رواية وقعت في حب انتقامه الفصل الثاني عشر 12 - بقلم ميرفت سعيد

اسر: نور مالك ردي عليا. نور كانت ساكتة تمام وكانت بتبص ليهم نظرات هما مش فاهمينها. نور بتوهان وتعب: انت مين.. انتو مين؟ كلهم بصدمة: إيه؟ نور بخوف: انتو مين؟ ابعدوا عني. اسر بصدمة: انتي مش فكراني؟ نور وهي بتمسك راسها: لا، أنا مش فاكرة حاجة نهائي. عمر بصوت عالي: يا دكتور! الدكتور: في إيه حضرتك؟ روفان ببكاء: أختي يا دكتور مش فاكرة حاجة. نور: اختي مين؟ روفان جرت عليها ببكاء: نور، انتي مش فكراني؟

أنا روفان، روفي أختك حبيبتك، مش فكراني. نور وهي بتشد إيديها منها: انتي مين؟ أنا مش فكراكي. الدكتورة: ممكن تخرجوا برا. اسر: نخرج إيه؟ هي مالها؟ الدكتورة نظرت لعمر: لو سمحت ممكن تطلعوا برا، أنا لازم أكشف على المريضة. عمر: اسر حبيبي، تعالي نطلع برا وهو هيطمنا. اسر: أنا مش هخرج من هنا إلا لما أطمن عليها. الدكتورة: لو سمحت اخرج كده، مينفعش. زياد: تعالي نخرج يا اسر.

كلهم خرجوا واسر خرج برا، وكلهم مستغربين وخايفين لتكون فقدت الذاكرة. الدكتورة: للأسف عندها فقدان في الذاكرة، هو مؤقت بس هي مش هتفتكر أي حاجة نهائي، ويا ريت متحاولوش تضغطوا عليها عشان تفتكر، لأنها ممكن يحصل لها انتكاسة. روفان ببكاء: طب لحد إمتى يا دكتور؟ الدكتور: والله على حسب، ممكن أسبوع، شهر، أكتر، الله أعلم. عمر: تمام، شكراً يا دكتور. روفان: يعني إيه؟ يعني أنا أختي مش فكراني خالص؟ يا رب!

كاميليا بدموع: اهدي يا حبيبتي، إن شاء الله هتفتكر كل حاجة، الدكتور قال إنه مؤقت. روفان قعدت على الكرسي بتعيط وكاميليا جنبها بتهديها، وزياد في نظره حزن، وواقف هو وعمر جمب اسر اللي في دنيا تانية. عمر: اسر، روح غير هدومك وتعالى تاني. اسر: لا، مش همشي وأسيب نور. زياد: اسر، روفان وكاميليا هيفضلوا معاها لحد ما إحنا نرجع، تعال بس غير هدومك وارتاح شوية وابقى تعالي تاني.

كاميليا: أيوه يا اسر، روح انت وأنا هفضل معاها أنا وروفي. اسر بتعب: ماشي. بعد ساعة اسر دخل لنور بمفرده. اسر: حبيبتي. نور: انت مين؟ أنا مين؟ اسمي إيه؟ اسر: انتي اسمك... نور. نور ببراءة: الله، الاسم جميل. اسر: جميل زيك. نور: وانت اسمك إيه؟ اسر: اسمي اسر. نور: حلو برده.. لأ، انت تبقى ليا إيه؟ اسر: امممممم، جوزك. نور بصدمة: إيه؟ عند كاميليا، عمر قرب منها. عمر: كاميليا. كاميليا: نعم.

عمر: تعالي ننزل شوية في الكافتيريا تحت شوية. كاميليا: أوك. كاميليا وعمر نزلوا الكافتيريا. كاميليا: أنا خايفة على اسر، يتعب تاني. عمر: متقلقيش، أخوكي أسد. كاميليا: يا رب نور تفتكر بسرعة عشان اسر. عمر: يا رب. عند روفان وزياد. زياد: روفان، تعالي أوصلك تروحي، انتي شكلك تعبانة. روفان بدموع: أنا مش همشي وأسيب نور. زياد: يا حبيبتي، هنروح نرتاح بس تاكلي حاجة وتيجي تاني. روفان: ماشي. عند اسر ونور. نور: إيه؟ اسر: في إيه؟

نور: انت إزاي جوزي؟ أنا مخطوبة! اسر: نععععم، مخطوبة؟ نور: أيوه، رامي. اسر بصدمة: رامي؟