رواية وقعت في حب قاسي الفصل الرابع 4 - بقلم اية سلمان

فجأة قطع ضحكهم صوته. صالح: إيه ده، ده أنا حماتي بتحبني بقى. سامية باستغراب: صالح.. إيه اللي جايبك؟ صالح بص على مليكة: سمعت إن بنت عمي هنا، قلت آجي أطمن عليها. قرب على مليكة وكمل: كيفك يا بت عمي؟ مليكة خافت من نظراته ومردتش عليه. سيف قام وشده لورا بغضب: إنت إزاي تقرب منها كده؟ صالح وهو بيمثل البراءة: أنا بسلم على بنت عمي. سيف ببرود: واتسلمت، اتكل على الله يا صالح. صالح ضحك بصوت عالي: ههه، فاكرها سهلة ولا إيه يا سيف؟

أنا جاي هنا عشان آخد بنت عمي معايا. سيف بهدوء: تاخدها إزاي وبأي صفة؟ صالح بخبث: أصلي نويت أجوزها، وقولت بنت عمي وأنا أولى بيها. سيف ببرود عكس اللي جواه: وهو فيه راجل يتجوز واحدة متجوزة أصلاً؟ صالح بصدمة: متجوزة إزاي؟ سيف قرب منه وضربه بالبوكس وكمل كلامه وهو بيعدل لبسه: عايز تجوز مراتي ولا إيه يا ولد حمدية؟ صالح قام بغل وكان لسه هيضرب سيف، راح سيف ماسكه ولَوى دراعه. صالح بغل: إنت كداب، وريني القسيمة. سيف

وهو بيضغط على دراع صالح: أنا مش كداب، مش مصدق؟ تعالي بالليل وهتشوف القسيمة بعينك. وزق صالح. سيف ببرود: امشي من هنا يا ولد حمدية وما أشوفش وشك تاني، وإلا مش هيطلع عليك شمس. صالح بغضب بص على مليكة اللي في حضن سامية وخايفة: أوعي تكوني فكراه هيتجوزك عشان بيحبك يا مليكة، لأ، ده اتجوزك عشان فلوس أبوكي، وبكرة أما ياخدهم منك هيرميكي ومش هيفضل لك غيري، وهتيجي لي وأنا عشان بحبك هـ...

ماتلحقش يكمل كلامه بسبب سيف اللي قرب منه بسرعة ونزل فيه ضرب. سيف بغضب: بتحب مين يا بن الـ******؟ هه. محمد قام بسرعة يبعدهم عن بعض: خلاص يا أخويا، هيموت في إيدك، الله يستر. قام سيف وبصوت جهوري: اسمع يا ولد السحارة، لو شفتك هنا تاني، ورب العرش لكون قاتلك وبعت جثتك.. إنت يا غفير، إنت وهو. الغفير: أيوا أيوا يا سيف بيه. سيف قرب من صالح وزقه برجله: شيل البتاع ده وارميه بره، وع الله يدخل هنا تاني، فاهم؟ الغفير: حاضر يا بيه.

شالوا صالح وطلعوا بره. محمد: خلاص، اهدى يا أخويا، أهو خرج بره، البت خايفة منك. سيف بص على مليكة، لقاها بتترعش في إيد مامته وخايفة فعلاً. قرب منها لقاها بتمسك في سامية أكتر. سيف بحنية: إنتي خايفة مني يا مليكة؟ لسه هيلمسها. مليكة بخوف وعياط: لأ، ابعد، ابعد إيدك. سيف بص على إيده لقى عليها دم صالح مكان ما ضربه. سيف بعد عنها وطلع على فوق بعصبية.

سامية بحنية: خلاص يا بتي، متخافيش، إحنا معاكي. اطلعي على أوضتك ارتاحي يا حبيبتي. طلعت مليكة على أوضتها. محمد بتفكير: تفتكري يا ماما صالح هيسكت؟ سامية: لأ، أنا متأكدة إنها مش هتعدي على خير، استر يا رب. محمد بضحك عشان يفك الجو: بس إيه يا ماما الحلاوة دي؟ إنتي بتحلوي لما عيالي بيتجوزوا، طب أنا عايز أتـ... سامية بضحك: يـ**ـخيبك يا واد، عايز تتجوز مين إن شاء الله؟ محمد بتفكير: مش عارف، لو لقيتها هقولك.

سامية مسكت إيده فجأة. محمد بخضة: إيه يا ماما، في إيه؟ هتاكليني ولا إيه؟ سامية ضربته على كتفه: اتلم يا واد، بس لقيتلك العروسة. محمد بتركيز: مين يا ماما؟ سامية: إيه رأيك في ورد بنت خالتك. محمد بملامح دهشة: ورد؟ إنتي بتقولي إيه يا ماما؟ عايزاني أتـ**ـوز ورد؟ سامية بملامح سخرية: أيوه ورد، مالها ورد؟ على الأقل تربيتي وشاطرة وبتعمل محشي ورق عنب، ولا الشيف الشربيني.

محمد بضحك: الله يسامحك يا ماما، عايزاني أتـ**ـوز ورد عشان محشي ورق عنب؟ يا ماما دي أول ما بتدخل البيت بتحصل مصيبة. سامية بتهتهة: لأ، لأ، على فكرة دي صدف. محمد ضحك جامد: ههههه، صدف إيه يا ماما؟ ده يوم ما اتولدت النور طفى في البلد كلها، وكل ما تيجي هنا يحصل مصيبة، فاكرة ولا أفكرك؟ لا أفكرك أنا قبل كده، هي دخلت وقعدت دقيقة، النجفة وقعت على دماغي فتحتها، ومرة إنتي وقعتي من على السلم، ومرة...

سامية بغضب: خلاص خلاص يا ساتر، بس والله طيبة. محمد: مقولتش حاجة، بس يا ماما أخاف أتـ**ـوزها، أموت ليلة الفرح. سامية بلهفة: بعد الشر عليك يا حبيبي، خلاص نشوفوا غيرها. محمد بحنية باس إيدها: سيبيها على الله يا أمي، واللي كاتبه ربنا هيكون. سامية: ونعم بالله. عند سيف. أخد دش وغير هدومه وراح لمليكة أوضتها وخبط على الباب. ماسمعش رد، خبط تاني، ما سمعش رد، قلق ففتح الباب، ملقاهاش. سيف باستغراب: هتكون راحت فين دي؟

معقول تحت لسه؟ لسه هيخرج سمع باب الحمام بيتفتح، بص لقاها خارجة لابسة برنس. وقف متنح. مليكة بغضب طفولي: أوووف، إيه ده؟ البتاع ده صغنون كده لـ... ما لحقش تكمل كلامها، لقت سيف واقف. مليكة بخضة: عاااااا! سيف قرب بسرعة وحط إيده على بقها: ششش، إيه؟ إنتي كل ما تشوفيني تصرخي؟ مليكة بصت لتحت بخجل من قربه ليها وهي بالشكل ده. سيف شال إيده وبص عليها وبلع ريقه: إنتي حلوة كده ليه؟ يخربيتك.

مليكة بخجل: ا.. أبيه، أنا مكنتش أعرف إنك هنا. سيف بتوهان: أبيه إيه بس؟ يخربيت أبيه وسنين أبيه. مليكة: ا.. أبيه، لو سمحت اخرج. سيف قرب منها: قوليه. مليكة باستغراب وخجل من قربه: ا.. أقول إيه؟ سيف وهو بيحط إيده على وشها: اسمي. مليكة بكسوف: ب.. بس.. سيف بحب: عشاني. مليكة غمضت عينها جامد: س.. سيف، عيب كده، اخرج. سيف بعشق: أول مرة أحس إن اسمي حلو قوي كده. قرب منها ولسه هيبـ**ـوسها. فتحت سعاد الباب: ست مليكة، أنا...

يا مري، يا مري. قفلت الباب بسرعة. سعاد بكسوف: يا خرابي! إيه ده؟ إيه ده؟ وكملت بصوت عالي: أنا أنا مشوفتش حاجة يا سيف بيه، كملوا. سيف بغيظ: الله يحــ**ـرقك يا سعاد، مكتوبالي في البخت ولا إيه؟ سيف راح ع الباب وفتحه: غوري من هنا يا سعاد، وبعد كده اخبطي، فاهمة؟ سعاد بخضة: حاضر. جت تنزل. سيف بحدة: سعاااااد. سعاد: نعم. سيف قرب منها. سعاد بتوتر: يا حزني، إنت بتقرب كده ليه يا سيف بيه؟ مكفاكش اللي جوة ولا إيه؟

لأ، أنا شـ**ـريفة وشمعدتي قايدة. سيف باندهاش: إنتي فكرتي إيه؟ يا حلو**ـف إنتي.. اسمعي، لو اللي حصل ده لو وصل لأمي، عليا النعمة لـ... سعاد بخوف: من غير ما تكمل يا سيف بيه، مش هفتح بوقي، متتعبش صحتك، ادخل، ادخل. سيف: يلا، شوفي رايحة فين. جريت سعاد بسرعة وهي بتبرطم: يا حزني، كان لازم أروح يعني؟ سيف دخل تاني، لقي مليكة لبست هدومها. سيف بص لها: ده إيه السرعة دي؟ مليكة بكسوف: ل.. لو سمحت يا أبيه، امشي بقى عشان سعاد..

قرب سيف: مليكيش دعوة بسعاد، أنا اتصرفت، المهم أنا جيت هنا عشان أصالحك. مليكة بصتله: بس أنا مش زعلانة منك. سيف باستغراب: أمال تحت كنتي خايفة مني؟ مليكة ببراءة: لأ، مش خايفة منك. أنا كنت خايفة من الدم اللي على إيدك، وكمان من أبيه صالح. سيف بغيرة: إيه أبيه صالح دي؟ متقوليش اسمه خالص. مليكة: حاضر. سيف بص لها جامد: بس إنتي خايفة من صالح ليه؟ مليكة: أصل هو كان دايماً يجي لبابا ويتخانق معاه، وكان بيبصلي بطريقة تخوف.

سيف باندهاش: يعني دي مش أول مرة تشوفيه؟ مليكة: لأ، شوفته حوالي 3 مرات. سيف: اممم، طيب سيبك من الكلام ده وارتاحي، عشان الليلة هتبقى طويلة وفي ناس جاية. مليكة: حاضر. سيف كان خارج، وقفته نداءها. مليكة بطفولة: أبيه. سيف بضحك: نعم؟ مليكة: هو بصراحة. سيف: في حاجة؟ مليكة بخجل: أصل أنا ملحقتش أكمل أكلي، وجعانة. سيف وهو بيضحك: حاضر، هخلي سعاد تجيبلك أكل هنا، متنزليش. مليكة: حاضر. خرج سيف، وأول ما خرج.

سيف بشك: إيه اللي يخلي صالح يروح لعمي ويتخانق معاه؟ أكيد فيه حاجة.