رواية وكان الظلم حليفي الفصل الخامس 5 - بقلم علياء اسامة

جاسر ضرب طلقة جنبها وبعد كده سمعوا الباب بيخبط. ندى: عاااا أنت بتعمل إيه يا مجنون؟ استهدى بالله ونزّل السلاح وروح افتح الباب اللي هيتكسر ده. جاسر بابتسامة: لا، ما أنا هخلّص عليكي الأول وبعد كده أفتح الباب. جاسر كان ماسك المسدس وفجأة سمع صوت تكسير الباب والبوليس حواليه في كل مكان. هند دخلت الأوضة وراهم: اهو يا باشا، صدقتني، المجرم كان عايز يقتلها. ندى: هند!!! أنتِ بتعملي إيه هنا؟ هند: جيت أنقذك.

جاسر بعصبية: انتوا إزاي تدخلوا الشقة بالطريقة دي؟ انتوا مش عارفين أنا مين؟ الظابط خلع النضارة وبص له: مش معقول، جاسر. جاسر بصدمة: رامي!! رامي بضحك: حبيب قلبي أخويا، وحشني يا ضنايا يا جاسر. وأخدوا بالحضن. جاسر: وانت والله ليك وحشة، تعالى تعالى اقعد، أنا بقالي زمن مش شفتك. رامي: آه والله، شفت الدنيا بعدتنا عن بعض إزاي، من ثانوي واحنا مش شوفنا بعض. هند وندى كانوا بيبصوا لبعض بذهول.

هند بعصبية: جرا إيه يا باشا، أنت مش هتقبض عليه ولا إيه؟ رامي بانتباه: صحيح يا جاسر، إحنا جاي لينا بلاغ من الآنسة هند إنك خاطف المدعوة ندى جلال سالم، الكلام ده صحيح؟ جاسر ضحك: خاطفها مرة واحدة؟ دي مراتي. رامي بصدمة: أنت اتجوزت؟ طب والبت هايدي الملزقة؟ جاسر بتوتر: هشـ... ـس، أخرس، الله يهدك. هند: يا باشا، هو علشان صاحبك ولا إيه؟ حضرتك داخل عليه وكان رافع السلاح عليها.

جاسر بمقاطعة: يا رامي، ندى مراتي وكانت داخلة الأوضة وقفتل الأوضة بالمفتاح ومش عرفت تفتح، فاضطريت أستخدم المسدس، وكمان السلاح مترخص، يعني أنا في السليم. رامي بتفهم وهو بيبص لندى: الكلام ده هو اللي حصل يا مدام؟ ندى هزت راسها بمعنى آه بعد ما جاسر بص لها بتحذير. رامي: تمام، لينا قعدة تانية يا جاسر. جاسر: إن شاء الله. هند بعصبية: هو إيه أصله ده؟ ما هي كوسة بقى، هو علشان صاحبك ولا إيه؟ رامي: اممم، كوسة مش كده!

هاتوا البت دي على البوكس. العساكر مسكوها. هند بصراخ: أنت يا ضابط، على ما أتفرج، أنت خليهم يسيبوني بدل ما أوديك في ستين داهية. رامي بص لها وعيونه بتطلع نار: جيبوا البت دي ورايا. ونزل والعساكر وراه ومعاهم هند. ندى: هما واخدينها على فين؟ خليهم يسيبوا صاحبتي. جاسر بتشفّي: سيبيها تتربى بدل ما لسانها طويل كده. وراح قرب عليها وشدها ليه لدرجة إنها

بقت في حضنه وهمس في ودنها: أما أنا بقى يا ندى، هعرف أربيكي كويس وأعلمك إزاي كلمتي تنزل الأرض. ندى زقته وبعدت عنه بغضب. ندى بصراخ: إيه بقى كل شوية تهديد تهديد؟ أنت تتصرف وتخلي صاحبك ده يطلع هند. جاسر بهدوء: ولو مش عملت كده يا ندى؟ ندى عيطت بحرقة: أنت عايز إيه؟ جاسر ببرود: عايز الغدا يا ندى، هدخل آخد شاور وأخرج ألاقي الفوضى دي اتنظمت والغدا على السفرة بدل ما أزعل منك يا ندوش. *** في الصعيد جلال: حضرتي الشنط يا ناهد؟

ناهد: آه حضرتها، أنت هتتأخر في مصر؟ جلال: مش خابر، لو عايزة تيجي معايا مفيش مشكلة، عادي. ناهد: لا مش عايزة، أنا مرتاحة هنا. جلال بلا مبالاة: خلاص، برحتك، أنت حرة. ناهد قربت حضنته: بس ما تنسيش هديتي من مصر بقى. جلال بعدها: حاضر، إن شاء الله. وبعد كده أخد شنطة ونزل، وناهد طلعت الموبايل وابتدت تتكلم. = الو، أيوه يا حبيبي، وحشتني كتير.... = آه مسافر دلوقتي.... = آه طبعاً، نتقابل، هو بيسافر كل يوم....

= ماشي يا حبيبي، مع السلامة. *** في القسم هند: ممكن أعرف انتوا جايبني على هنا ليه؟ رامي: بلاغ كاذب وإزعاج للسلطات. هند بهدوء مزيف: بذمتك بقى، كتكوتة زيي تقدر تزعج سلطات؟ رامي برفع حاجب: كتكوتة؟ هند وهي بتقعد قدامه على الكرسي: يعني حضرتك حط نفسك مكاني، أنا قلقت على صاحبتي ومكنش قدامي غير إني أبلغ، هي مش الشرطة في خدمة الشعب ولا إيه؟ رامي بابتسامة خبيثة: في خدمتها طبعاً، أمااااال. هند: طيب، أما فيه إيه بقى؟ رامي

قام خبط على المكتب بعصبية: أنتِ بتعلي صوتك على مين يا روح أمك؟ هند قامت وقفت بخوف: أ. أنا آسفة، مقصـ... ـدش. رامي بعصبية: يا عسكري. العسكري دخل وأدى التحية. رامي: خد البت دي على الحجز. *** عند ندى وجاسر ندى حضرت الغدا وحطيته على السفرة وندهت على جاسر. ندى: جاسر. جاسر: امم. ندى: أرجوك كلم صاحبك يخرج هند، عشان خاطري. جاسر بص لها ببرود وكمل أكل.

ندى والدموع في عيونها: بلاش عشان خاطري، لأن أنا مليش خاطر عندك، بس عشان خاطر أغلى حاجة عندك، هند طيبة ومش تقصد حاجة، هي عفوية. جاسر بهدوء: خلاص يا ندى، هكلم رامي. ندى بتوتر: وحاجة كمان. جاسر بزهق: أرغي. ندى: بالنسبة للجامعة. جاسر وقف قدامها وهمس: انسيها يا ندى، انسيها. دخل جاسر أوضته وقفل عليه، وندى كانت رايحة تكلمه وتحاول تقنعه، لكن اتصدمت لما سمعته بيتكلم في الموبايل مع واحدة.

جاسر: ما أنتِ عارفة يا روحي إني متجوزها غصب عني عشان خاطر بابا....... جاسر: طيب يا حبيبتي، مش قادرة تستحملي لما أطلق ندى...... جاسر: طيب خلاص، أنا هتصرف. *** عند هند خرجت من الحجز بعد ما جاسر كلم رامي وأفرج عنها، وهند روحت على السكن بتاعها هي ورانيا. رانيا: إيه يا بنتي ده؟ كنت فين من الصبح؟ هند: في السجن. رانيا: إيه! هند: زي ما سمعتي. رانيا: أنا لقيت لكِ شغلة. هند قامت بلهفة: أحلفي؟

رانيا: آه والله، والست كانت عايزة إياكي تبدأي من النهارده. هند: ست مين؟ رانيا: ما أنتِ هتشتغلي عند ست كبيرة، يعني هتراعيها وكده لحد ما عيالها يرجعوا من السفر. هند: اممم، وهقبض كام؟ رانيا: 3000 جنيه، ده غير كمان هيتوفر عليكي تمن السكن لأنك هتعيشي عندها. هند بتفكير: هو عرض هايل بصراحة. رانيا: على فكرة أنا أخدت ميعاد ليكي على الساعة 8 بالليل، ولو النهاردة عدى ممكن حد غيرك ياخد هو الشغل ده.

هند بتعب: لا، هو حد لاقي شغل، هقوم أغير هدومي وأروح لها، إيدك على العنوان. هند جهزت ووصلت العمارة وبصت على العنوان مرة تانية وبعدين دخلت وخبطت على الباب. خرجت واحدة بتاكل لبّان بطريقة مستفزة: يا نعمة. هند بخوف: هو أنا حضرتك كنت جاية هنا من طرف الآنسة رانيا عشان الشغل؟ = هيهي، شغل، طب ادخلي يا أختي، ادخلي. البنت شدت هند على جوا. هند بصدمة: يا مصيبتي، أنا فين؟ البنت بضحكة خليعة: هتكوني فين يا حبيبتي، في أكبر شقة دعـ...

ـارة فيكي يا بلد. هند بصدمة: يا سنّة شبه وشك. البنت: متخافيش، الشقة أمان الأمان، وعمر ما فيه حكومة قدرت تهوب ناحية هنا أبداً. (هند دخلت مكان كان مليان ستات ورجالة ومناظر مخـ... ـلة وأغاني و... هند: خرجيني يا بت أنتِ من المكان ده. هند مكملتش الكلمة علشان البوليس هاجم على الشقة و...