رواية ولو بعد حين الفصل الخامس عشر 15 - بقلم خلود احمد

يوسف لاحظ إن الشخص ده قاعد يبص عليها واتضايق جداً. ليال: مالك؟ يوسف: مفيش حاجه، أنا كويس. ليال هزت راسها وبتبص الناحية التانية لقت حسام. اتوترت وبان على وشها. يوسف استغرب: مالك يا ليال؟ ليال: ولا حاجه، تعالى نسلم عليهم يلا. يوسف: هنمشي دلوقتي؟ ليال: لا، شويه كده. احنا لسه داخلين. قصدي نسلم على أميرة وخطيبها. يوسف: امم تمام، يلا. مدلها ايده وهى مسكتها وابتسمت. أميرة: لايقين على بعض مووووت، ربنا يحفظكم.

ليال: وانتوا كمان ياقلبي، ألف مبروك. أميرة حضنتها ويوسف سلم على خطيب أميرة وقال لاميرة مبروك مع ابتسامة. وهما نازلين، حسام كان بيبص لـ ليال بس هي بتحاول متبصش ليه. يوسف: حاسك متوترة. ليال: لا، أنا كويسة. وانكشفت وضحكت بقصد عشان حسام. يوسف استغرب ومال على ودنها: انتى كويسة أكيد ولا سخنة؟ ليال: ههه، كويسة والله. فضلوا قاعدين وبعدين وقت الرقصة السلو. أميرة وخطيبها كانوا بيرقصوا سوا وهي كانت بتبصلهم ومبتسمة. يوسف: ترقصي؟

ليال استغربت: ها؟ يوسف: تعالي. وخدها من ايدها وطلعوا على الاستديو. حط ايده حوالين وسطها وهى حطت ايدها ورا رقبته وكانوا بيرقصوا سوا وقريبين من بعض. حسام كان واقف مخنوق. تامر: انت مش على بعضك ليه من ساعة ما شوفتها. حسام: مش ده اللي كانت بتقول مغصوبة عليه؟ داخلين يحبوا في بعض ودلوقتي بيرقصوا سوا. تامر: وانت مالك؟ مش جوزها؟ انت اللي اخترت على فكرة، كان زمانك مكانه دلوقتي.

حسام: مكنتش اعرف إنها هتوافق بجد، لأنها كانت بتحبني. تامر: وانت كنت بتتسلى؟ أي الجديد. حسام: بس أنا دلوقتي حاسس إني مكنتش بتسلى، أنا غير... تامر: انت مجنون يابني! جوزها معاها، اهدى كده وافرد وشك عشان باين عليك. حسام: تمام، تمام. تامر: اوووف، الحق. حسام بص لقي ليال بتبوس يوسف في خده. تامر مسك ايده: اهددددى. كانوا بيرقصوا سوا وليال كانت مبسوطة، حتى يوسف كان حاسس بشعور حلو وهى قريبة منه.

يوسف: الحاجة الوحيدة العدلة في اليوم. ليال ابتسمت: يوم جميل أوي، شكراً إنك وافقت. وعشان كده هخليهم حاجتين حلوين. يوسف: بجد؟ إيه هما؟ ليال قربت منه وباسته في خده وكملت رقص عادي. حسام كان شافهم في الوقت ده. يوسف ابتسم: اووه، مكنتش متخيل. ليال ضحكت: يلا نقعد بقى عشان كله بيبص علينا. يوسف: واحد ومراته، هما ماله؟ ليال: انت ما صدقت ولا إيه؟ يلا. يوسف: صحيح اللي قال مود الست بيتغير مية مرة. يلا يا حبيبي. ليال: حبيبي؟

يوسف: قلبي، طيب ولا إيه؟ ليال: ولا ده ولا ده. نزلوا قعدوا شوية. ليال: هدخل التويلت وأجي. يوسف: تمام. راحت تظبط الميكب. وهي داخلة لقت حسام. حسام: لا والله؟ ليال مشيت مردتش عليه. حسام: أنا بكلمك على فكرة. ليال: عايز إيه؟ حسام: هي بقت كده يا ليال؟ ليال: هو إيه اللي بقى كده؟ وبعدين انت إيه اللي جايبك هنا؟ حسام: خطيب أميرة صاحبتي. بس أنا شايف إنك مقضياها يعني، مش مغصوبة ولا حاجة. ليال: ملكش دعوة، ابعد لو سمحت عايزة أعدي.

حسام: ليال، أنا لسه بحبك. ليال بحزن: بتحبني!! أنا بقيت متجوزة خلاص، فاهم يعني إيه؟ يعني ليا حياتي ومش فاضية لتفاهتك دي دلوقتي. عرفت إنك بتحبني، ههه، والله حاجة حلوة. حسام: ليال، اديني فرصة آ... ليال زقته ومشيت. يوسف: رجعتي بسرعة ليه؟ ليال: مفيش زحمة جوا، يلا هنمشي خلاص. يوسف: تمام، يلا. خرجوا برا القاعة وحسام كان واقف بردوا. يوسف: لا كده كتير بقى. ليال: بتقول إيه؟ يوسف فتحلها الباب: مفيش، اطلعي وأنا جاي. ليال: تمام.

يوسف مشي راح عنده وهى شافتهم من العربية اتصدمت. يوسف: خير يا غالي، في حاجة؟ حسام: حاجة إيه؟ يوسف حط ايده على جرافة حسام: يعني شايفك مركز معانا من ساعة ما دخلنا، انت تعرفنا وأنا مش واخد بالي. حسام بص على ليال في العربية. يوسف عدل وشه بإيده: تؤ، بصلي هنا، أنا اللي بكلمك. حسام اتضايق وشال ايده: منا مش أعمى. يوسف حط ايده في جيبه وبيتلكم بنفس البرود: امم، يبقى نعميك إحنا طالما عينك بتبص على اللي مش ليك.

حسام: اتكلم على قدك ومتعملش فيها جوزها أوي، عشان أنا عارف اللي فيها. أما تبقي تحبك ابقى تعالى واتكلم معايا بالثقة دي. يوسف استغرب وسكت شوية: اممم، انت مين بقى؟ حسام: ابقي اسألها. 😏 وسابه ومشي. يوسف تقريبا كان في نار بتطلع منه. 😂😡😡😡 كان عامل كده. شغل العربية وساق بعصبية. ليال كانت خايفة تسأله اتكلم معاه في إيه، فضلت ساكتة. يوسف: مين ده؟ ليال: هو مين؟ يوسف: متعمليش فيها غبية، انتي عارفة أنا بتكلم على مين.

ليال خافت من نبرة صوته وسكتت. يوسف: بسألك مرة تانية، مين ده؟ ليال بصتله وبعدين بصت من الشباك: كان حبيبي القديم. يوسف حرك راسه: اممم، حبيبك القديم! ليال فضلت باصة برا ومردتش عليه وهو كان سايق بعصبية وبسرعة.