رواية وقعت في حب خادمتي الفصل السادس والعشرون 26 - بقلم فرح القصاص

ياسين بصدمة: قمررر.. قمررر... وبزعيق: أنتي عاملتي ليها إيه؟! سما: أنا والله ما جيت جنبها. ياسين يشيلها، سما كانت رايحة تساعده، ياسين يزقها. ياسين: ابعدي يا سما بعد إذنك، كفاية لحد هنا. وبياخدها وبيروح بيها على المستشفى. يزن: في إيه يا سما كنتي بتنادي بصوت عالي ليه؟ سما: كنت واقفة بكلم مع قمر وبعتذرلها، مرة واحدة أغمى عليها بدون مقدمات. حامد: طب هي فين دلوقتي؟ سما: ياسين خدها على المستشفى تقريبًا.

يزن: خير إن شاء الله، أنا هتصل بياسين. سما: بس أنا عندي إحساس إن قمر حامل. يزن: ليه؟ سما: عشان حصل معايا كده وبعدها عرفت إني حامل. حامد بفرحة: يعني أخيرًا هشوف عيال عيالي ويكبروا قدام عيني، يا رب يا سما يا بنتي يطلع إحساسك صح. سما بابتسامة: إن شاء الله يا عمي. حامد: رد عليك يا يزن؟ يزن: لا ما بيردش. سما: مش هيرد دلوقتي عشان هتلاقيه خايف على قمر. حامد: أيوه صح، استنى شوية تاني ورن يا يزن. يزن: حاضر يا بابا.

سما: هو أنت سبت تميم لوحدو؟ يزن: أيوه منا نزلت على طول على صوتك. سما: طب أنا طالعة أشوفه بعد إذنكم. وبتطلع. *** يزن: إيه ده أنتي رايحة فين؟ سما: أنا قولتلك هروح لبابا. يزن: طب استني أنا جاي معاكي. سما: لا خليك عشان أنت هتفضل مع تميم.. أنا هاخد لميس معايا عشان عايزة تشوف جدها. يزن: طيب خلي بالك من نفسكوا وأنا هتصل بيكو كل شوية. سما: تمام.

يزن: وحاولي ما تكلميش مع أبوكي، هو في الحالة دي يا سما ممكن لا قدر الله يجرى له حاجة. سما: حاضر. لميس: يلا يا مامي أنا جهزت. سما بتمسك إيدها: يلا يا عيون مامي. لميس: باي يا بابي. يزن: باي يا روحي... سوقي على مهلك يا سما. سما: حاضر... سلام. يزن: سلام. *** أليس: أميرة أنتي رايحة فين؟ أميرة: رايحة عند أهلي. أليس: إيه ده ليه إيه اللي حصل؟ أميرة: أخوكي عايز كده. أليس: اقعدي يا أميرة، أنتي هتأخدي على كلام أنس؟

أميرة: آه هاخد على كلام أخوكي، بيطردني بس بذوق. أليس: أنتي هبلة يا أميرة، هيطرد مراته برضه؟! أميرة: أهو طردني وعاملها، ابعدي كده يا أليس خليني ألم اللي باقي من كرامتي وأمشي. أليس بتجري وراها وبتسبقها وبتقفل باب الحديد بتاعة الفيلا من بره. أليس: مفيش خروج ولا بمزاجك ولا بمزاج أنس، أنا قولت مفيش خروج وخلص الكلام. أميرة بدموع: يعني أنتي لو حصل معاكي نفس الموقف يا أليس هتفضلي قاعدة؟ حطي نفسك مكاني.

أليس بحزن: بلاش أنا يا أميرة تسأليني السؤال ده بالذات. أميرة بتمسح دموعها: ماشي بس أنا بجد مش هقعد دقيقة هنا، فلو سمحتي يا أليس ابعدي عن الباب. أليس: أنا بعيد عنه بس لو عرفتي تطلعي. وبيقاطعهم الخادمة. الخادمة: أليس هانم تليفون حضرتك بيرن. أليس: هاتي... روحي أنتي. أميرة: أنس؟ أليس: لا رقم غريب. أميرة: طيب ردي شوفي مين. أليس بترد: ألو. *** لميس: أنا مبسوطة أوي يا مامي أخيرًا هشوف جدو أشرف.

سما: طيب ما تطلعيش راسك بره العربية أوي عشان ما أقفلش الشباك. لميس: حاضر خلاص مش هطلعها. وفون سما بيرن. سما: أكيد ده يزن مع إن لسه قافل معانا. وبتتشف تليفونها... باستغراب: إيه الرقم ده! وما بتردش، بيرن تاني وتالت ورابع. سما: يووه مين البارد ده. وبترد عليه: ألو مين؟ *** حامد بقلق: اتأخروا أوي ليه كل ده؟ يزن: وأنا برن ما بيردش عليا برضه. وبيدخل ياسين وقمر. يزن باطمئنان: ياسين. وبيروح له. وحامد بيروح هو كمان.

حامد: كل ده كنتوا فين؟ ... وقمر عاملة إيه قال لك إيه الدكتور؟ قمر وياسين كانوا واقفين ما بيردوش. يزن بصوت عالي شوية: في إيه يا ياسين ما ترد علينا؟ قمر دموعها بتنزل تلقائية. حامد: في إيه يا بنتي بتعيطي ليه الدكتور قال لكوا إيه؟ قمر بتسيبهم وبتطلع على الأوضة. يزن بصوت عالي شوية: في إيه يا ياسين ما ترد علينا؟ ياسين: الدكتور قال لنا إن قمر... وبيسكت. يزن: مالها قمر؟ ياسين بحزن وعينه مدمعة: ما بتخلفش.