رواية ولو بعد حين الفصل الثالث 3 - بقلم خلود احمد

عمر: انتي اسمك إيه. البنت: مش عارفه. عمر: اممم، تعالي نسميكي احنا، موافقه؟ البنت بمرح: يث، yes. عمر: ياسمين ولا ساره؟ يوسف: عندها حرف السين يا ابني. عمر: يارا ولا يمنى؟ البنت: تؤ، وحشين. عمر فضل يقول أسماء كتير معجبهاش حاجة. يوسف: تعالي نسميها ملك وخلاص، اسم سهل. البنت: ياااااه، حلوو. عمر: 🤨 والله ما أنا بقالي ساعة بقولك في أسماء. يوسف: خلاص يعم، المهم لقينا اسم. ملك: أنا جعانه.

يوسف: اتصرف انت بقي عشان أنا اتخنقت، مليش خلق. ودخل أوضته. عمر: عايزة تاكلي إيه يا ملوكه؟ ملك: نودلز. عمر: ماشي، هنزل أجيب ليا أنا وانتي ونعمله. ملك: انت طيب مش شرير زي يوسف. عمر: هههه، لا يوسف طيب برضو بس أما يتعود عليكي. نزل جاب وعمله، دخل طبق ليوسف وقعد على السفرة ياكل مع ملك. مامتهم رجعت وفتحت الباب. فايزة بفرح: إيه دااا! انتي صحيتي ياحبيبتي! حمدالله علي السلامه. وراحت حضناها. ملك: هو انتي مين؟

فايزة: أنا طنط فايزة، بس قوليلي ماما. ملك: ماما فين وفين بيتنا؟ فايزة: بصي، انتي توهتي منهم وهتقعدي عندنا، ولما يلاقوكي هييجوا ونديكي ليهم، متخافيش، أنا ماما ودول أخواتك، ماشي. ملك بتاخد شوكة من الطبق وبتاكل: اممم، يوسف وحش. عمر: هو أخويا. فايزة ضحكت عليها، وعمر حكالها كل اللي حصل. اليوم عدى وخالد رجع وقعد يتكلم مع ملك، واتجمعوا على العشاء. يوسف: انتي قاعدة جمبي ليه؟

ملك: عشان ده مكان الصغيرين، وعمر كبير وماما كبيرة هيقعدوا جمب بعض. يوسف بضيق: ماما مين؟ ملك ببلاهة: ماما فايزة دي. وشاورت عليها. يوسف: دي أمي أنا، مليش دعوة بيها، فاهمه؟ ملك نزلت من على الكرسي ودخلت أوضتها جري. خالد: كده ينفع؟ عمر: مينفعش كده يا يوسف، دي عيلة صغيرة. فايزة: حرام عليك، زعلتها. يوسف: يوووه، كلكم عليا. خالد: عشان غلطان، قوم يلا صالحها وخليها تيجي تاكل. يوسف: يا بابا بس... خالد: قوم. يوسف نفخ بضيق وقام.

خبط على الباب. ملك: ادخل. يوسف دخل لاقاها قاعدة تعيط. يوسف: يلا تعالي كملي أكل. ملك: مش عايزة. يوسف اتنهد وراح قعد جمبها على السرير: متزعليش يا ملك، بس لسه متعودتش، وأنا بحب ماما أوي عشان كده اتضايقت. ملك: مانا كمان بحبها. يوسف: يشيخه، لحقتي تحبيها في يوم؟ ملك: آه، وبحب عمر وبابا خالد. يوسف: امم، معنى كده إنك مش بتحبيني. ملك: لا، عشان بتزعلني على طول. يوسف: هحاول أعاملك كويس. ملك مردتش عليه. يوسف: قومي يلا، أنا جعان.

ملك: تؤ. يوسف: طيييب، تعالي بقي. وشالها على كتفه وقعد يزغزغ فيها، وخرج، كانت بتضحك بصوت عالي وبتقول: خلاص يا يوثف، خلاص. فايزة وعمر ضحكوا عليه. عمر: أيوا كده. فايزة: ربنا يسعدكم دايما يا حبايبى. ملك: يوثف. يوسف: هاملك. ملك مسكت راسه وشوشته: أنا لسه زعلانه وعايزة حلويات. يوسف: والله؟ ملك: 🥺🥺 يوسف: يارب صبرني. ماما، بعد العشا هاخد ملك أشتريلها حلويات. فايزة: ماشي ياحبيبي، بس متتأخروش تحت وخلي بالك منها. يوسف: حاضر.

في مكان تاني أشبه بالقصر. الجد: اختفت يعني يا عماد! معقول مش لاقيين جثتها حتى! إزاااي؟ عماد: يا بابا، أنا قلبي بيتقطع كل يوم أنا وأمها، متزودهاش عليا بقي، كفايه، ارجوك. خديجة: ااااه يا قلبي يا ماما، أنا السبب، أنا السبب، يا ريتني ما سبتك في العربية لوحدك. عماد طبطب عليها: خلاص يا حبيبتي، اهدى. خديجة: ياترى هي عايشة ولا لا يا عماد؟ ياترى هشوفها تاني ولا لا؟ دور تاني، اعمل حاجة يا بابا، ارجوك.

الجد: يا بنتي، إحنا في القاهرة، مدينة كبيرة جدا، يعني لو كانت تايهة ممكن ما نلاقيهاش، ولو كانت مخطوفة برضو، الشرطة شايفه شغلها، هنعمل إيه بس؟ ربنا قادر يرجعها. خديجة بقهر: ياااارب، يارب رجعلي بنتي ياااارب. عماد بحزن: آمين، آمين. ملك كانت ماسكة إيد يوسف بطفولة وقاعدة تحرك فيها لورا وقدام. يوسف: اهدى بقي يا بنتي. ملك: فين السوبر ماركت؟ إحنا مشينا كتير. يوسف: هناك أهوي.

يوسف واقف بيختار الشوكولاتة، وملك سمعت صوت زمارة برا، بصت على الصوت، لقيته بتاع غزل البنات، طلعت برا. كان واقف على ناصية الشارع، هي خرجت جري. يوسف بص جمبه ملقهاش، خرج بسرعة، لاقاها بتجري وعربية جاية من الطريق بسرعة و...