رواية وقعت في حب قاسي الفصل السادس عشر 16 - بقلم اية سلمان

بعد 20 عام في قصر ضخم تعيش ثلاث أسر: مليكة وسيف، محمد ونور، إسلام ودارين. أولادهم كبروا. فهد وفيروز وملك أولاد مليكة وسيف. مازن وليان أولاد إسلام ودارين. إياد وحور أولاد محمد ونور. فهد بغضب: حووووووور! حور بخوف: يا لهوي، شافني. أستخبى فين؟ أممم، أيوا، تحت الترابيزة، هو دا الصح. استخبت حور تحت الترابيزة. فهد وهو داخل وغضب الدنيا كلها في عينه: اطلعي يا حوووووور لوحدك، بدل ما أطلعك بطريقتي. نزلوا كلهم على صوته.

سيف باستغراب: فيه إيه يا فهد؟ صوتك عالي ليه؟ فهد بزعيق: حوووووووور، اطلعييييييي، أحسن أقسم بالله مااااااا هيحصل طيييييب. محمد بغضب: فيه إيه يا فهد؟ بتزعق كده ليه؟ اتجننت؟ عايز إيه من حور؟ فهد بهدوء وحدة مخيفة: هتعرف دلوقتي يا عمي، بس لما بنتك المصون تطلع من تحت الترابيزة. وبص تحت الترابيزة فجأة وزعق. فهد بغضب: اطلعييييي! طلعت حور بسرعة واستخبت ورا محمد. حور برجفة وخوف: بابي، أنا معملتش حاجة والله، هو الـ...

وسكتت فجأة. إسلام بحكمة: اهدوا وفهمونا، فيه إيه؟ نور: فيه إيه يا فهد؟ حور عملت إيه؟ فهد بهدوء مخيف: الهانم راكبالي مع عيل ابن ***** العربية وبيوصلها لوحدها لحد هنا. مليكة بـ شهقة: إيه؟ نور بصدمة: الكلام ده صح يا حور؟ دارين محاولة تهدئة الوضع: اهدوا يا جماعة، أكيد حاجة اضطرتها لكده. قولي يا حور. محمد بص لحور منتظر ردها. حور وهي بتفرك في إيدها بتوتر: هو... أصل... هو... هو...

فهد بحدة: أقولكم أنا. الآنسة مصاحبالي عيل ***** من الكلية، وقال إيه طلب يوصلها، فالآنسة وافقت. مش كده يا حور هانم؟ حور بغضب: أولاً، اسمه مصطفى. ثانياً، متشتموش. ثالثاً بقى، هو وصلني عشان الوقت اتأخر، وكمان هو مش قصده حاجة وحشة، هو عايز يتقدملي. فهد بصدمة وثوران: يـ... يـ... حور بخوف من رد فعله: يـ... يتقدم لي. فهد ببرود: ألف مبروك يا بنت عمي. حور انصدمت من الكلمة، لأنه طول عمره بيقولها يا حوري.

فهد ساب البيت بغضب ومشي. محمد بحكمة: مكنش يصح اللي حصل ده يا حور، مينفعش واحد غريب يوصلك، ده غلط. نور بغضب: ده اللي مدايقك؟ إنتِ إيه اللي قولتيه لفهد ده؟ محمد بحنية: خلاص يا نور، حصل خير. نور بغضب: خير؟ وهيجي منين الخير؟ وبعدين أنا مش موافقة على سي مصطفى بتاعك ده. حور بدموع: مامي، دي حياتي أنا، وده اختياري. نور بانفعال: والله شايف بنتك يا أستاذ محمد؟ أدي آخرة تربيتك ودلعك؟ بترد على أمها أهي.

محمد بصرامة: باااس، مش عايز نقاش في الموضوع ده. وإنتي يا حور، مليكيش علاقة بالولد ده لحد ما يجي ويتقدم ونشوف إيه نظامه. حور: حاضر. وطلعت على أوضتها. سيف بص لمليكة اللي زعلانة على ابنها، بمعني هنعمل إيه؟ مليكة مسكت إيده وطلعوا فوق. إسلام بص لدارين بشك: دارين، تعالي معايا. دارين باستغراب من نظرته، راحت وراه. إسلام قفل الباب فجأة. دارين: فيه إيه يا إسلام؟ إسلام: إنتي كنتي عارفة الموضوع ده؟ دارين بتوتر: أنا... أنا...

إسلام بزعل: يعني كنتي عارفة ومخبية علينا؟ دارين بندم: حور حلفتني مقولش لحد. إسلام: وعاجبك اللي حصل تحت وفهد؟ دارين بندم: أنا آسفة والله. إسلام: خلاص يا دارين، أنا نازل أشوف فهد فين. دارين بدموع: إسلام! إسلام! بس مردش عليها ونزل. الساعة 12 بالليل.