رواية وقعت في شباك صعيدي الفصل الخامس عشر 15 - بقلم ميروولا ممدوح

ربطت الهدوم ف بعضها، وبعدين ربطت طرف الحبل اللي هي عملته بحاجه ثابته ف الأوضة، وربطت الطرف التاني على وسطها. بصت بصه أخيرة ع الأوضة، وجت تنزل لقيت نفسها داخت وحست راسها بتقع لتحت. رجعت تاني لورا، وخدت نفس عميق، ولسه رايحة بتنزل لقيت الباب بيتفتح، فحاولت تنزل بسرعة قبل ما حد يشوفها. كنت متوترة أوي وإيديا كانت بترتعش. أول مرة أعمل حاجة زي كده، وخصوصًا إني مضروبة كذا مرة النهاردة، يعني جايبة آخري. ادهم بغضب وخوف: ا...

انتي بتعملي إيه؟ فرح بتفكير: أنا هقوله إني هنتحر، وهو أكيد يعني أكيد مش هيحب يلبس نفسه مصيبة ع الفاضي ويسيبني أمشي. الله على دماغي الشيطانية هههه. ادهم: بقولك بتعملي إيه؟ (وراحلها علشان يرجعها م الشباك، بس فرح وقفته) فرح بعضبية زائفة: خطوة تاني وهرمي نفسي من هنا. ادهم بعصبية وهو لسه بيقرب: انتي اتجننتي يابت، انزلي بقولك. فرح بعصبية: ابعد عني، هنط وأنتحر بقولك، وأنا مجنونة وأعملها.

ادهم بخوف ممزوج بغضب: انتي مفكرة إنك هتلوي دراعي بالكلمتين دول يعني. فرح بتفكير: اه ده شكله اتجنن ومش هيسيبني زي ما كنت مفكرة. خلاص هلجأ للحل التاني وإني أنزل دلوقتي بالحبل قبل ما ييجي هو يشدني. فرح بيأس مزيف: أنا آسفة إن كنت ضايقتك ف حاجة أو كنت زعلتك. همشي دلوقتي وعمرك ما هتشوفني تاني. همشي وهسيبلك الدنيا فاضية من غير دوشة أو إزعاج، على الأقل حياتك هتبقى أحسن مني. وعملت نفسي بنتحر وأنا كنت نازلة بالحبل أصلاً.

الحمد لله جيت أنزل لقيت نفسي مش بنزل، لأ ده أنا بطلع. ببص فوقيا لقيت ادهم بيضحك عليا وبيشدني م الحبل. اللي هو أنا بنزل وهو بيسحب، فمفيش تقدم. ادهم بضحك: لا بس حلوة طريقة الانتحار الكريتيف دي ههههه. فرح بعصبية: ياعم سيبني بقي أشوف مصالحي. ادهم: مش سايبك يا فرح. فرح: لا هتسيبني يا إما أنا اللي هشيب. ادهم: انتي اتجننتي. فرح: لأ أنا لسه عاقلة أهه. ادهم: طب اطلعي يا عاقلة. فرح: مش عايزة. ادهم: ليه؟

فرح: انت عبيط ولا عامل نفسك عبيط؟ ادهم بغضب: لمي نفسك بداب م المك أنا يا فرح. فرح: م أما عايزة ألم نفسي بس خضرتك اللي مش راضي. ادهم: طب لمي نفسك وإدخلي. فرح: مش هدخل إن... مكنتش كملت كلام لقيته بيسحبني وبيشدني بعصبية كده، ماعرفش إيه ده، خلقه ضيق أوي. ادهم بعصبية: خروج من هنا متحلميش تمام. ده غير إنك لو عملتي حركة زي دي تاني هوريكي مقامك كويس، انتي فاهمة؟ فرح: ح... حاضر. ادهم ابتسم ابتسامة نصر وطلع.

فرح لنفسها: هه ده مفكرني استسلمت بجد، ده أنا هعمل منه شاورما. ادهم بصوت عالي: سمعتك على فكرة. فرح بتوتر: سمعت إيه؟ ادهم: اللي انتي قولتي. فرح: أيوه، اللي هو إيه؟ ادهم: بقولك إيه، اخرسي أحسن لك. فرح بتذمر: ماشي، أديني سكت أهه. قعدت ع السرير وأنا بغلي، وسامعة ادهم وهو بيعاكس اللي اسمها زينب. بعد 5 دقائق... فرح بصوت عالي وبكاء: اااااااااااااه رجلييييي. ادهم راح بسرعة وفتح الباب بخضة علشان يشوف فرح.

وبووووووم نزلت عصاية على راسه من ورا. طبعًا دي كانت فرح، وبعدها طلعت تجري م الخوف. ادهم بغضب: هتروحي مني فين يا فرح؟ فرح: عاااااااا مش هتلحق تمسكني أصلاً. وبصت لزينب: وانتي يا شعنونة متعشميش إنك تفضلي هنا كتير ها؟ زينب بتعجب: إيه ده مالها دي؟ فرح: لا مانيش، ولا كأني... اااااااااااااه راسيييي. اتخبطت حتة خبطة وأنا بجري ف الحيطة، خلتني أترجى كلي كده. حسيت إن نفوخي ضرب وقته. ببص كده لقيت ادهم ف وشي. فرح: ا...

اااااااه يا راسي، حاسة إني دايخة اااااااه. ادهم بخوف: ف.. في إيه مالك؟ فرح: راسيييي اااااااه واجعانيييي أويييييي. ادهم: طب تعالي اقعدي ثانية. فرح بتوتر: إيه ده ليه؟ ادهم: هعملك مساچ. فرح: تصدق حاسة نفسي أحسن دلوقتي. ادهم بخبث: ليه بس متتكسفيش، ده أنا زي أخوكي برضه. فرح بحنق: انت مش أخويا انت، فاهم؟ مشيت ع التلاجة على طول. الصراحة بعد المناهدة دي كلها تعبانة أوي وعايزة أكل. ادهم بضحك: انتي بتعملي إيه؟

فرح بخضة: عاااااا انت بتطلعلي منين يا عم انت؟ ادهم: بتعملي إيه بس ههههه. فرح: هاكل. ادهم: ليكي نفس تاكلي؟ فرح: يعني أموت م الجوع يعني؟ ادهم: لأ طبعًا مقلتش كده. فرح: طب خلاص اتكل على الله بقي. ادهم: لأ. فرح: خلاص تمام، خليك براحتك بقي. ادهم: اممم، ماشي، ماهو براحتي فعلاً. بعد 5 دقايق... ادهم بخوف وبكاء: ف... فرح، فرح قومي متهزريش. فرررررررررررح.