رواية وقعت في حب خادمتي الفصل الثالث عشر 13 - بقلم فرح القصاص

سما: الله... الله.. أجيب لكم اتنين لمون طيب؟ يزن يسيب نازلي ويروح لسما. يزن: ما تتسرعيش يا سما، إنتي بس... سما: عارفة الكلمة المعتادة، إنتي بس فاهمة غلط... يعني اللي شفته ده الصح يعني، ولا إيه؟ نازلي: سما أنا... سما: اسمي سما هانم. نازلي: سما هانم، كل اللي إنتي شوفتيه هو... سما وهي تنظر لها بحدة: إنتي ما تدخليش في حاجة ما تخصكيش، طول ما أنا بتكلم أنا وجوزي أو مع أي حد تاني، ما تدخليش، إنتي فاهمة؟ روحي على شغلك يلا.

نازلي: حاضر. ونازلي تطلع من المطبخ. يزن بندهاش: أنا أول مرة أشوفك تكلمي حد بالطريقة دي يا سما. سما: والله؟ دلوقتي بقيت وحشة. يزن: بس أنا ما قلتش كده. سما: من غير ما تقول، كلامك بيدل على كده. يزن: أنا قصدي إنك عمرك ما كنتي كده، وتعاملي شخص بطريقة الـ... والتكبر دي. سما: وإنت خايف على مشاعرها ليه إن شاء الله؟ إنت نسيت كنت بتعمل فيا، وما كانش بيتهز فيك شعرة واحدة. يزن: إنتي بتفتحي في الماضي ليه دلوقتي؟

سما: عشان شايفاك بتدافع عنها وخايف على مشاعرها أوي. يزن: أنا بقول مستغربك، إنتي عمرك ما كنتي كده. سما بنرفزة: وأنا بقيت كده، تمام. يزن: سما، والله مش اللي في بالك، كانت هتتزحلق وسندها، فين المشكلة؟ سما بغيرة: وهو اللي بيسند حد بيحضنه؟ يزن: أنا آسف، بس حركة تلقائية. سما: امم، حركة تلقائية، تمام. يزن بخنقة: أنا مش فاهم، إيه؟ إنتي عايزة تنكدي، مش كده؟ سما وعيناها بدمع: كمان بتزعقلي عشانها يا يزن؟

آه طبعًا، إنت مليت مني وزهقت مني. يزن يمسح بإيده وهو بياخد نفس: سما... سما، أنا بجد ما كانش قصدي أزعلك. سما بعصبية: المرة اللي فاتت ما كانش قصدي أرفع إيدي عليكي، ودلوقتي ما كانش قصدي أزعلك. كل حاجة ما كانش قصدي، كل حاجة. وتتركه وتمشي تطلع أوضتها. يزن يطلع وراها. *** قمر بابتسامة: برافو عليكي بجد. نازلي: عجبتك؟ قمر: جدًا... كويس إن فكرت فيكي، لأن مازن مش هينفعني. نازلي: بس إنتي كشفتي نفسك قدامه.

قمر: مش هيقدر يعمل حاجة ولا يقول حاجة. نازلي: وإنتي متأكدة كده ليه؟ قمر: عشان لو فكر بس ينطق بكلمة، هو عارف... كويس، أنا ممكن أعمل إيه. نازلي: امم، طلعتي مش سهلة خالص. قمر: المهم، عارفة هتعملي إيه؟ الخطوة الجاية. نازلي: أيوه... أومال فين ياسين؟ قمر: مسافر يومين تبع الشغل. نازلي: امم، تشربي قهوة؟ قمر: أوكي. *** ناديم: ها، فكرت؟ مازن: اه. ناديم: هتعمل إيه؟ هتوافق؟

مازن: لا طبعًا، أنا مستحيل أعمل كده أو أتسبب في أذى. أكتر واحدة حبيتها، أنا مش هكذب، أنا لسه بحب سما وعايزها أسعد إنسانة على وجه الأرض، وهي دلوقتي سعيدة مع يزن ومعاها أولاد، بس مش عايز حاجة تاني. ناديم: لو تعرف ريحتني قد إيه بكلامك ده. مازن: معقول تفتكر إني ممكن أعمل كده؟ ناديم: لا، أكيد، بس قلت الحب أعمى زي ما بيقولوا، بس طلعت مفتح وعاقل أكتر ما كنت متصور. مازن: أنا صديق عمرك، المفروض تكون عارفني. شكلي هنكد عليك.

ناديم: لا، خلاص... طيب، هتقول لسما عن قمر؟ مازن: لازم أقولها تاخد بالها منها. ناديم: أيوه، هو ده الصح... بقولك، أنا جعان، تعالي ناكل بره. مازن: وأنا كمان، طيب يلا. *** سما كانت طلعت الأوضة وقفلت الباب عليها. يزن بيخبط على الباب: سما... سمااا... سما افتحي الباب. سما: مش هفتح يا يزن. يزن: سما، اسمعيني بس الأول. سما: مش عايزة أسمع حاجة يا يزن، وامشي عشان مش هفتح. يزن: يعني مش هتنامي؟

سما: اهه، روح نام في أي حتة تانية، أو روح للسنيورة التانية. يزن: إيه حركات العيال دي يا سما، افتحي الباب. سما: قلت مش هفتح. يزن: هكسر الباب. سما بتحس بالدوخة تاني وبتحاول تسند نفسها، بس الدوخة كانت شديدة وبتمسك في التسريحة، وبيقع البرفيوم. يزن بخضة: سمااا! إيه ده؟ وبيخبط. سما! إنتي كويسة... سمااا، ردي. سما بتقع على الأرض وهي فاقدة وعيها.

يزن بيفضل يزق في الباب لحد ما بيكسره وبيدخل، بيلاقيها واقعة على الأرض وفاقدة وعيها. بيجري عليها وبيشيلها يحطها على السرير. وبينزل بينادي للخدم. نازلي: يزن... احم، قصدي يزن بيه، في حاجة؟ يزن: اتصلي بالدكتورة العيلة بسرعة، أو قولي لحد من القصر، بسرررررعة. نازلي: حاضر. الدكتورة بتخرج من الأوضة. الدكتورة: دكتور يزن، المدام سما عايزاك جوه. يزن: طيب، هي كويسة؟ بقالها كذا فترة كده.

الدكتورة بابتسامة: لما تدخليلها هتعرف بنفسك، بس هي بخير. يزن بيدخل ليها على طول. قمر: ثانية بس يا دكتورة. الدكتورة: اتفضلي. قمر: هي سما كويسة يعني؟ ما فيش حاجة وحشة؟ الدكتورة بابتسامة: لا، بالعكس، المدام سما بخير جدًا، وهي دلوقتي حامل. قمر بصدمة وكأن حد كب ميه ساقعة عليها. قمر: حامل؟