رواية وقعت في حب قاسي الفصل السابع عشر 17 - بقلم اية سلمان

الساعة 12 بالليل. فهد داخل سكران وإسلام ساندُه. فهد بصوت عالي: الغزالة رايقة، ما الناس الحلوة سايقة. إسلام وهو بيحاول يسكتُه: غزالة إيه اللي رايقة، الله يخربيتك اسكت، أبوك لو شافك هتبقى ليلة سودا. فهد بسُكْر: إلا قولي يا أبو الأساليم. إسلام بدهشة: أبو الأساليم! يخيبك، دا مراتي مقالتهاش، قول يا خويا. فهد بزغطة: هق، هو القلب اللي جرحنا في حاجة أكيد جارحاه، ولا هو أصلًا تربية وسخة.

إسلام بصدمة: واد يا فهد مالك يااض، أنت اتجننت؟ وصل إسلام وفهد لأوضة فهد ودخله، وإسلام نيمُه على السرير. إسلام وهو بيمسك كتفه بوجع: جتك داهية تقيل شبه أبوك، عمال تشيل في حديد لغاية ما بقيت شبهه. فهد كان في عالم تاني. سابه إسلام وراح أوضته، وكان فيه عيون بتراقب كل دا. راحت أوضة فهد وفتحت الباب، وكانت بتتسحب و بتبص على ملامح فهد اللي وشه أحمر من التعب واللي هو شاربه. فهد شدها مرة واحدة وكان على وضع يضربها بالبوكس.

حور بخضة: إيه إيه، دي أنا أنا حور، حور يا فهد. فهد حاوطها بإيده على السرير. حور بارتباك: فـ فهد، إنت بتعمل إيه؟ عـ عيب كده، ابعد. فهد بصوت مخنوق: عايزاه، بتحبيه؟ هه. حور بتوتر: فهد ابعد، عايزة أمشي، سيبني. فهد بحزن وهو مش في وعيه: أسيبك؟ عايزني أسيبك؟ هه، دا على جثتي يا حور، إنتي ملكي أنا وبس. حور حست بإحساس غريب، بس كانت خايفة حد يدخل في الوقت دا. وعمالة تبص على الباب، ولاكن فجأة فهد وقع فوقها ونام غصب عنه.

حور بخضة: فهد، فهد، يا لهوي، يا لهوي، إنت تقيل أوي، أشيلك إزاي؟ حاولت تبعده عنها، ولاكن معرفتش، ولأن جسد فهد لا يستهان به، وبيتمرن وبيشيل حديد من صغره. حور بتعب: أووووه، أنا تعبت، يا ربي، دا تقيل أوي. اتخضت لما فهد حضنها وشدد على الحضن. حور بكسوف: يا لهوتي، أهي كملت، استرها معايا يا رب، دانا هبلة، أنا هبلة، إيه خلاني أجي أطمن عليه، بس أنا مالي. فهد بنعاس وهمس: بحبك، بحبك أوي، متسبنيش يـ...

حور معرفتش تسمع الاسم لأنه كان نام تاني. حور حست بالزعل للحظة. حور في نفسها: مـ معقول يكون فهد بيحب. عقلها: وانتِ إيه مزعلك؟ بعدين هو حر يحب ولا لأ، ملكيش دعوة، مش انتي بتحبي مصطفى؟ قلبها: أيوا، بس فهد حنين، ومعقول أكون معجبة بيه. عقلها: لا، أكيد لأ. حور تعبت من التفكير ونامت غصب عنها. عند إسلام ودارين. دارين بزعل: سولي. إسلام: ... دارين بدلع: سلومي. إسلام تجاهلها ونام على السرير. دارين بدموع: هتفضل زعلان مني كتير؟

إسلام مقدرش يتجاهل صوتها الباكي. إسلام اتعدل وشاورلها تقعد قدامه، وهي عملت كده. إسلام بهدوء: ممكن كفاية عياط. دارين بشهقات: مانت زعلان مني. إسلام بحنية: شششش، أهدي، خلاص مش زعلان، بس مكنش ينفع تخبي علينا، أو عليا أنا بالذات. دارين: هي والله حلفتني. إسلام وهو بيطبطب على إيدها: خلاص، محصلش حاجة، بس بعد كده أي حاجة تحصل اعرفها. دارين: حاضر، حاضر. إسلام قرب منها وباسها. دارين بخجل: يلا ننام.

إسلام بضحك: احنا مش متجوزين من يوم ولا شهر، ولا حتى سنة، احنا بقالنا 25 سنة سوا يا دارين، ولغاية دلوقتي بتتكسفي مني، احنا عندنا عيال دلوقتي. دارين بكسوف: بس نام يلا. إسلام بحنية حضنها: نامي يا روحي. تاني يوم الصبح صحي فهد. فهد فتح عينه بوجع راس. فهد بألم: آآآه، إيه الوجع دا؟ وكان بيتقلب، راح ضاغط على حور. حور بوجع واختناق: آآآه، آآآه، إنت بعتريلا في عجلة تحتك، آآآه، اوعى. فهد اتخض وبعد: إيه دا، إنتي بتعملي إيه هنا؟

حور وهي بتقوم بسرعة ووجع: نعم؟ مش انت اللي شدتني امبارح و و... فهد باستغراب وخبث: و إيه؟ حور بخجل: و بس، عن إذنك. كانت هتخرج بس وقفت وبصت ليه، لاكن هو بص لها ببرود. حور بارتباك: فهد. فهد ببرود: اممم. حور وهي بتبص في كل مكان: هـ هو انت مرتبط؟ فهد كان لسة هيجاوب بس سكت وبعد نظره. فهد ببرود: أظن دي حاجة ملكيش دعوة بيها يا بنت عمي، واتفضلي عشان أغير. حور بدموع: عن إذنك. خرجت برة. بعد نص ساعة.

كانوا كلهم تحت ع الفطار، لغاية ما دخل فجأة. يا ترى مين دخل؟