رواية وقعت في حب خادمتي الفصل الخامس والعشرون 25 - بقلم فرح القصاص

انس بصدمة: لمنع الحمل؟! أميرة: يلا يا انس أنا جهزت خلاص. انس يقوم وهو ماسك شريط البرشام في يده. انس: إيه ده؟! أميرة بتوتر: أن... أنت... لقيته فين؟ انس: هعيد السؤال تاني... إيه ده؟ عايز جواب دلوقتي. أميرة تبلع ريقها بصعوبة وبدموع: انس.. ممكن بس تهدي وتسمعني؟ انس بصوت جهوري ويمسكها من ذراعها بعنف: أهدييييي؟! أنتي بتاخدي برشام منع الحمللللل؟! أميرة بدموع: صدقني والله ده عشان مصلحتنا. انس: مصلحتنا؟!

يعني ده بتاعك وبتاخدي منه؟ أميرة: افهمني بـ... وقبل أن تكمل كلامها ينزل قلم على وجهها. أميرة: آآهه. انس يشدها من ذراعها: أنتي بجد مفيش عندك إحساس؟ وأنا كل ده فاكر إن دي حاجة بتاعت ربنا ومأجلين الخلفه لوقت تاني لدرجة شكيت في نفسي! أنتي عارفة يعني إيه؟ وأنتي بكل برود تقولي لي أهدي!!! أميرة بعياط: أنا بس ما كنتش عايزة نشيل مسؤولية من دلوقتي، كنت عايزة نعيش حياتنا الأول.

انس: وطبعًا ابننا هيكون حمل عليكي ومش هتعرفي تعيشي حياتك عشان كدا بتاخدي حبوب منع الحمل.. طيب قولي لي ليه مخبية عليا؟! أميرة بعياط وبشهقة: عشان كنت خايفة من ردة فعلك دي. انس: لو كنتي قولتي لي من الأول ما كناش هنوصل لهنا يا أميرة. أميرة: قصدك إيه؟ انس: قصدي إنك تروحي على بيت أهلك اليومين دول لحد ما أنا أحس نفسي إني اتخطيت الموضوع ده. أميرة بعياط أكتر: يعني أنت خلاص ما بقتش عايزني عشان غلطة؟!

يعني أنت ما كنتش بتحبني بقى؟ انس: أنا لو كنت ما بحبكيش ما كنتش قولتلك تروحي لأهلك اليومين دول. أميرة بشهقة: حا... ضر يا انس، هلم هدومي وهمشي زي ما أنت عايز، بس أنا لو مشيت مش هرجع. انس: زي ما تحبي. ويأخذ بعضه ويمشي. أميرة بتقعد على السرير وتفضل تعيط. **************************** يزن: قولتلك بلاش تروحي من الأول. سما تحبس دموعها: يعني أنت كان عاجبك تصرفها مع لميس؟ حتى شفت كلامها معايا، أنا ما أعرفش عاملة لها إيه بجد.

يزن يلفها له ويمسك وجهها بكفوف يده: سما، أنتي هتعيطي؟ سما تنزل دموعها: يزن، هو أنت بتتكسف مني؟ يزن: أتكسف منك ليه؟ سما بعياط: يعني إني كنت خدامة وأنت دكتور كبير والكل عارفك. يزن بضحك: ده اللي مخليكي تعيطي؟ سما: أنا بتكلم بجد على فكرة. يزن: أنا يبقى معايا واحدة بالجمال ده كله وأتكسف منها؟ ده أنا لو أطول أخبيكي وما أخليش حد يشوفك ولا حد يتأمل في جمالك ده غيري أنا، وتقولي بتتكسف مني! وبعدين أتكسف من إيه؟

أنتي إن شاء الله هتخلصي جامعتك وهتتخرجي وهتبقي أحلى ضابط شرطة والكل هيعملك ألف حساب. سما تبتسم: أنا بحبك أوي يا يزن، بحبك أكتر من نفسي. يزن يحضنها: وأنا بحبك أكتر يا سما. سما: أنا حاسة زودتها شوية مع قمر. يزن: ليه؟ سما: بفكر أروح أصالحها. يزن: أمم، والله بجد مفيش زيك ولا زي قلبك الأبيض. سما: وهروح بكرة لبابا. يزن: روحي اطمني عليه بس مش أكتر يا سما. سما بتفكير: طيب. ****************************** مازن: ما بتردش عليا.

نادين: يمكن ما بتردش على أرقام غريبة. مازن: أنا هنزل خلاص بكرة، مش مصدق أمتى يجي بكرة بجد، متحمس أشوفها. زمانها دلوقتي كبرت واحلوت أكتر من الأول. نادين بضحك: خلاص أهو كلها كام ساعة وهتركب الطيارة وتروح تشوفها. مازن بحماس: بجد وحشتيني أوي، شوف الغيبة دي كلها وحبها في قلبي ما قلش، بالعكس كان بيزيد. بس هل يا ترى هتفتكرني؟ نادين: طبعًا، هو حد بينسى الطفولة ولا حب الطفولة.

مازن: معاك حق.. يلا بقى عشان ألحق ألم كل حاجة وما أنساش حاجة. نادين: تمام سلام وهأتصل عليك الصبح أصحيك ما تقلقش. مازن: أنا ظابط كل المنبهات أصلًا. نادين بضحك: خلاص أبقى صحيني أنت بقى. مازن: ماشي تصبح على خير. ويمسك الصورة: أخيرًا جايلك وهشوفك. ****************************** سما: عمي، شفت قمر؟ حامد: ليه يا بنتي، في حاجة تاني حصلت؟

سما بابتسامة: لا بس كنت حابة أعتذر منها، ما كانش قصدي إني أزعلها، وبالذات يزن زودها كمان شوية. حامد بابتسامة: طول عمرك طيبة وهتفضلي طيبة يا سما. قمر: هي مين دي اللي طيبة؟ سما تتلفت وراءها: قمر. قمر: خير، عملت إيه المرادي؟ سما: أنا آسفة يا قمر، ما كانش قصدي أزعقلك أو أزعلك أصلًا. قمر: أنتي دايمًا كدا بجد؟

ما بتزهقيش من الدور ده.. لا هتزهقي إزاي منه وأنتي قدامهم كلهم الملاك البريء، بس الكلام ده تعمليه على يزن وعمي حامد حتى ياسين بس مش عليا أنا يا ست سما. سما: بس أنا ولا بمثل ولا حاجة، أنا جاية وبعتذر لك رغم إنك أنتي كلامك كان دبش وجيت واعتذر منك بس فعلًا أنتي ما ينفعش معاكي الكلام ده. قمر: سما أنتي... وتمسك رأسها بدوخة. سما بقلق وتسندها: قمر أنتي كويسة؟ قمر: ابعدي عني يـ... ويغمى عليها.

سما بصدمة: قمررر.. قمررر.. يااااسينن.. يززززنننن.... عمييي حاامد. ياسين ينزل على السلم جري ويشوف قمر يجري أكتر ويروح لعندها. ياسين: قمررر.. قمرر.. بزعيق: أنتي عملتي لها إيه؟!