رواية وقعت في شباك صعيدي الفصل السادس 6 - بقلم ميروولا ممدوح

يامن نزل على ركبته وطلع من جيبه علبة فيها خاتم وفتحها. وقتها في بلالين كتير أوي طارت في الهوا لأنها كانت منفوخة هيليوم، وفي صواريخ ملونة فرقعت. يامن بحب: فرح، تتجوزيني؟ فرح مكانتش مستوعبة الموقف اللي هي فيه وعمالة تبرق. فرح بتأتأة: ه.. هو فين الكاميرا؟ يامن انفجر ضاحكاً: انتي بتقولي إيه؟ هههههه. فرح: فين الكاميرا؟ أنا عارفة إنه مقلب الكاميرا الخفية. يامن بضحك: ياستي مش مقلب، صدقيني. ههههههه. فرح: بس أنا...

يامن بمقاطعة: مش عايز آخد ردك دلوقتي، فكري براحة مع نفسك وقوليلي. بس عايزك تعرفي إني بحبك أوي يا فرح، بعشقك من ساعة ما شفتك وهموت من غيرك. انتي دلوقتي أكسجيني يا فرح. فرح بخجل: أنا في حاجة نسيت أعملها، عن إذنكم دلوقتي. وطلعت تجري. كل اللي موجودين قعدوا يضحكوا عليها. يامن بضحك: هتفضل خاطفة قلبي على طول حتى وهي مكسوفة. هههههه. ميادة بغضب طفولي: أووووف، هو الكل هيخطب ويتخطب كده وأنا هفضل معنسة شكلي كده.

وليد بضحك: مستعجلة على إيه؟ هييجي يوم وتندمي. هههههه. ميادة: بس هو ييجي ياخويا بس. ياسمين: ربنا يديكي ابن الحلال اللي يريحك يا حبيبتي. ميادة: تسلمي ميرسي. صليلي كتيييير بقى. ههههه. ياسمين: بصلي أهه. ههههه. ميادة مش بتكره ياسمين ولا بتغير منها لأن وليد اختارها هي، بس هي بتتمنى إن وليد يبقى من نصيبها أو إنها تنساه لو مش هيبقى ليه. ميادة لنفسها: يا جدع أبوس إيدك حس بيا بقى. على الناحية الأخرى...

فرح: إيه اللي حصل من شوية ده؟ ماهو يا إما بحلم يا إما بحلم، برضو مفيش حل تاني. ميادة راحت لها: إيه يا فرح؟ شكل الجميل وقع ولا إيه؟ ههههه. فرح: ميادة، اقرصيني ثانية. ميادة قرصتها. فرح: آآآآه يا بنت القراصة، يابنتي أنا كنت بهزر، إيه ده؟ ميادة: تستاهلي. ههههه. قولتي إيه بقى يا ست فرح؟ فرح: أنا لحد دلوقتي مش مستوعبة اللي حصل. هههههه. ميادة: يابنتي ده المدير يامن، هو حد يطول؟

طول بعرض بحلاوة كده غير منصبه والملايين المكنزة عنده. ههههه. فرح: يابنتي البني آدم مش ب... ميادة بمقاطعة: مش بشكله ولا بفلوسه، ده بقلبه وروحه وطباعه، ولاب ولاب ولاب، حاجة آخر زهق. فرح: انتي هتفضلي لحد كده كتير؟ ههههه. ميادة: ولا عمري هغير، أنا هفضل كده صغنن. ههههه. فرح: ماشي يا عم الصغنن. هههه. ميادة: مقولتليش صح، موافقة ولا؟ فرح: مش عارفة يا ميادة، بحسه زي أخويا الكبير مش أكتر من كده. ميادة: ينهاااار أسود!

هي لو بدأت بإخوات كده يبقى بلاها أحسن. فرح: آه، ما أنا قولت كده برضه. ههههه. ميادة: انجزي ووافقي بقى، ده باين من عيونه إنه بيحبك وبيموت فيكي كمان. فرح: أنا عايزة وقت برضو عشان أفكر. إياد بعصبية: أنا جولتلك ميت مرة تنفذ اللي بجوله عليك بس، بس الظاهر إنك مصر تظهر جدامي جليل برضو. آنس: يا إياد بيه، أنا عملت كل اللي جولتلي عليه. إياد بغضب: مش كفاية يا آنس كده؟ القضية دي هتضيع مننا.

آنس: يا إياد بيه، أنا ملجيتش غير بنت بس اللي كانت في مكان الجريمة، صدقني. إياد: طب عرفت اسمها؟ آنس: اسمها عبير. إياد: ساكنة فين؟ آنس: في القاهرة، وده عنوانها. واده العنوان. إياد: هي بتشتغل؟ آنس: أيوه يا إياد بيه، في شركة M.K.D للحديد والصلب. إياد: طب روح دلوك يا آنس، وأنا هبجي أندهلك بعدين. آنس: أمرك يا إياد بيه. ومشي.

إياد: أنا لازم أروح هناك بنفسي وأعرف الحكاية دي، دي من أكبر القضايا اللي استلمتها ومينفعش أخسرها دلوك. شكري: بجولك إيه يا سارة؟ أنا رايح أجيب كام حاجة من بره، أجيبلك حاجة معايا؟ سارة: لا ياخوي، تروح وتيجي بالسلامة. شكري: الدواء بتاعك خلص ولا لسه؟ سارة: أدهم جابهولي امبارح يا شكري، ماتشغلش بالك ياخوي. شكري: خلاص، لو عاوزتي حاجة وأنا بره جولي. سارة: ماشي، يله عاد علشان متعوقش. شكري: سلام.

شكري طلع بره. شوية وبعد نص ساعة بالظبط سمعت سارة صوت صويت وناس كتير عمالة تخبط ع الباب. سارة فتحت وكانت مستغربة، إيه اللي بيحصل؟ وعايزين مني إيه؟ فرح كانت قاعدة سرحانة في يامن واللي عمله انهارده، وكانت في إيدها وردة وعمالة تقطع فيها. فرح: أقبل، ما أقبلش، أقبل، ماقبلش، أقبل... لحد ما جالها تليفون قطع تفكيرها. فرح بتبص للرقم ولقيته رقم غريب، فردت بس بتوتر. فرح: أ... الوو، مين معايا؟ أدهم بصوت متحشرج: فرح، أنا أدهم.

فرح بمكر: إيه الرسالة عجبتك ولا إيه؟ ههههه. أدهم بصوت متحشرج: فرح، أبوكي مات، تعالي بسرعة.