رواية وقعت في حب خادمتي الفصل الخامس عشر 15 - بقلم فرح القصاص

سما بإبتسامة: بوظتلك خططتك مش كدا؟ قمر بخضه وتوتر: خططت اي؟ سما: انتي هتستعبطي؟؟ قمر بعصبيه: انتي ازاي تكلميني كدا؟ سما: انتي بجحة كدا ازاي بجد قمر: لو محترمتيش نفسك انا معرفش ممكن اعملك اي سما: هتعملي؟ ها هتعملي هتحاولي تموتيني المرادي مرة عايزه تتطلقيني انا ومرة عايزه تسقطيني يبقا مفيش غير انك تقتليني بقا قمر: انتي بتقولي اي ولا عايزه تتهميني ف اي حاجة وخلاص

سما: انا مش بتهمك يقمر ده انا الوحيدة الي كنت بدافع عنك ع طول مع اني بتكوني غلطانة في حقي بس بقول لنفسي معلشي هتعقل هتعرف غلطتها بس بالعكس انتي بتتمادي ف الغلط.. كنتي عايزه تتفقي مع مازن عشان تبعدينا انا ويزن ولمه موافقش روحتي جبتي صحبتك واتفقتي معاها الي هي نازلي قمر بتبلع ريقها بخوف: مازن مين و... واصلا انا معرفش نازلي دي سما بتمسكها من دراعها وبتضغط عليه بعصبيه: انتي فكراني غبية يقمر ولا مش عارفه وفاهمه

انتي بتعملي اي وليه قمر: انتي مين قالك كدا دول كدابين عايزن يوقعوني انا وتلاقيهم هما في الاخر اصلا الي متفقين عليكي سما بزعيق: بطليييي كدب بقااااا انتي اييي مبتتعبيش منه كل كلامك عبارة عن كدب ونفاق انا مشفتش زيك ولا هشوف بجد انا معرفش اي الحقد والكرهه والسواد الجواكي ده انا عملتلك اي لكل ده قمر: عملتي اي؟ قولي معملتيش اي سما: عملت اي يقمر قولي وبيقاطعهم صوت ياسين ياسين بستغراب: هو في اي وانتو صاحين ف الوقت ده لي؟

يزن: اسال مراتك ياياسين ياسين بخنقه: قمر تانييي!!!؟ وبيروح ليها وهو بينظرلها بحده وبيتنهد ياسين: عملتي اي تاني؟ قمر بدموع: انت علي طول بتشك فيا كدا!! عمرك ما وقفت في صفي ولا دافعت عني وطبعا الي سما هتقوله هتصدقه من غير تفكير ياسين بيمسح ايدو علي وجهه: قمر هو سؤال و جاوبي عليه عملتي اي تاني؟ قمر بتنظر للارض وبتفرك في ايدها بخوف ياسين: يعني مش هتقولي؟ قمر كانت مازالت علي نفس الوضع ياسين بيتلفت لي سما

ياسين: سما قوليلي اي الحصل قمر بتنظر لي سما بتوسل سما: انا سامحتك مرة يقمر ومش هعيدها تاني وبتنظر لي ياسين بتحكيله الحصل فلاش باك سما: مازن انت مستوعب بتقول اي؟ مازن: للاسف يسما هو ده الي حصل وكنت عايز اقولك من ساعة ما ده حصل بس كنت متردد سما: لي قمر تعمل كدا ولا اي مصلحتها من كدا مفيش اي مبرر يخليها تعمل كدا مازن: الي انا فهمته هي غيرانة منك و اويي كمان سما: تغير مني لي ؟

مازن: يمكن عشان انتي كنتي حبيبت جوزها زمان وكمان المفضلة للعيلة واحلي منها سما: فكك من احلي لان قمر حلوة برضو بس احتمال عشان ياسين مازن: طيب بعد ما انا قولتلك ده دلوقتي هتعملي اي؟ سما: مش هعمل حاجة هستني هي تكشف نفسها بنفسها مازن: ازاي؟ سما: في مربية جت جديدة طلعت صحبتها وهي جايباها توقع بيني انا ويزن مازن: وانتي عرفتي ازاي؟ سما: انا عارفة كل حاجة يمازن وفاهمة كل حاجة مازن: طيب مقولتليش هتعملي اي برضوا

سما: انا سمعتهم انهارده بيتكلمو وللاسف قمر هتحاول تسقطني مازن: ينهار هي وصلت لكده؟ سما: بس انا المرادي مش هسكت يمازن مش هسكت لي قمر تاني ومش هسيبها غير لمه تتعاقب بجد ياسين بصدمه: تسقطك؟؟ وبينظر لي قمر.. هي وصلت لكده يقمر قمر بخوف وعياط: انت مصدقها يا ياسين هتصدقها وتكدبني انا؟ ياسين: اه مصدق سما.. لانها عمرها ما كدبت ولا عملت ربع الي بتعملي ده.. انا متجوز اي شيطانة قمر بعياط: انا بعمل كل ده عشانك

وبيقاطعها قلم بينزل علي وجهها ياسين بيمسكها من دراعها بعنف: اوعي تقولي عشانك دي متبرريش لنفسك الي بتعملي وتقولي عشانك انا ندمان علي اليوم الي اتجوزتك فيه بلعن اليوم اليوم ده اتجوزت واحدة حقودة وقلبها اسود انا الي جبتلهم المشاكل لحد البيت يوم مااتجوزتك يقمر وبيزقها علي الارض سما بخضه: قمر وكانت رايحلها يزن بيمسكها ويرجعها تاني يزن: اوعي تتدخلي يسما قمر بعياط: ياسين اسمعني والله كل ده عشانك كنت خايفة عليك خايفة تزعل

لمه تعرف انها حامل ياسين: ازعل؟؟ ده انا هكون اسعد واحد لمه اعرف تقوليلي ازعل؟؟ حتي لو هزعل ها حتي.. لو.. هزعل وبيكمل بزعيق.. تقومييي عايزه تسقطيها افرطي وقعت من علي السلم ماتت بقا؟؟ كنتي هتعملي كنتي هتعرفي تعيشي طول عمرك شايلة زنبها فين ضميرك من كل ده.. ولا انتي معندكيش ضمير؟؟ قمر بعياط: ياسين.. ياسين بياخد نفس عميق: قمر.. انتي طالق