رواية وقعت في حب انتقامه الفصل الثاني 2 - بقلم ميرفت سعيد

الليل المأذون: بارك الله لكما وبارك عليكما وجمع بينكم في خير. اسر: مبروك عليكي في جحيمي. نور: ده انا اللي هوريك اللي عمرك ما شفته. روفان: هتمشي؟ نور: معلش، ابقي تعالي. روفان بدموع: اكيد. نور: اي ده يابت، هو انا مهاجرة؟ روفان: اول مرة تبعدي عني. نور: مش هبعد والله. روفان بقلق: نور. نور: في ايه؟ روفان: بابا. نور: ماله؟ روفان: لما يرجع، تفتكري هيعمل ايه؟ نور: مش عارفة، بس أكيد مش هيسكت. روفان: ربنا يستر.

اسر جه عليهم، هو كان سامع الحوار من الأول. اسر: مش يلا؟ نور بتحدي: يلا. سلمت على روفان، واسر سلم على صحابه ومشي. *** اسر ونور وصلوا الفيلا بتاعته. اسر: بصي بقا، انا مش متجوزك عشان سواد عيونك. نور بضحك وسخرية: يلا يا أحول، عيني مش سودة. اسر بصدمة: أحول!! هنبتدي بكده؟ نظرت له نور بغموض وسكتت. اسر: بصي، انتي هنا هتبقي زي الخدامين بالظبط. نور: انت يالا خدامة مين؟ سيبك من الأسطوانة دي، الكلام ده في الروايات بس.

اسر: في ايه يابت، انتي لسانك طويل ليه؟ اللي يشوفك ميقولش إن اللسان ده اللي بيتكلم. نور: انا كده بقا. اسر بهدوء فجأة: تعالي. نور برفع حاجب: ليه؟ اسر: ماتيجي، ولا خايفة؟ نور: وانا اخاف من أي، هو انت هتاكلني؟ اسر: يا رب الصبر من عندك. نور وهي بتقرب: نعم. اسر: انتي عارفة انا اتجوزتك ليه؟ نور: ليه؟ اسر: عشان انتقم. *** عند روفان، علانة ومش عايزة ترجع البيت لأنها هتقعد لوحدها. زياد: أوصلك؟ روفان: شكراً، انا مش هروح أصلاً.

زياد بصوت عالي: نعم، ليه؟ رايحة فين؟ روفان: رايحة... انت مالك. ولسه جاية تمشي، مسكها. زياد: لا، مالي ونص، قولي انتي رايحة فين. روفان: ملكش دعوة. وطلعت له لسانها. ولسه هتمشي، مسكها جامد وزقها للعربية وقفل الباب جامد وركب. روفان بفضب: انت اتجننت؟ زياد: أه، ولو مسكتيش، هعمل حاجة تزعلي عليها. نظرت له بخوف وسكتت. كمل زياد: أيوه، مجنون. روفان بسخرية وتزمر: عارفة.

ضحك عليها. اتأكد إنها طفلته من أول ما شافها وعرف اسمها، وهو اتأكد. روفاني: يلا. *** عمر: تعالي يلا أوصلك. كاميليا: شكراً، هروح مع زياد. عمر: زياد اللي مشي. كاميليا: هروح مع سامر (سامر ابن خالتها، هو بيحبها وعمر عارف، بس هي بتعتبره أخوها) عمر بغيرة: امممممم، طب يلا تعالي أوصلك، بدل ما انتي حرة. وبعدين، انا مش قولت مفيش سي زفت؟ كاميليا بنرفزة: انت مالك، اروح مع ده ولا أي حد، دخلك إيه؟ كنت أخويا، خطيبي، جوزي.

ومشت وراحت لسامر فعلاً عشان تروح معاه وركبت معاه العربية. عمر غمض عينيه بغضب. هو فعلاً ملوش حق إنه يتحكم فيها، بس لما شافها بتركب عربية سامر، الدم غلي في عروقه بفكرة إنها هتقعد جنبه ويمشوا لوحدهم. وجري عليها وشدها من العربية. سامر: انت بتعمل إيه؟ عمر مسمعش ليه، دخلها العربية وركب ومشي. كاميليا بخوف من منظره: عمر. عمر بحدة: نعم. كاميليا: ااا، انت كويس؟ عمر بتهكم وغضب: وبتسألي عليا ليه؟

كنت أخوكي، كنت خطيبك، كنت جوزك، بتسألي ليه؟ كاميليا بدموع: أنا آسفة. عمر بتنهيدة: طب بتعيطي ليه؟ أنا آسف، حق عليا، بس أنا زعلت من اللي قولتي. كاميليا بدموع: أنا آسفة. عمر: متعيطيش، أنا مش بستحمل أشوف دموعك. كاميليا: ليه؟ سكت عمر مش عارف يجاوبها بإيه. وشغل العربية، وهي اتنهدت بحزن. *** عند اسر ونور. اسر: عشان انتقم. نور بصدمة: تنتقم من مين؟ سكت اسر. نور: من مييييين؟ اسر: مش هقولك. نور: ليه؟ اسر ببرود: هو كده.

نور: ليه؟ انا عملت فيك إيه؟ اسر: ملكيش دعوة. ولسه جاي يمشي. نور: أنا بحبك. اسر: ********