رواية وقعت في حب انتقامه الفصل الثالث 3 - بقلم ميرفت سعيد

نور: ليه أنا عملت فيك إيه؟ ياسر: ملكيش دعوة. ولسه جاي يمشي. نور: أنا بحبك. ياسر بصدمة: قولتي إيه؟ نور بتوتر من اللي قالته: أنا مقولتش حاجة. أنا قولت حاجة. ياسر: نور، قولي اللي كنتي بتقوليه تاني. نور بتنهيدة: بحبك.... آآآآآ... كنت... كنت بحبك. ياسر بحزن: كنتي. لفت نور ضهرها وبحزن ودموع: فاكر واحنا صغيرين كنا بنحب بعض إزاي؟ فاكر لما مكنتش بتسمح لحد إنه يزعلني؟

ضحكت بحزن وقالت: فاكر أحمد اللي كان معانا في المدرسة، عشان مسك إيدي وفضل واقف معايا، أنت ضربته. راح هو جاب صحابه وضربوك وروحت اتخيطت بسببي. لفت له بدموع بتنزل ومسكت إيده بحزن: إيه اللي جرا؟ اللي اللي حصل؟ ليه كده يا ياسر؟ نظر لها ياسر بحزن. فعلاً كل كلامها صح. هما كانوا قصة حب الكل كان بيضرب بيها المثل لحد الثانوي وبعدوا عن بعض بسبب شيء محدش يعرفه غير ياسر وعمر وأبو نور. ياسر بحزن: الكلام ده كان زمان.

نور بدموع نزلت: زمان. *** عند زياد وروفيان. وصلها البيت. روفان كانت لسه هتنزل. زياد مسك إيديها. زياد: استني. روفان بخجل وبتحاول تشد إيديها: إيه؟ زياد وبيحاول يستفزها: إيه؟ البنات بتقول نعم مش أي. روفان برفع حاجب: والله. زياد: خلص، عايز إيه؟ روفان: عايز تشوفني امتى؟ زياد: امممممم. بدأنا استهبال. أنتي مش فكراني يا روفان؟ روفان بتوتر: لأ. زياد بابتسامة: كذابة. أمال اتوترتي ليه؟ روفان: أنا متوترتش. زياد: كذابة.

روفان: في إيه يا عم؟ هو كل شوية كذابة؟ أنت هتصاحبني ولا إيه؟ زياد بصدمة: أصحابي!!! وماله. رقم تليفونك بقى. روفان: نعععم يا بجحك. زياد: في إيه يا ولية؟ هو أنا قولتلك تعالي عندي البيت؟ روفان: صدق إن قليل الأدب. زياد بنفاد صبر: اللهم طولك يا روح. انزلي، انزلي. يخربيت اللي عايز يعرف. يلا. روفان: طيب، متزوقش. ونزلت. طلعت له لسانها ودخلت. زياد: والله لأقطع لك لسانك ده قريب. وضحك عليها ومشي. ***

عند كاميليا بتكلم روفان في الفون. روفان: إيه يا بنتي؟ مالك؟ كاميليا: زعلانة أوووي. روفان: ليه؟ عشان أخوكي اتجوزك؟ كاميليا: لا. ياسر كده كده هييجي هنا هيقعد. بس في فندق مدة يقضي شهر العسل وهييجوا تاني. روفان بسخرية: شهر عسل. آآآآه. ماشي. بقولك إيه؟ ما تيجي تباتي معايا؟ أنا لوحدي ومش اتعودت أقعد لوحدي. كاميليا: يا حبيبتي. طب ثانية أقول لزياد. مش عارفة هيوافق ولا لأ. روفان بخفوت: زياد. كاميليا راحت لزياد غرفته.

كاميليا: زيزو. زياد: زيزو. عايزة إيه؟ كاميليا: أنا عايزة أروح لروفان. زياد بقلق: ليه؟ هي مالها؟ كاميليا باستغراب من قلقه: لا، هي كويسة. بس هي قاعدة لوحدها بعد ما نور اتجوزت ياسر، وهي مش متعودة على كده. فا عايزة أروح أقعد معاها وأجي بكرة. زياد: ماشي. كاميليا بفرحة: شكراً يا زيزو. زياد: ماشي يا أختي. روحي البسي. زياد فرح لأنه هيروح لها تاني عشان كده وافق. وراح جري على غرفة كاميليا. زياد: كوكو. كاميليا: إيه؟

غيرت رأيك ولا إيه؟ زياد: لا طبعاً. هو أنا أقدر. بس أنا كنت عايز رقم تليفون روفان. كاميليا بخبث: ليه؟ زياد بتوتر: مفيش حاجة عادي. عشان أبقى أطمن عليكي. أنتِ ساعات بتعملي فونك صامت. كاميليا: ماشي. *** عند ياسر ونور. ياسر بجمود: أيوه. زمان. نور وهي بتمسح دموعها: تمام. ماشي. عن إذنك. ودخلت غرفتها. تنهد ياسر بحزن. زعلان على اللي وصلوا له. بس هو مصر على الانتقام.

بعد شوية. ياسر كان قاعد في الأوضة بحزن. وهي في غرفة تانية. وفجأة ياسر سمع صوت تكسير برا جامد. ياسر بخوف: نووووور.