تحميل رواية وقعت في حب طفل ثلاثيني بقلم اوشا مصطفى pdf

ل 1مريض؟ دا مريض يابوي؟ _المرض يابنتي عمره م كان عيب...وبعدين هتتجوزيه شهرين وخلاص_انت كدا بتبعني يابوي....حرام عليك انا بنتك الوحيده.._اسمعي يابت انتي الناس خلاص دفعوا الفلوس وكتب كتابك الليله بليل تجهزي ومش عايز إعتراض وخرج وسابها ملك اتصدمت من الي ابوها قاله دا!!!ملك بدموع:طفل هتجوز رجل عنده ٣٠ سنه بعقل طفل عنده خمس سنين وقعدت تبكي علي حالها...وجه الليل وبالنسبه لملك كدا حياتها انتهت...قعدوا وابتدوا يكتبوا الكتاب....وهي دموعها مغرقه وشها...وفاقت علي..{ب الرفاء والبانين..بارك الله لكما وبارك عليكما وجمع بينكما في خير}...أم العريس زغرطت وحضنت ملك وأهل الصعيد ابتدوا يحيوا ب النا'ر...واخيراً ملك روحت علي بيت الكيلاني....أم العريس طلعتها الاوضه وخرجت..._وفجأه ملك حست ان حد ضربها علي دمغها بصتله قبل م يغمي عليها ووقعت ع الارض.._بعصبيه،حراميه ريحتها حلوه ودبدب برجله ف الارض زاي الأطفال وابتدي يعيط...اكمل...؟؟وقعت ف حب طفل ثلاثيني♡.

فتحت ملك عيونها ولقت نفسها نايمة على السرير وأم مالك قاعدة جنبها وعلامات الحزن على وشها.

ملك بدموع: أنا إيه اللي حصل معايا ده؟ أنا لا يمكن أكمل هنا لحظة واحدة تاني.

أم مالك: معلش يابنتي، حقك على راسي والله.

ملك: أصلاً شكلك بتاكلي العيال، بصي سنانك كبيرة أوي وأنا خايفة منك. قرب منها وبصلها في عيونها وقال بصوت واطي: قولي قولي السر وأنا مش هقول لحد... انتي اللي قاتلة...

مالك بصدمة: قاتلة مين؟

ملك بصتله وضيق عيونه: أنا شايف نظرة الشر في عيونك زيك زيه، انتي اللي قاتلة...

هنا مستحملتش واغمى عليها تاني.

مالك: ماما اللعبة دي بطريقتها بتفصل كل شوية، مشيها مش عاوزها. شكلها وحش أوي دي لونها أبيض وأنا مرعوب والله.

أم مالك كتمت ضحكتها بالعافية وأخدت مالك وخرجوا علشان ملك ترتاح شوية.

***

تاني يوم الصبح صحيت ملك وأخدت شاور وخرجت تشوفهم.

فاطمة: صباح الخير يامرّات ابني.

ملك: صباح النور ياحماتي، تحبي أساعدك في حاجة؟

فاطمة: معلش، ودي الفطار دا لأوضة مالك وخليه ياخد الدوا بتاعه، وأنا هخرج السوق أجيب طلبات.

ملك بتوتر: حاضر ياحماتي.

ودخلت علشان تصحي مالك، لكنها ضحكت على طريقة نومته المتلخبطة دي. وبصت لملامحه وقد إيه هو وسيم وبريء وهو نايم. قربت منه علشان تصحيه.

مالك: يلهوي عروسة عايزة تبوسني، عيب. وزقها.

ملك: أبوسك؟

مالك: عايزة إيه يا طنط يا شريرة؟

ملك: طنط؟ أنا طنط؟

مالك: أحسن ما أقول أم رجل مسلوقة.

ملك: يا ولي الصابرين. لوكا ياحبيبي لازم تاكل علشان تكبر وتبقى شاطر.

مالك بغضب: أنا مش صغير علشان تقوليلي كدا. ورفع صوابعه وعمل رقم أربعة وقال: أنا عندي ٧ سنوات، شايفة ولا لأ.

ملك ضحكت وقالت: انت راجل قد الدنيا، بس لو أكلت وأخدت العلاج هتكبر وتبقى ظابط كمان.

مالك: بجد؟ وأقبض على الحرامي.

ملك: أه بجد.

مالك بحماس: طيب هاكل وهاخد العلاج، وأول ما أبقى ظابط هقبض على الحرامية وهقبض عليكي كمان.

ملك بعد ما كانت بتبتسم بصتله بقرف.

مالك ابتدى ياكل وخلص أكله. وكان لسه هياخد العلاج، وقفته ملك لما لاحظت الاسم. وقالت بصوت عالي: لأ استنى.

مالك خاف لما زعقت، وهي أخدت الدوا دا بخوف وقرأت الاسم واتصدمت. "الدوا دا عكس الحالة، إزاي الدكتور كاتبهوله، فيه حاجة غلط."

ملك: مالك، اهدا أنا مش قصدي.

مالك: انتي بتزعقي، سنانك كبيرة، بخاف منك ولونك أبيض، انتي ملونة كدا وأنا مش مرتاح.

ملك: عيل بومة، أقسم بالله. طب إيه رأيك نبقى أصحاب؟

مالك: لما تعضي قفاكي يابومة.

وسابها وخرج يجري.

ملك بدبدبة في الأرض: أقسم بالله طفل أكتر من عدي ابن أخويا.

***

في أوضة جاسر أخو مالك. دخل مالك وهو بيتسحب وكان في إيديه علبة صواريخ ورمى 3 صواريخ في 3 أماكن مختلفة، وطلع يجري.

صحت كوثر مرات جاسر بفزع وقالت بصوت عالي سمعه كل اللي في السرايا: جااااااااسرررر!

مالك سقف وجري على أوضته تاني.

جريت ملك والخدم على أوضة كوثر، وجاسر جه من بره مفزوع من الصوت ومش فاهم في إيه. طلعوا الأوضة ولقوا كوثر مرسوم على وشها بطريقة مضحكة جداً، وشعرها محروق.

جاسر: انصرف انصرف... لأ استنى متنصرفش، طلع كوثر فين كوثر؟

كوثر: أنا كوثر.

الكل بصوت واحد: كوثر؟

مالك بضحك: أحسن علشان بتزعقيلي وبتقولي إني فاشل وعيان.

جاسر كتم ضحكته بالعافية.

كوثر: شايف شايف أخوك المجنون عمل فيا إيه.

ملك: بقولك إيه ياحرباية ونص، انتي احترمي نفسك. واللي انتي بتتكلمي عليه دا جوزي، ولو أخوه متكلمش أنا فيا لسان ينفضك ويغسلك وينشرك يرد عليكي كمان.

ومسكت إيد مالك ومشيت بغضب. والكل مشي وسابها.

جاسر بغضب: كوثر، الزمي حدودك واعرفي انتي بتتكلمي عن مين. دا مالك الكيلاني، وأقسم بالله لو غلطتي فيه تاني أو وصفتيه بالمجنون لرد فعلي هتفاجئنا احنا الاتنين.

وسابها وخرج.

مالك: سيبي إيدي.

ملك: أوعى. تعرف إن انت شطور ومش زي ما هي بتقول.

ملك لاحظت لمعة في عيون مالك.

مالك: أنا قوي، أنا عارف. اخرجي بقا علشان هنام.

وطلع على السرير وحط البطانية عليه. وعدى وقت ومشلش البطانية حتى. ملك قربت وشالتها، لقيته بيعيط في صمت ودموعه نازلة.

ملك مسحت دموعه وقالت بحماس: من انهاردة هنعمل مقالب في كوثر بنت المركوب دي، وكمان كل يوم هجبلك آيس كريم من ورا طنط فاطمة، وهنلعب بالتليفون ساعة كمان زيادة، وهنسهر سوا نتفرج على الفار الطباخ وهنلعب كتير كتير أوي.

مالك بحماس سقف وتلقى حضن ملك وقال: على فكرة سنانك مش كبيرة وشكلك حلو، أنا بحبك أوي.

ملك بابتسامة متعرفش سببها إيه: وأنا كمان بحبك أوي.

وشوية ومالك نام. وأول مخرجت من الأوضة كلمت صاحبتها هنا في الكلية.

هناء: الواطية اللي مش بتيجي الكلية.

ملك: مش وقته يا هناء، هبعتلك اسم دوا عايزة تعرفي هو بيعمل إيه بالظبط.

هناء: طيب ابعتي.

*ملحوظة: ملك بتدرس في كلية الطب وهي في سنة رابعة كمان.*

ملك بعتت وبعد شوية وصلتلها مسدج من هناء، واللي اتصدمت أول ما....

يتبع

مالك رمى التلفون ونزل بسرعة.

مالك: جاسر، طنط كوثر عايزة تقرب مني وبتعمل حاجات غريبة. أنا مش فاهم في إيه. روحت زقتها، وقعت ودمغها انفتحت منها.

ملك قربت منها وقالت: هاتولي الحاجات دي.

وبعد شوية، ملك قدرت تخيط الجرح بتاع كوثر وادتلها علاج.

جاسر: غريبة يا ملك، إنتي إزاي بتعرفي تعملي كل ده؟

ملك: أنا بدرس طب، ودي أساسيات لازم نتعلمها.

جاسر: اتخرجتي؟

ملك: لأ، أنا لسه في سنة رابعة.

مالك بحزن: اشمعنى أنا كمان مش بروح المدرسة زيك.

ملك وجاسر معرفوش يردوا يقولوا إيه.

وهنا وصلت فاطمة.

ملك: طنط، أنا عاوزاكي ضروري، في حاجة.

فاطمة: طيب يا حبيبتي، هرتاح وبعدين نتكلم.

ملك: ماشي.

وأخدت مالك وطلعوا أوضتهم.

مالك: إنتي هتعملي إيه؟

ملك: هنام.

مالك: جنبي؟ عيب عيب يا أستاذة. ماما قالتلي مينفعش بنت تنام جنبك يا لوكا. قومي من هنا يله.

ملك: يا ابني أبوس إيدك ارحمني، هموت وأنام.

مالك: نامي في الأرض.

ملك أخدت مخدة ونامت.

وصحيت بعد شوية، استغربت من هدوء مالك.

ملك: والله مش مطمنة.

نزلت وكل اللي يشوفها يضحك عليها.

ملك راحت أوضة فاطمة وخبطت على الباب.

فاطمة: ادخل.

ملك دخلت وفاطمة بضحك: إيه يا ملك، إنتي مخك شكله فوت زي مالك ابني؟

ملك: في إيه يا طنط؟

فاطمة ضحكت أكتر.

وملك بصت لنفسها في المراية واتصدمت.

مالك كان ماسك دبدوبة وقال بضحك: قدرنا نخلص من أم سنان كبيرة، دمها سم بجد.

جه الليل، وملك ومالك كانوا لابسين شراب على شكل كرتون. وشغلوا فيلم "الجميلة والوحش". وجابوا فشار وحاجات حلوة كتير.

مالك: اسمعي، أنا بس وافقت علشان هتخليني بعد كل ده هلعب بتلفونك كتير كتير. غير كده، بصوتك مش هتنامي جنبي تاني، ماشي؟

ملك بضحك: ماشي.

قعدوا يتفرجوا ويتخانقوا، وضربوا بعض بالمخدات.

ملك: آآآه، حاسب، هنقع.

مالك جه يقع، شد ملك، وقعت فوقيه.

ملك قعدت تضحك ومالك بصلاها بغضب.

مالك: إنتي كام كيلو؟ إنتي فطستيني، أوعي.

ملك اتحرجت: شكلها مكنتش لحظة رومانسية خالص.

مالك: يعني إيه رومانسية دي؟ تبقي خالتك؟

ملك: خالتي أه.

مالك: طب يله بقا، هاتي.

وفجأة بص للتلفزيون بخوف.

ملك: في إيه؟

مالك: الوحش، الوحش أخد بابا بتاع بيل وحبسه. أنا خايف منه.

ملك: خلاص خلاص، هنطفي التلفزيون.

مالك: لأ، يا باردة، عايز أتفرج.

ملك بغيظ: إنت بارد موت، طفل سئيل أوي.

مالك طلعلها لسانه وفضلوا يناقروا في بعض.

ومن التعب ناموا اليوم ده سوا.

جه تاني يوم، صحيت كوثر ومن التعب مكنتش قادرة تفتح عيونها.

جاسر خرج وكان بيلبس ابنه سراج وبيلعبوا.

جاسر: حبيب بابا، ماما عيانة، مش عايز شقاوة، ماشي؟

سراج: بابا، هو مين حازم؟

جاسر باستغراب: حازم؟ حازم مين؟

سراج: ماما بتقوله وحشتني على طول.

جاسر بصدمة.

جاسر: حبيبي، أنت سمعت الكلام ده؟

سراج: لما الكل بيخرج، ماما بتحبسني في الحمام وبتتكلم وبتضحك كتير. بابا، هو يعني إيه... قُتل؟ أصل سمعت إن عمو حازم قال لماما تقطع فرامل عربية عمو مالك. بابا، أنا مش فاهم حاجة وماما بتخوفني جامد. عشان كده بروح أبَات عند جدو أبو ماما. هو طيب أوي وهي شريرة. مش بحبها.

جاسر بغضب: سراج، يا حبيبي. الكلام ده ما يطلعش بره، تمام؟

سراج: حاضر يا بابا.

جاسر اتصل بملك وقالها تقابله بليل في مكان. وفعلاً صدق كلامها دلوقتي واتأكد إنها مش بتكذب.

فلاش باك...

ملك: اسمعي يا أمي، اسمع يا جاسر. الدوا ده عكس حالة مالك تماماً. بالعكس، ده عمره ما يقدم الحالة قدام، ده بيأخر الحالة أكتر ونتيجته السلبية اللي ممكن تأثر عليه إنه يبقى كده على طول وأوحش كمان.

جاسر: إزاي؟ والدكتور هو اللي كاتبه له؟

ملك: (طلعت علبة العلاج الحقيقية) مالك بقاله يومين بياخد من ده، لكن مش من ده.

فاطمة: طب ومين ليه مصلحة في ده؟

مالك بغضب: كوثر.

جاسر بصدمة...

ملك: لما مالك عمل فيا المقلب وأنا اتخانقت معاها، لقيت علبة برشام واقعة واسمها لفت نظري، لأنها تبع حالة مالك. ولما قارنت العلبتين ببعض اكتشفت ده.

جاسر مكنش مصدق ملك وزعق معاها ومشي.

باك...

ملك تقوم لكنها اتصدمت لما مالك مسك إيديها وهو نايم وقالها: متسبنيش.

ملك: ٣ أيام لخبطتيلي حالي بجد. أنا مش عارفة أنا ليه بتعلق بيك كل يوم عن قبله، بس خايفة إني أحبك بجد.

راحت علشان تقابل جاسر.

جاسر: اسمعي يا ملك، أنا في الأول مصدقتكيش، لكن لما سراج... (وابتدى يحكيلها كل حاجة).

ملك: بص، أخويا ظابط. هيساعدنا نعرف نجيب حازم ده، وأي علاقته بكوثر، ولو هما فعلاً السبب في حادثة مالك اليوم ده. وأقسم بالله، لا قانون هيرحم ولا ملك الشافعي بتسيب حق اللي يخصها.

جاسر وملك ابتدوا يعملوا خطة. واللي هتوقع كوثر في شر أعمالها.

تاني يوم الصبح...

ملك: طب يامالك، اتكلم قول أي حاجة. قاعد زعلان ليه؟

مالك: علشان أنا مجنون وعيان.

ملك: طب مين قالك كده؟

مالك: طنط كوثر.

ملك مسكت مالك من إيديه بغضب ونزلوا تحت. كوثر كانت قاعدة وبتوع البديكير بيشتغلوا.

ملك: طنط كوثر قالتلك إيه بقا يا لوكا؟

مالك: إني مجنون وعيان.

ملك: لوكا، تعرف إن أنا أجن منك؟

كوثر: عايزة إيه يا... (لكن مكملتش كلمها من الكف اللي نزل على وشها).

مالك اتحولت ١٨٠ درجة.

ملك: قالتلك إيه يا لوكا تاني؟

مالك بفرحة: إني عيان.

ملك: تعرف ياحبيبي إن أنا بتعالج ومخي عليه كهربا زيادة والفولت مفوت على الآخر، يعني مجنونة وممكن أجيب أي حد من شعره زي طنط كوثر كده. (مسكتها من شعرها ونزلت وشها في الماية اللي كانت بتعمل فيها رجليه).

مالك: مرضى يا لوكا.

مالك: أيوا يا ملوكا.

كوثر بغضب: انتي إزاي تتجرأي؟ (ولسه هترفع إيديها).

ملك: (ربعت إيديها وبصت بثقة) قسماً بـِـجلال الله يا كوثر، فكري بس ترفعي إيديكي وهكسرها. لك ومالك، لو فكرتي تزعليه لو لحظت صدفة، شوفي صدفة إن في نظرة حزن في عيون مالك، قسماً بالله ساعتها هنزعل كلنا سوا. يله يا لوكا، هنخرج نتفسح. (وقربت من بتوع البديكير وأدتهم فلوسهم ومشتهم).

وتفت في الأرض وسابت كوثر متغاظة منها أوي أوي بجد.

كوثر بغضب: هقتلك ياملك، والله لهقتلك. (وطلعت تلفونها وعملت مكالمة).

سراج: طنط ملك، استني.

ملك: إيه ياحبيبي؟

سراج: ممكن أخرج معاكم؟

ملك: والله فكرة، نعملها خروجة كبيرة. (واتصلت بجاسر وفاطمة واتصلت بمرات أخوها تجهز عدي). وطلعت تغير لبسها هي ومالك.

وفي اليوم ده العيلة كلها روحت البيت الساعة ١ بليل، وكانوا بيضحكوا وبيتهزروا. وفاطمة وجاسر أول مرة يشوفوا مالك فرحان كده ومبسوط من كل قلبه.

ملك بصت لجاسر وجاسر فهم بصتها. "بكرة بـِـالكتير كل حاجة هتتكشف."

طلعت هي ومالك الأوضة.

مالك وهو بيجري: أنا هسبقك وهدخل آخد شاور.

ملك: أنت خمام. إحنا لعبنا توبه ورقة مقص ٣ مرات وأنا اللي كسبت.

مالك بصالها بصه بريئة خالص.

ملك: يا أخي ارحم أمي الميتة. خلاص ادخل بس متتأخرش.

مالك باس ملك من خدها وقال: بحبك يا ملوكة.

ملك بصدمة مكنتش مستوعبة كل ده. وقالت بهمس: وأنا بحبك يا ابن الكيلاني.

خرج مالك من الحمام وهو لابس بنطلون ومن فوق مش لابس حاجة وعضلاته بارزة بشكل جذاب.

ملك اتصدمت واتكسفت أوي.

قرب مالك وادالها بوسة من خدها.

مالك: ملوكَة، اوعديني متمشيش وتسبيني. أنا خلاص حبيت.

كملك بحنية: اوعدك. طول ما ملك في الدنيا، مالك قد الدنيا.

مالك حضنها جامد وقال: أنا قد الدنيا وبحبك علشان ضربتي طنط كوثر جامد جامد.

ملك بضحك: وأنا بحبك علشان أنت فرحت ومبقتش تعيط. أي حد يزعلك أنا هزعلهولك. ويله ألبس هتاخد برد.

مالك: ممكن آخد برد في قلبي.

ملك باستغراب وضحك: آه يا حبيبي.

مالك: طب لو خدت برد في قلبي كده مش هعرف أحبك كتير. هروح ألبس التيشيرت بتاعي بسرعة.

ملك ضحكت ودخلت تاخد شاور.

ومالك سمحلها تنام جنبه.

عدى اليوم ونزلت ملك وفطرت واستأذنت إنها تروح الجامعة علشان عليها امتحان نظري.

مالك بدموع: خديني معاكي ياملك. متسبنيش.

ملك: يا حبيبي والله مش هتأخر عليك.

مالك كانت فاطمة وجاسر واقفين بيقنعوه إنه يقعد في البيت.

ملك: يا حبيبي والله العظيم ساعة بالظبط وهرجع.

مالك: ملك أنا مخصمك ومش بحبك.

ومشي وسابها.

ملك زعلت جداً من كلامه.

ملك: أمي فاطمة والله مش هتأخر. وأنا هعرف أرضيه.

وبصت لجاسر. وجاسر فهم بصتها وبصلها: متخافيش. أنا هفضل هنا لحد ما ترجعي وهاخد بالي منه.

لكن تليفونه رن وكان أدهم أخو ملك. واستأذن علشان يكلمه.

أدهم: الو يا جاسر. تعالا بسرعة على مكتبي. دا الحوار كبير أوي.

جاسر: طيب. أقفل أنا جاي بسرعة أهو.

وفعلا راح جاسر ودخل لأدهم.

أدهم: ها. كوثر حست بأي حاجة.

جاسر: لأ. متقلقش. المهم عرفت إيه.

جاسر: اسمع دي. طلع وراها كوارث. الواد حازم دا كان زميل كوثر في الكلية واتقدملها. لكن أبوها رفض. وفضلت ماشية معاه واتجوزها عرفي. وبعدين أبوها اكتشف دا وموتها من الضرب وحبسها شهرين. وأنت يا عين أمك اللي لبست اللبس واتجوزتها. ومن خمس شهور رجع الواد دا يكلمها تاني. وكوثر أصلاً مبتحبش مالك. واللي اكتشفته إن أبوك كاتب لمالك أملاك أكتر. فهم كانوا عاوزين يقتلوا مالك علشان أنت وابنك اللي تورثوا كل حاجة. وتبقى هي سيدة الأقصر بمعنى الكلمة.

جاسر بصدمة: وانت عرفت كل دا منين.

أدهم: يا بني عيب عليك.

يا عسكري!

دخل العسكري وهو ماسك حازم ومكلبشه. وملامحه مش باينة من كتر الضرب.

جاسر قام بغضب ومسكه وفضل يضرب فيه أكتر.

حازم بضحك وهو خلاص مش قادر: طب حتى الحق مرات أخوك. لحسن زمانها عند ربنا دلوقتي.

ووقع أغما عليه.

أدهم وجاسر اتنفضوا من الخضة. وطلعوا يجروا وهما بيتصلوا بملك.

ملك: إيه يالوكا. عارف جبت إيه معايا.

مالك: مش عايز أعرف. بس جبتي إيه.

ملك: آيس كريم كتير لمالك. وجبتلك كورة علشان نلعب بيها وتيشيرت عليه باتمان.

مالك: الله بجد ياملك.

ملك بحب: بجد يا قلب ملك.

مالك: طب أنتِ فين.

ملك: أنا في...

وفجأة لقت العربية قاطعة فرامل. والصوت اختفى.

مالك: ملك. ملك ردي عليا. إيه أي الصوت دا.

وفجأة دماغه ابتدت تشوش ويجيله صور في دماغه. وآخر حاجة شافها قبل ما يفقد الوعي العربية وهي بتتقلب بيه وهو اتنطر ووقع في النهر. والعربية ولعت. واستسلم للسحابة السودا خلاص.

جاسر روح الأقصر ولقى كوثر ماشية وفي إيديها سراج وشطنة هدومها.

مسك سراج ورا ضهره ونزل فيها ضرب.

جاسر بغضب، تف عليها وقال: "انتي طالق ياخاينة، طالق."

والحكومة جت وقبضت عليها بتهمة شروع في قتل وقضية شرف.

أدهم والقوات راحوا على المكان اللي فيه ملك بعد ما قدروا يتعقبوا تليفونها عن طريق الـ GPS.

جاسر اتصدم لما لقى مالك راسه بتنزف وبيجري على السلم.

جاسر: "مالك، في إيه؟"

مالك بغضب: "ملك، هي فين ملك؟ أنا لازم ألحقها."

ومكنش قادر ياخد نفسه.

جاسر: "طب تعال، تعال معايا."

وفعلاً راحوا، وكانت القوات قافلة المكان.

مالك: "هي فين؟ فين ملك؟"

أدهم بحزن: "العربية وقعت في النهر والفريق بيدور عليها."

مالك بص للمكان وابتدت الخيالات دي ترجعله تاني.

وابتدت الصور توضح قصاده.

جاسر اتصدم من حاله أخوه.

لكن اللي صدم الكل أكتر، إن مالك نط في النهر فوراً.

جاسر: "مااااااااااااالك!"

الكل واقف مصدوم لمدة، وبعدين الكل فاق.

وبعد مدة لقوا ملك ومالك على الشط ومالك حاضنها ومغمي عليه.

بعد مرور أسبوع.

فتحت ملك عينيها وأول اسم قالته مالك.

الأب: "ملك، ياحبيبة بابا، انتي كويسة؟"

ملك: "مالك، هو فين مالك؟"

أدهم: "مالك في العناية المركزة."

ملك بصدمة: "ليه؟ أنا عايزة أروحله."

أدهم: "لما حصلت معاكي الحادثة ابتدي يفتكر وضغط على دماغه جامد ودا سببه خطورة، غير إنه نط وراكي علشان يدور عليكي وقدر ينقذك، لكن دخله ميه كتير في الرئة ودا أثر على التنفس."

ملك: "وديني، وديني عنده، عايزة أروحله."

فاطمة: "ياحبيبتي، انتي لسه تعبانة."

ملك: "لأ، لازم أشوف مالك."

الدكتور دخل وأدهم كلمه والدكتور وافق وفعلاً عقموها ودخلت الغرفة.

ولقته نايم ومتوصل بأجهزة كتير.

ملك بدموع: "مالك، اصحى يامالك، أنا ملوكتك صحيت أهو. مش عايز تلعب معايا وتتخانق معايا وتقولي يا أم سنان كبيرة، امشي ياملونة، أنا مرعوب منك. قوم يامالك لازم تقوم علشان أنا من غيرك ولا حاجة."

ومسكت إيديه وقالت بهمس: "أنا بحبك."

ضغط مالك على إيديها وفتح عيونه ببطء وقال بهمس: "ملك... انتي كويسة؟ انتي..."

ملك: "أيوا ياعيون ملك، أنا كويسة."

مالك غمض عيونه وكأنه ارتاح.

وملك ندهت للدكتور وهو طمنها إن دا حاجة كويسة ومؤشرات جسمه ابتدت ترجع طبيعي.

وقعت ف حب طفل ثلاثيني♡...

7

سراج:بابا مش هنرجع مصر تاني

جاسر بحب:بص يا سراج احنا هنستقر ف لندن هنا

خلاص وانا اوعدك اني هكون ليك الاب والأخ

والصديق كمان ومش هسيبك خالص خالص بس انت توعدني تبطل تسأل عنها

سراج بحزن:حاضر يابابا......

************

عدا شهرين ومالك وملك بيتعلقوا ببعض اكتر واكتر لكن لسه مالك مخفش لكنه ابتدا يتحسن

مالك:لوكا يالوكا بص رسمت ايه رسمتك

ملك اتصدمت من انه بيعرف يرسم حلو اوي كدا

وقالت بفرحه:الله يامالك دي جميله اوي

مالك:انا لما اكبر هتجوزك ماشي

ملك بضحك؛وانا هستناك تيجي علي حصانك الأبيض يا فارس أحلامي

وضحكوا

ملك؛تعالا نعلق الرسمه دي ف الاوضه هنا

وابتدوا يعلقوا الرسمه لكن وهما بيعلقوا الرسمه وقع مالك واتخبط ف دماغه جامد....

واغمي عليه

ملك بخضه...:مالك

وبعد شويه فتح مالك عيونه وابتدا يبص للكل ب استغراب....

مالك:ماما

ملك :نعم يالوكا انت كويس

مالك تجاهلها:ماما فاطمه هو في اي وانا بعمل اي هنا

وفين جاسر وسراج

فاطمه:دكتور هو في اي

الدكتور بدأ يتفحص مالك ويسأله عن اسأله كتير

الدكتور لو سمحتوا عاوزكم

خرجوا والدكتور قال

المريض ناسي اخر ٤ شهور عاشهم ف حياته

يعني شهور التعب كلها لكنه فاكر اليوم الي هو عمل فيه الحادثه...وبعد اليوم دا مش فاكر اي حاجه تاني

ملك وفاطمه بصوا لبعض بصدمه.....وووو.....

...

ملك بدموع: يعني إيه يا دكتور؟ مالك كدا مش هيفتكرني؟

الدكتور: لأ للأسف، بس في حل. إنكم تقولوا له لو تقبل يبقى شيء كويس وهيفتكر لوحده شوية بشوية. لكن لو اتضغط عليه هنرجع لنقطة الصفر.

فاطمة: شكراً يا دكتور، تعبناك معانا.

دخلت فاطمة لكن ملقتش مالك وسمعت صوت الدوش بيتقلب.

بعد مدة خرج ولبس بدلته السودا ولبس ساعته الماركة. ورش من برفانه المفضل ورجع شعره لورا. وبص لنفسه واخد مفاتيح العربية والفلوس ونزل.

مالك باس على إيد فاطمة وقال: أمي، أنا رايح الشركة، عاوزة حاجة؟

فاطمة بصدمة: لأ يا ولدي، انت لسه تعبان.

مالك: مش حادثة امبارح اللي هتأثر عليا، ولدك حديد يااما.

فاطمة: في رعاية الله يا ابني.

خرجت ملك من المطبخ بعد ما مالك خرج.

ملك بدموع: أنا كدا لازم أمشي، وجودي خطر على مالك.

فاطمة: انتي بتقولي إيه يا بنتي؟

ملك: والله يا أمي، أول ما مالك يفتكرني على طول هرجع. لكن مقدرش أقعد كدا، حالته النفسية هتتأثر. هبقى أزورك على طول.

طلعت علشان تلم هدومها من الأوضة وكانت دموعها مغرقة وشها. واتصلت بأدهم علشان تقعد عنده.

وبعد مرور سنتين ونص كانت حاجات كتير أوي اتغيرت.

ملك اتخرجت من الكلية وبقت دكتورة جراحة مخ وأعصاب.

ومالك اتغير جدا وكان بيكبر أكتر وأكتر والصحف والجرايد مبتتكلمش غير عن أعماله.

جاسر سافر بره وقرر يشتغل ويفتح شركة من الصفر خالص ويكبرها ويبعد عن أي حاجة تفكره بـ كوثر.

أما سراج كان كل ما بيكبر كان بيكره الستات كلهم ومبقاش بيحب يتعامل مع بنات خالص.

في بيت أدهم كانت قاعدة ملك بكل ملل وهي بتسمع لكلام أخوها ومرات أخوها كالعادة.

أدهم: يا ملك يا حبيبتي، مالك خلاص طلقك علشان هو أصلاً مش فاكرك، ولا حاول. هتوقفي حياتك عليه لحد امتى؟

نادين: وانتي لسه صغيرة وجميلة والف مين يتمناكي.

عدي: وأنا يا عمتو بتمناكي.

أدهم: اجري يا بكاش، اعمل الواجب.

نادين: طالع لأبوه.

ملك خلصت أكل وقالت: سوري لو قطعت عنكم أجمل لحظات في يومكم المشرق وإنكم تقنعوني، بس ورايا شغل مهم والأهم أكتر إني متأخرش. يلا سلام.

وقامت وأخدت مفاتيح عربيتها ونزلت علشان تروح المستشفى.

وكالعادة أول واحد بتقابله هو دكتور مازن.

مازن: صباح الخير يا دكتورة ملك.

ملك: صباح الخير يا دكتور مازن.

مازن: ها، فكرتي؟

ملك: بص يا دكتور مازن، انت بصراحة راجل مسؤول ويعتمد عليه. وألف بنت غيري تتمناك وانت تستاهل تقابل حد شبهك وطيب. أتمنالك السعادة مع بنت الحلال.

مازن: يعني بطريقة كلامك دي أفهم إنك رافضة صح؟

ملك: عن إذنك يا دكتور مازن، عاوزة ألحق أشوف المرضى بتوعي.

ومشت وسابته.

دخلت ملك وقعدت تكشف. وفي آخر اليوم دخل عليها آخر شخص كانت تتوقع إنها هتشوفه.

مالك بتعب: دكتورة ملك؟

ملك بصدمة.

دخل مالك بكل شموخ وثقة وقال:

دي غرفة الكشف بتاعت الدكتورة ملك؟

ملك بصدمة وتوتر:

أيوا اتفضل اقعد.

*مالك لما طلق ملك محاولش حتي يعرف شكلها أي، ولا قعد معاها حتي مرة واحدة.*

ملك:

تقدر تقول إيه اللي بتشتكي منه؟

مالك:

لو مثلاً بيحصل موقف قصادي بيقعد يجي في دماغي خيالات ومواقف مع شخص بس أنا مش بقدر أشوفه خالص وبحس إني عشت الموقف ده قبل كده.

وعلى طول بيجيلي صداع مستمر بشكل غريب لدرجة إنه بيزيد مش بيقل.

ملك:

بتاخد العلاج؟

مالك سكت ومردش عليها.

ملك:

لازم تاخد علاجك باستمرار وبالنسبة للخيالات اللي بتشوفها دي مؤشرات كويسة، أنت بتقدر تفتكر إيه اللي كان بيحصل معاك قبل كده وأنت مش فاكره.

مالك:

قصدك إني... ناسي حاجة من الماضي؟

ملك بصتله بحزن وقالت:

الماضي بتاعك هو أساس مستقبلك.

مالك:

زي قدامك؟

ملك هزت راسها بحزن.

مالك:

بس كده حياتك هتفضل واقفة.

ملك:

مش مهم، مش عايزة حاجة من الدنيا أكتر من كده.

مالك:

إنتي غريبة يا دكتورة بس أنا اتشرفت بيكي جداً الصراحة.

ملك:

وأنا أكتر يا أستاذ؟

وعملت نفسها متعرفش اسمه.

مالك:

اسمي مالك.

ومد إيديه ليه.

مالك:

وأنا اسمي...

مالك نطق اسمها وقالها:

ملك. الدكتورة ملك.

ملك مدت إيديها وسلمت عليه وقلبها كان طاير بمجرد فكرة إنه نطق اسمها.

مالك أخد منها الروشتة علشان يجيب العلاج بتاعه.

***

ملك خلصت الشغل وكانت مروحة على البيت، لكن عربيتها فجأة عطلت في نص الطريق والجو كان متأخر.

طلعت تلفونها علشان تتصل بأدهم لكن كان فاصل شحن.

ملك:

هو ده وقته تفصل ياربي، أعمل إيه دلوقتي؟

ملقتش حل غير إنها تفضل واقفة لحد الصبح ما يطلع وتتصرف.

لكن فجأة ظهر 3 شباب وهي خافت وركبت العربية، لكنهم فضلوا يضايقوها بالكلام وهي كانت مرعوبة.

وفجأة شخص منهم فتح باب العربية ومسك ملك من دراعها وهي خافت وصوتت.

الشاب:

متخافيش مني ياقمر، أنا مقدرش على دموعك دي.

الشاب التاني:

بقا الأقمر ده يعيط، أخس علينا وحشين.

الشاب التالت:

أوعى يبني يمكن بتهدا بالأحضان مثلاً؟

جه صوت من وراهم وقاله:

أنا اللي هحضنك ياروح أمك.

ملك بصدمة:

انت...؟؟؟؟؟

ملك بصدمه: أنتمالك مسك الشباب وضربهم كلهم.

لكن جه شاب من وراه وضربه على دماغه وهرب.

ملك بخوف: مالك يامالك؟

مالك حس إنه شاف نفس المشهد ده وابتدى يجي في دماغه صور وخيالات لشخص وهما بيعلقوا صورة وهو بيقع.

واغمي عليه.

وبعد يومين كان مالك في المستشفى وملك هي اللي بتابع حالته.

وفجأة فتح مالك عيونه وهو بيقول بصوت عالي: ملك.

دخلت الممرضة وحاولت تهديه عقبال ما ملك توصل المستشفى.

***

عدي: خالته ملك.

ملك: يا حبيبي أنا عمتك والله عمتك.

عدي: يعني حربوقه؟

ملك: نادين شيلي ابنك من قدامي عايزة آكل اللقمة.

وانزل:

أدهم: جايلك عريس.

ملك: مرفوض.

نادين: شاب وسيم.

ملك: يارب يتوسم أكتر بس مرفوض.

أدهم ونادين بقوا ماشيين ورا ملك وهي ماشية بملل وبتلم حاجاتها.

وسابتهم وهي بتقفل الباب وبتقول: مرفوض.

عدي بضحك: هي فين الهيبة؟ فين الشرطة؟

أدهم بغيظ: هو فين الحزام؟

****

الممرضة اتصلت بملك لكن تليفونها كان صامت.

وأول ما وصلت المستشفى لقيتها مقلوبة ومالك هدد الدنيا بالمعنى الحرفي.

وفجأة أول ما شاف ملك جري حضنها وقالها: وحشتيني وحشتيني أوي ياملك.

ملك بصدمه.

********

أما في لندن وخصوصاً في المدرسة.

كان قاعد سراج بشموخ كالعادة.

خلود باللغة الأجنبية لكننا هنترجم باللغة العربية الفصحى.

خلود: ماذا بك يا فتى ألا تبتسم؟

سراج بغرور: وعد لو جعلتني ابتسم سوف نكون أصدقاء.

خلود حاولت كتير تضحكه وهو مابتسمش خالص.

سراج: أنسي يا فتاة أنا أكرهكم بشدة أي صلة بتاء التأنيث هي مجرد كذب وخداع وهذا دوركم يا بنات حواء الخيانة.

وسابها لما جرس المدرسة أعلن عن خروج الطلاب.

******

ملك: أنتم.

مالك: أنا فاكرك ياملك وفاكر كل حاجة عملتيها معايا.

ملك ضربته في صدره وقالت: وحشتني يامالك.

حضنها بشدة وشالها وقال: فين المأذون؟

ملك بضحك: الشهود يابني.

مالك خدها وطلع على قسم الشرطة يطلب إيديها من أدهم.

وادهم حب يمرمطه شوية.

لكن مالك فجأة دخل المأذون وجابوا اتنين شهود وكتبوا الكتاب.

أدهم: مبروك عليك ملك بس بعد سنة.

ملك: مش كفاية وقت بيعدي عايزة ألحق أكون أسرة.

ناس كلها ضحكت.

وفاطمة وجاسر عرفوا بالخبر وجاسر نزل مصر فوراً بعد ما عرف بالخبر.

علشان جواز مالك وملك بعد أسبوع.

الكل اتجمع أخيراً في الأقصر بعد تعب وحزن وفراق.

فاطمة حضنت نادين وملك وقالت: انتوا ماليين عليا حياتي يابنات بطلتكم عليا كل شوية.

والولا البكاش عدي اللي مش مبطل غزل في البنات هنا.

عدي: البنات ألطف الكائنات يا تيتة.

الكل اتفاجئ من رده وضحك عليه.

فاطمة: فين سراج يا حبيبي؟

جاسر: نايم من تعب السفر.

سراج اتغير جامد ومش عارف أعمل معاه إيه.

مالك: متسافرش تاني يا جاسر خليك هنا عايش وسطنا وسط أهلك وناسك.

جاسر: مش مرتاح في البعد بس مرتاح وأنا بعيد فاهمني يا مالك.

مالك حضن أخوه وقال: فاهمك يا جاسر.

وفجأة سمعوا صوت بنت داخلة وهي بتزعق.

ليلي: هي فين الإنسانية وفين الديموقراطية يا ناس وفين ملك صحبتي؟

الكل كان مصدوم منها.

ليلي: الحرامية أهي فين يا بت الخمسة وسبعين قرش بتوعي ها بقا ياليفة تخلي بيا بعد ما بعتلك أعز ما أملك؟

جاسر بصدمة: شرفك.؟

ليلي: لأ طبعاً إيه الهبل ده استلفت مني جنيه إلا خمسة وسبعين قرش.

الكل بص لها وقعد يضحك.

ملك: فضيحاني منك لله.

ليلي: خليكي استربش كدا يالوكا.

مالك: كانت استريتش على أيامنا.

ليلي: الواحد مبقاش ضامن.

حتي لب.

وهنا ملك حطت إيديها على بقها قبل ما تهلفت في الكلام أكتر من كدا.

جاسر: لأ شكلي مقيم هنا في الصعيد وضحك.

مالك بص له وضحك أكتر.