رواية وما كتب العشق الا لها الفصل العاشر 10 - بقلم ندى سمير

في مكتب رعد. الباب فتح فجأة. رعد بعصبية: هو مش مفروض تستأذني الأول ولا إيه؟ روفيدا بدلع: لا يا بيبي، أستأذن ليه؟ وأنا داخلة مكتب خطيبي. رعد ببرود: الحركة دي متتكررش تاني، مفهوم؟ روفيدا: خلاص بقى يا بيبي. صحيح، بابي معزوم عندك انكل محمد انهارده، هيحددوا معاد. رعد باستغراب: معاد إيه؟ روفيدا: معاد جوازنا يا قلبي. وهنا طلع صوت أنثوي: تتجوزي مين يا أختي؟ سمعيني كده، هو أبيه رعد يوم ما يتجوز هيتجوزك انتي؟ رعد بصدمة: حور؟

حور وهي بتحضنه: وحشتني أوي أوي يا أبيه. روفيدا بعصبية: انتي مين يا مقرف*ة انتي؟ هي الأشكال دي بتتحدف علينا منين بس يا رب؟ حور بتريقة: إيه دا؟ هو انتي تعرفي ربنا؟ روفيدا بعصبية: انتي يابنت الـ... رعد بغضب وصوت عالي: روفيدا، أو إوعي تشتميها، فاهمة؟ روفيدا: بس أنا... والباب خبط. رعد: ادخل. قدر: رعد، اتفضل الملفات أهي. رعد بعصبية: اسمي أستاذ رعد، ويا ريت تلتزمي بمجلدات الشركة يا آنسة.

قدر بعملية: تمام، آسفة يا أستاذ رعد، وأنا هغير المجلدات دلوقتي. وسابتهم وخرجت. حور بزعل: انت ليه كلمتها كده يا أبيه؟ رعد: أنا كام مرة أقولك بطلي كلمة أبيه دي يا حور. حور: برضو ليه؟ زعلتها. روفيدا بعصبية: لو عايزين أجيب لكم اتنين لمون؟ رعد: لا، إحنا عايزينك انتي تمشي، ومستغنيين عن خدماتك. روفيدا: بقى كده يا رعد؟ ماشي، أنا هشتكي لإنكل محمد وبابي. حور بتريقة: لمين ياختي؟ قال بابي قال. بطلي سهو*كة كده واتعدلي.

رعد: خلاص يا حور، خلي اليوم دا يعدي. حور: ماشي، علشانك انت بس. روفيدا وهي خارجة: إيه الأشكال البيئ*ة دي؟ أنا خارجة. حور: في داهية يا قلبي. رعد: خلاص يا حور، فكك منها. قوليلي انتي جيتي هنا إزاي وخرجتي إزاي؟ حور: أنا تممت 18 سنة انهارده، علشان كده قدرت أخرج من الميتم، ومعرفتش أروح فين، وافتكرتك وانت بتوصفلي الأماكن، وسألت عنك لحد ما جيت. رعد: وانتي قدرتي تهربي من الأمن إزاي؟ حور: هي مين البنت اللي انت زعلتها دي؟

رعد: بطلي تغيري الموضوع، هربتي منهم إزاي؟ حور: اممم، بصراحة يعني، نطيت من المبنى اللي جنبك. رعد: عملتي إيه؟ حور: خلاص بقى يا أبيه، دي مسافة صغيرة. رعد: مسافة صغيرة إيه دي؟ 5 متر، دا غير ارتفاع المبنى. انتي بتهزري؟ انتي فاهمة إنك كان ممكن تخسري حياتك يا مجنونة؟ حور: خلاص بقى، آخر مرة. متزعلش. عند قدر. ملك: إيه يا قدر؟ مالك متضايقة كده؟ دا أنا حتى جايه أقدم الـ CV بتاعي وأشتغل معاكي.

قدر: مفيش حاجة يا ملك. عايزة مساعدتي ولا حاجة؟ ملك بتوتر: لا، تعالي معايا بس. قدر: ماشي يا قلبي، يلا. ... : أوبااااا! هو القمر بيطلع في شركتنا من أمته يا جماعة؟ ... : ملك؟ يا ترى مين حور دي؟ وليه رعد مهتم بيها؟ ومين اللي كانوا بيتكلموا دا؟ اللي هنعرفه البارت الجاي.