رواية وما الدنيا الفصل الحادي عشر 11 - بقلم نادية خلف

تاني يوم كانت الأغاني مالية العمارة وكله بيهني ويبارك. المأذون جه وبدأ كتب الكتاب. "من وكيلك يا بنتي؟ شهد ردت: "عمي محمود." (شهد قالتله ييجي بس من غير ما يعرف السبب) "طب قولي زوجتك موكلتي... محمود رد: "كده." وزياد قال: "وأنا قبلت الزواج." محمود حضن زياد وقاله: "ألف مبروك يا بني، حطها في عينيك." زياد بابتسامة مزيفة: "حاضر يا عمي." ومسك إيد هدي وقالها: "يلا بينا يا عروسة."

وطبعًا هدي كانت لابسة فستان زفاف وميكب علشان محدش يشك، وأهل العمارة زفوها وكانوا فرحانين من قلبهم. زياد أخدها ومشي. المأذون كان هيمشي. عمار قاله: "مش قبل ما تكتب كتابنا يا مولانا." محمود باستغراب: "إيه معناه ده؟ شهد بثبات: "أنا وعمار يا عمي هنتجوز." عائشة بصدمة: "إيه الكلام ده يا شهد؟ شهد: "من فضلك يا عمي، اتفضل تكون وكيلي." محمود: "يبقى عمها بس مش شقيق. ماشي." عائشة: "شهد! شهد: "من فضلك يا عائشة، دي حاجة تخصني."

آدم: "خليكي بعيد يا ست عائشة أنتي." تم كتب الكتاب والمأذون مشي، وكمان محمود والجيران باركوا ومشيوا. عمار: "يلا بينا يا شهد." شهد: "بس عائشة... عمار: "ما تشغليش بالك، هتيجي معانا." عائشة بغضب: "لا، اتفضل خد مراتك. أنا مش هروح مكان." شهد: "يا عائشة، مالك؟ عائشة: "مش عارفة مالي، إنتي إزاي كده؟ شهد: "علشان كان لازم ده يحصل، هو وقف معانا في موضوع هدي، وده كان طلبه مني أرفض." عائشة عيطت: "استغفر الله العظيم."

عمار: "يلا يا عائشة، هادي لبسك ويلا، ومفيش اعتراض." شهد: "علشان خاطري." آدم: "يا ستي يلا بقااا." *** عند هدي وزياد، كل واحد انعزل لوحده تمامًا. عند شهد وعمار، كانت الشقة كبيرة جدًا. عائشة دخلت أوضتها وقفلت على نفسها، وكانت منبهرة جدًا بيها، وكل أوضة نوم ملحقة بحمام. عمار أول ما دخلوا الأوضة حضن شهد، إللي اتجمدت مكانها ومكنتش عارفة تعمل إيه. عمار قرب منها ومبعدش تاني، وهي تركت نفسها ليه بما إنه جوزها و... ***

تاني يوم، رجب كان هيتجنن ومش عارف يعمل. "إنت كمان جيالي بمصيبة؟ رأفت: "خلعتني يا بابا." "دي لازم تموت! "لا يا بابا، خلص، إللي حصل حصل. ورجاءً سيب عمار في حاله. إنت جوزتني على مزاجك وشوف النهاية. يمكن عمار ينجح في حياته. عيد حياتك يا بابا، شوف أي الغلط فيها. قرب من ماما، بلاش جو أنا ابن وزير وهي بنت فراش. ده مش بالمكان يا بابا، بالقلوب والناس إللي بتحبنا." رأفت ماشي ورجب بدأ يعيد تفكيره من الأول وجديد.

"هو أنا في الجنة يا شهد؟ شهد خبّت وشها بالبطانية واتحرجت. وهو ضمها لحضنه أكتر وقال: "حقيقي أنا بحبك أوي." شهد لا إراديًا: "بجد؟ "آه والله، بحبك من ساعة ما شوفتك وأنا دايب فيكي." شهد: "خلص بقاا، أنا بتكسف." عمار ضحك: "ههههههه، ماشي، هسكت. ويلا قومي خدي شاور واطمني على أخواتك." شهد: "حاضر." لابست بيجامة فائقة الجمال وعملت شعرها ديل حصان، وخرجت تشوف عائشة. عائشة: "مبروك يا شهد." شهد بفرحة بيّنة

في عينيها: "الله يبارك فيكي." عائشة بتفحص: "شهد، هو أنتي فرحانة؟ شهد: "ااا... عائشة: "لا بجد، أنتي بيّن عليكي الفرحة أوووي." شهد قعدت واتنهدت وقالت: "مش عارفة، هو إللي أنا فيه إيه؟ ممكن أكون استسلمت لأمر الواقع، وكمان أنا شايفة إن عمار راجل جدًا." عائشة: "آه، ربنا يسعدك. ماما كلمتني وزعلانه وبتقولي إنها عرفت إللي حصل من الجيران." شهد بتعجب: "هي لسه فاكرانا؟ عائشة: "يلا، أنا رضيتها وطمنتها وخلاص."

شهد: "ماشي. المهم، عاوزين نطمن على هدي."