رواية وما الدنيا الفصل الثاني عشر 12 - بقلم نادية خلف

عمار أخد شاور وطلع لاقي شهد قاعدة بصّلها وقال: "بيان عل هاخد شاور تاني." شهد: "قصدك إيه؟ عمار ضحك وقال: "ولا حاجة." شهد: "تمام، أنا كلمت هدي." عمار: "آه." شهد: "وقالت إنه كله تمام وكل واحد في حاله، واستغربت جدًا لما عرفت بجوازنا." عمار: "وإنتي قلتي لها إيه؟ شهد: " عادي." عمار بصّلها وقال: "شهد، هو ما فيش منك أي مشاعر ليا؟ شهد اتحرجت وسكتت. عمار اتنهد وقال: "براحتك. على العموم أنا رايح الفيلا ولو حابة تيجي معايا."

شهد بسرعة: "لا." عمار فهم: "متقلقيش يا شهد، بابا ميقدرش يتعرضلك بحاجة، ولأنك بقيتي على اسمي." شهد: "تروح وترجع بالسلامة." عمار باسها في خدها ومشي. هي كل مرة بيعمل حاجة جديدة بتستغرب أكتر. *** بعد شوية عائشة لبست ونزلت راحت تحفظ القرآن وقبلت سيدة فاضلة هناك. السيدة: "اسمك إيه يا عسل؟ عائشة: "يا طنط." السيدة: "تبارك الله أحسن الخالقين. إنتي عندك كام سنة؟ عائشة: "18." السيدة: "آه، في سنة كام؟

عائشة: "خلصت تانية ثانوي وهدخل تالتة إن شاء الله." السيدة: "ربنا يوفقك يا عمري." عائشة: "اللهم آمين." السيدة: "ممكن أقولك حاجة ومتزعليش؟ عائشة: "اتفضلي." السيدة: "أنا ابني حافظ القرآن وهو مخلص جامعة السنة، يعني بيمتحن وهيتخرج وهيشتغل في شركة واحد زميل باباه، وهو والله عارف ربنا." عائشة: "ربنا يبارك لحضرتك فيه. بس أنا إيه دخلي؟ السيدة: "ما هو ده مربط الفرس." عائشة: "يعني إيه؟ السيدة: "أنا هقولك ونيجي نتقدم لك."

عائشة: "إييي؟ السيدة: "إيه يا بنتي." عائشة: "أنا لسه صغيرة يا طنط." السيدة: "ولا صغيرة ولا حاجة. بعد ما تخلصي الثانوية إن شاء الله تتجوزوا." عائشة: "يا طنط! السيدة: "هاتي بس رقم والدتك ولا والدك." عائشة: "أنا والدي متوفي ووالدتي يعني متجوزة ومش عايشين معاها." السيدة: "طب ما فيش حد نكلمه؟ عائشة: "بصي أنا هديكي رقم أختي الكبيرة وهي متجوزة." السيدة: "تمام، هاتي." عائشة: "حاضر." *** "ماما عاملة إيه؟

"كويسة يا حبيبي، بس أنا زعلانة منك." "والله يا ماما لو ما جتش كده مكنتش هتيجي خالص." رأفت ضحك وقال: "أصل الواد مستعجل." عمار: "بس ياض أنت هدد مراتي." رأفت بمرح: "أوامر ولازم تتنفذ يا باشا. وبعدين مكنتش أعرف إنها مراتك." عمار خبطه بالمخدة: "بطل يلا استظراف." آدم: "هههههه. بس بقولك أنا هشقط عائشة." عمار: "يخرب بيت ألفاظك يا بني. إيه هشقط دي، وبعدين عائشة مين دي اللي تتجوزها؟ آدم بغيظ: "لا والله مش قد المقام ولا إيه؟

عمار: "يا بني دي حاجة كده مستحيل ترضي. دي ممكن تكون عايزة واحد أزهري وإمام مسجد ومش صايع في الكلية ومعلق نص البنات." كلهم فضلوا يضحكوا وأدم متغاظ منهم. وثواني وتلفونه رن، رد: "ألو يا شهد." "ألو يا عمار بقولك." "قولي يا حبي." "اتكلم حلو شوية." "ما هو ده الحلو كله." (طبعًا كلهم هيموتوا من الضحك عليه) "عمااار." "خلص خلص." "عائشة قالتلي... "وإنتي عملتي إيه؟ "الست دي كلمتني وقالت له هاخد معاد من جوزي وأرد عليكي."

"تمام، عين العقل." "آه، إمتى بقى؟ "يعني الأول عائشة رأيها إيه؟ "هي قالت نقعد رؤية شرعية الأول." "يعني موافقة؟ "هي موافقة تقعد معاه الأول لما عرفت أنه حافظ القرآن." "ماشي، خليها الأسبوع الجاي، تكوني إنتي خلصتي امتحان." "حاضر. سلام." "سلام." "ابسط يا عم آدم، أديها هتتخطب." آدم بصدمة: "إنت بتهزر؟ "والله أخدنا معاد معاهم آخر الأسبوع الجاي." آدم بزعيق: "همممم، مين دول؟ عزة: "براحة يا آدم في إيه؟

آدم بعصبية: "شايفة ابنك يا ماما بيعمل معايا إيه؟ رأفت: "خو، إنت بتحبها بجد ولا إيه؟ عمار: "يا عم حب إيه ده، عيل مفعص." آدم: "اتكلم معايا عدل، وبعدين أنا ليا عليك جمايل كتيررر، نسيت ولا أفكرك؟ عزة: "اقعدوا واهدوا يا ولاد." قعدوا وأدم قرب يدخن. رأفت قال: "لو الموضوع جد، خلص يا عمار قول لمراتك وخليهم يتخطبوا." عمار: "اللي بتقوله ده مستحيل. دي مراتي بتقولي دي وافقت أنها تقعد مع العريس ده عشان حافظ القرآن يا بني."

عزة: "هو الموضوع بيان صعب؟ عمار: "على العموم يا آدم إحنا نشوف ده عشان متفكرش إننا يعني كده. طبعًا إنت فاهم." آدم: "آآآه، ماشي. بس المهم متوافقش." عمار بتسويف: "ليك عليا أطلع في العيوب كلها." آدم: "ماشي، أما أشوف." *** جاء الوقت المحدد ورأفت وعمار قعدوا مع العريس ووو