رواية ولكنك تأخرت الفصل الثاني 2 - بقلم روان

فهد: يابن الناس الطيبة، انت بجد قلتلها كده؟ رامي: آه ياعم قلتلها، مالك مستغرب كده ليه؟ فهد: حرام عليك، البنت بتحبك. رامي: وأنا مالي يا عم، محدش قالها تحبني. وبعدين البنت دي عبيطة، دي بتقارن نفسها بـ منه. فهد: هتندم وبكرة تشوف. وسابه ومشي. عند منه: منه: لو سمحت عايزة مانجا. الجرسون: خلصانة. منه: اشطاا يا زميلي. الجرسون: لأ حضرتك المانجا خلصانة. منه: احم احم. خالد: خلاص هات اتنين فراولة. الجرسون: تمام. وسابهم ومشي.

خالد: منه، متنسيش إن كل دي تمثيلية مش أكتر. منه: أكيد، أنا مستحيل أحب واحد ساب إنسانة بتحبه أوي كده زي ندي. خالد: أوصل بس لـ ندي وبعدين نخلص من التمثيل ده. عند ندي: ندي: أنا نازلة ياماما، أنا نازلة.. نفسي مرة واحدة بس أقولك إني نازلة وتقوليلي خلي بالك من نفسك، أو مترجعيش متأخر، أو تردي عليا، لكن انتي ولا فارق معاكي وجودي أصلاً. ندي نزلت وقفلت الباب جامد وراها.

كانت لابسة فستان بينك وطرحة رمادي ومش حاطة ميكب، وراحت لـ رامي. دخلت البيت وسلمت على خالتها. ندي: أومال فهد فين يا خالتي؟ الخالة: أول مرة تسألي على فهد ومتسأليش على رامي، بس هو جوه يا حبيبتي مع رامي. ندي: ماشي يا خالتي. دخلت لـ رامي وفهد. رامي: أهلاً، ازيك يا ندي؟ ندي: الحمد لله. فهد: أهليين يا بنت الغالية. ندي: ازيك يا فهد؟ فهد: طب أسيبكوا أنا بقى.

ندي: لأ استني، مش انت اللي هتسيبنا، رامي هو اللي هيسيبنا. بعد إذنك يا رامي. رامي باستغراب: انتي عايزة فهد؟ ندي: مالك مستغرب ليه؟ آه عايزاه. رامي خرج وهو زهقان ومشي. بعد فترة من الكلام مع فهد: فهد: من غير ما حد يتأذي. ندي: من غير ما حد يتاذي. ومشيت. عند منه: منه وخالد خرجوا من الكافيه وراحوا بيتهم. نسيت أعرفكم بخالد. خالد 25 سنة مهندس. خالد وفهد ورامي شركاء في الشركة، بيشتغلوا هما التلاتة مع بعض فيها وهما اللي أسسوها.

منه في أوضتها: خالد يا خالد، تعالي بسرعة. خالد: إيه يا منه، في إيه؟ منه: الحق رامي عمل إيه؟ عند رامي: رامي: هي ندي كانت عايزة إيه؟ فهد: مفيش، شوية حاجات كده. رامي: حاجات!! فهد: آه حاجات، وبعدين انت مالك أصلاً؟ انت مش جرحتها وسبتها؟ رامي: بس هي اتغيرت، أول مرة أشوفها لابسة فستان. فهد: خلاص يا رامي، فات الأوان. رامي: يعني إيه؟ فهد: هتعرف بعدين. عند ندي: خالد اتصل عليها. ندي: الو، ازيك يا ابن خالتي؟

خالد: مش وقت سلام دلوقتي، انتي شفتي رامي عمل إيه لأختي؟ ندي باستغراب مصطنع: منه، ليه عملها إيه؟ خالد: ندي: تؤتؤتؤ، إزاي قدر يعمل كده؟ رامي: وحياة أمي ما هرحمه.