي في مستشفى****. نور بخوف: روووفان. نور قامت تجري على برا وخرجت وركبت عربيتها وهتجري على عنوان المستشفى.

لميس من الشباك بتتابعها. لميس بخبث: مع السلامة يا نونو. ورنت على رقم: نفذ. نور كانت سايقة بسرعة جداً وفجأة عربية طلعت قدامها، فضلت تيجي ناحيتها، وفجأة قلبت العربية الناحية التانية. الناس اتلمت حوالين العربية وطلبوا الإسعاف وأخدوا نور على المستشفى. عند أسر خرج من الاجتماع. عمر باستغراب: مالك يا أسر؟ وانت في الاجتماع مكنتش مركز خالص. أسر: مش عارف، قلبي مقبوض. فونها رن برقم نور، هو اتخض ورد بسرعة. أسر بخوف: آلو... أي...

انت بتقول إيه... نوووووووووووووور.