رواية ولو بعد حين الفصل الرابع 4 - بقلم خلود احمد

يوسف بص جنبه ملقهاش. خرج بسرعة لقاها بتجري وعربية جاية من الطريق بسرعة. يوسف: مللللللك! اقفي يا مللللللك بسررعة! ملك بصت وراها، وبالظبط العربية وقفت قدامها. يوسف: حصلك حاجة؟ انتي كويسة؟ السواق: انت يابني سايبها تجري كده في الشارع؟ افرض جت تحت العربية دلوقتي. يوسف: اسف ياعمو، جريت من غير ما اشوفها. السواق: حصل خير. يوسف شالها وبعد عن الطريق. يوسف: كده يا ملك؟ كنتي هتتعوري. ملك: كنت عايزة غزل بنات 🥺.

يوسف: ما تقولي وأنا أجيبلك. يلا تعالي ناخد الحلويات وهروح أجيبلك. ملك: نزلني. يوسف: لأ، هفضل شايلك لغاية البيت. اسكتي بقى. ملك: ماشي. راح جابلها، وروحوا البيت. أكلت ونامت. ........................ تاني يوم، يوسف راح المدرسة وعمر في الدراسة. فايزة كانت بتحضر الأكل، وملك قاعدة على الرخامة. ملك: ماما، يوسف بقي طيب. وأنا بقيت بحبه. فايزة: هو طيب بس بيحب يعاند. ملك: آه، ولما يرجع هقوله ثانكيو.

فايزة: ههه، ماشي يا أم ثانكيو. خالد رجع من الشغل. خالد: ملوكة، تعالي شوفي جبتلك إيه. ملك طلعت تجري. ملك: جبتلي إيه؟ خالد: تعالي يا فايزة شوفي. ملك: اللله! الهدوم دي حلوة قوي يا بابي. شكراً. وراحت باسته من خده. فايزة: تتهنى بيهم يا قلبي. ملك: أنا بحبكم قوي. فين هدوم يوسف وعمر؟ خالد: أنا لسه جايب لهم قريب. ملك: ماشي. وأخدت هدومها بفرحة ودخلت الأوضة. فايزة: تعيش وتجيب يا أبو عمر. خالد: وجبتلك دي. فتحت العلبة لقت سلسلة.

فايزة: ليه بس كده؟ مانت خيرك مكفي يا حبيبي. خالد باس راسها. خالد: مش هجيب لإعز منك يا فيفي. فايزة: هههه، دا وقت دلع برضو. ادخل غير بسرعة يلا عشان الغدا. خالد: حاضر. عمر ويوسف رجعوا واتغدوا كلهم وقضوا اليوم عادي. عمر نام، ويوسف كان في أوضته. لقي الباب بيخبط. ملك: يوسف، شوف! وراحت بالفستان اللي لابسه. يوسف: جميل. ملك: لسه فيه كمان. وراحت لابسة كل الهدوم وورتهاله. يوسف: كلهم حلوين يا ملك، تتهني بيهم.

ملك راحت عنده ووقفت على صوابعها. ملك: تعالي كده. يوسف وطى راسه لها. راحت باسته من خده. ملك: ثانكيو عشان امبارح. يوسف رفع وشه وابتسم. يوسف: أهم حاجة اتبسطي. ملك: جداااا. يلا تصبح على خير. يوسف: وانتي من أهله. ........................ الأيام بقت بتعدي، وملك بقت قريبة منهم جداً، وكلهم بيحبوها. وقدمت في المدرسة وامتحانات عمر قربت تخلص، ويوسف نجح. ........................ في المكان التاني:

خديجة: خلاص يا عماد، بنتي مش هترجع تاني. عماد: يا حبيبتي، إحنا عملنا كل اللي قدرنا عليه ولسه بندور. خديجة: بتدوروا على إيه؟ عدى أربع شهور خلاص! بنتي ضاعت يا ناااس. زمانها نستني أصلاً. إبراهيم (أخو عماد الكبير) : استعوضوا ربنا بقى. خديجة: دي بنتي الوحيدة. يعني ترضي حد من عيالك يحصله كده؟ إنتوا حرام عليكم كلكم. إنتوا قلبكم إيه؟ حجر! وسابتهم ومشيت. عماد: متزعلش يا إبراهيم، غصب عنها، أم وأنت عارف.

إبراهيم: عارف والله. ربنا يصبر قلبها ويردهالكم بالسلامة. يلا يا حازم، هنتأخر على الشركة. حازم (ابن إبراهيم الكبير، 21 سنة، وعنده أخت كمان 16 سنة) ........................ يوم نتيجة الثانوية بتاع عمر. يوسف كان برا مع صحابه، وخالد في الشغل. عمر كان قاعد متوتر وخايف. ملك: عمر، تعالي العب معايا. عمر: مش وقته يا ملك. ملك: يووه، قوم بقي هزعل منك. عمر: يا ملك! اسكتي بقي. ملك: عشان خاطري، عشان خاطري.

عمر اتنرفز: مش قولتلك اسكتي خلاص! اتهدي واقعدي في مكان بقي، أنا مش طايق حد دلوقتي. ملك دخلت أوضتها وقعدت تعيط جامد. يوسف رجع من برا. يوسف: أمال عمر فين؟ فايزة: مش عارفة، أنا كنت بجيب خضار، لسه طالعة. يوسف خد تفاحة من اللي موجودة. يوسف: مغسولة؟ فايزة: أيوا ياحبيبي. خرج من المطبخ وراح أوضته. ملك: إيه ده؟ مالك؟ في إيه؟ ملك خبت وشها في المخدة. يوسف: في إيه؟ بتعيطي ليه يا ملوكة؟ ملك: مفيش.

يوسف: قومي بس كلميني كده، كل الدموع دي ومفيش حاجة؟ ملك حضنته. ملك: أنا زعلانة من عمر عشان بقاله كام يوم بيزعقلي كل شوية ومش بيعاملني حلو. يوسف حس بشعور غريب لما حضنته، يمكن فرحان. يوسف: احمم، متزعليش منه، هو بس متوتر عشان نتيجته. ملك بعدت عن حضنه. ملك: يعني يوم نتيجة بتاعتك هتعمل معايا كده؟ يوسف: هههه، ياااه، حد عاش ليومها؟ لسه سنتين وأدخل الثانوى أصلاً. ملك: وأنا هدخل إمتى عشان أزعق لعمر يوم نتيجتي؟

يوسف: لسه بدري أوي يا ملوكتي. ملك: انت أول مرة تقول ملوكتي يا يوسف. يوسف: اممم، دلع جديد بدل ملوكة، مش عاجبك ولا إيه؟ ملك: حلو أوي. يوسف: على فكرة عندي ليكِ مفاجأة. ملك: بجددد! يلا عاوزاها دلوقتي. يوسف: هديهالك بليل بعد ما نشوف نتيجة عمر. ملك: ماشي. يوسف: هروح أشوفه بقي. ملك: هات التفاحة دي. يوسف قرصها في خدها. يوسف: هو انتي كل ما تشوفيني ماسك حاجة تاخديها؟ امسكي يختي. وخرج راح لعمر. يوسف: في إيه؟

عمر: مفيش حاجة. انت عايز إيه؟ يوسف: مزعل ملك ليه؟ عمر: وإيه يعني لو زعلتها؟ هي أهم عندك مني؟ يوسف: انت بتقول إيه يا عمر؟ انت اتجننت؟ عمر: أنا مش طايق نفسي. ابعد عني الساعة دي. يوسف بصوت عالي: هو إيه؟ مش طايق نفسك؟ هي البت مالها تتعصب عليها بتاع إيه يعني، وسايبها تعيط جوه؟ عمر: انت قاعد تدافع عنها ليه؟ الله يرحم لما كنت بتشتمها ومش طايقها. يوسف: إيه لازمته الكلام ده دلوقتي؟ فايزة دخلت.

فايزة: انتوا بتتخانقوا على إيه كده وصوتكم عالي؟ يوسف: ابنك مزعل ملك ومزعقلها. عمر: يووه! ملك ملك ملك! مفيش غير ست ملك! انت في إيه بينك وبينها؟ فايزة: عمر، عيب الكلام دا، ملك أختكم. يوسف: قوليله والنبي، شكله اتجنن. فايزة: وانت كمان اسكت. انت عارف إنه متوتر من النتيجة. عمر: أنا سايب لكم البيت كله ونازل. فايزة: عمررر، رايح فين؟ عمرر كده يا يوسف! يوسف: هيطلع تاني دلوقتي. سيبه يمكن يرتاح.

بعد ساعتين، عمر خبط على الباب جامد. فايزة طلعت جري، ويوسف خرج من أوضته، وملك كمان اتصدموا لما شافوه بيعيط. عمر...