رواية وما كتب العشق الا لها الفصل التاسع 9 - بقلم ندى سمير

محمد بعصبية: متتأخرش يا رعد. رعد باستغراب: حاضر يا بابا. رعد طلع يغيّر هدومه. أيان باستغراب: هو عمي محمد متعصّب ليه؟ دعاء: والله يا ابني أنا معرفش. طارق: هنعرف دلوقتي استنوا. في المكتب. محمد: دلوقتي أحكيلي بقى. رعد باستغراب: أحكي إيه يا بابا؟ محمد بعصبية: أحكيلي إيه حوار قدر ده بالظبط. رعد: مالها قدر يا بابا؟ مش فاهم. محمد: اممم تمام. ابتدي أنا يعني... إيه علاقتك بيها؟ رعد: يا بابا، رعد السكرتيرة بتاعتي مش أكتر.

محمد: هعتبر نفسي مصدقك يا رعد، بس يا ريت متنساش إنك خاطب واحدة، وإنك لازم تغض بصرك. مفهوم يا رعد؟ رعد: مفهوم يا بابا. محمد: روفيدا خطيبتك وباباها ومامتها جايين بكرة. أنا عازمهم. وعلى فكرة روفيدا اشتكتلي منك كذا مرة. ويا ريت مسمعش منها شكوى تجاهك تاني. رعد: حاضر يا بابا. محمد: تقدر تتفضل دلوقتي، أنا خلصت كلامي. في أوضة رعد. طارق: فيه إيه يا رعد؟ مالك؟ أيان: هو عمي محمد قالك حاجة زعلتك طيب؟

رحيم: متقلقناش بقى عليك، اتكلم. رعد بضيق: بابا مفكر إن فيه حاجة بيني وبين قدر، وإني بحبها. طارق باستغراب: طب ما أنت فعلاً بتحبها. رعد بعصبية: إنت بتقول إيه؟ إنت اتجننت؟ أحب مين أنا؟ خاطب واحدة، ولا إنت مش واخد بالك؟ رحيم بغموض: وإنت مصدق حوار إنك خاطب روفيدا ده يا رعد؟ إحنا كلنا عارفين الحقيقة. رعد: ماشي، حتى لو مش عشان أنا خاطب، برضه أنا مش بحب قدر. هي مجرد سكرتيرة عندي.

أيان: أول مرة أعرف إنك ضعيف كده ومش قادر تعترف بمشاعرك. رعد بعصبية: اخرجوا بره كلكوا. طارق: ماشي يا عم، بس أوعدك إنك هتندم لما الفرصة تضيع منك. رعد ببرود: ماشي. يلا كل واحد يشوف رايح فين. طارق: ماشي سلام. الكل: سلام. دعاء: فيه إيه يا محمد؟ إنت متعصّب ليه؟ محمد بعصبية: إنتي إزاي لما عرفتي إن رعد بيحب قدر معرفتنيش وقتها؟ دعاء: فيها إيه يعني يا محمد؟ إن الواد يحب؟ هو غلط ولا حرام؟

محمد بطريقة: وهي الاخت اللي هو خاطبها دي كيس جوافة ولا إيه؟ دعاء بصوت واطي: يا عم كيس جوافة إيه دي آخرها رقاصة في الكباريه. محمد: بتقولي حاجة يا دعاء؟ دعاء بابتسامة: لا يا حج، هو أنا أقدر برضو. خلاص بقى، فضنا من السيرة الهباب دي. محمد: ماشي يا دعاء، مشوف آخرك إنتي وابنك. دعاء: آه ما إنت لما بتتعصّب منه بيبقى ابني أنا بس، غير كده بيكون ابنك. محمد بمشاكسة: خلاص، إحنا نسيبنا من ابن الـ*** دا ونركز في المهم.

دعاء: طب انت بتشتم ليه دلوقتي؟ وبعدين إيه المهم ده؟ محمد بمشاكسة: المهم إنك كل يوم بتحلوي أكتر، وأنا قلبي مش مستحمل كل الحلاوة دي. طارق: بقولك إيه يا دودوووو... الله! أنا شكلي جيت في وقت مش مناسب. طب يا حمادة، لاحظ إن فيه أطفال بريئة زي أيان ورحيم كده. محمد: وأنا مالي بيهم؟ يشوفولهم حتة يقعدوا فيها. دعاء: عيب كده يا حج. طارق بصوت أنثوي: أيوه يا دودو، قوليله يا حج، عيب يا حج، اختشي. محمد: غور من وشي يا طارق.

طارق: ماشي يا عم، مقبولة منك. يلا سلام، أنا هطلع أنام بقى. أيان ورحيم: استنى هنيجي معاك. الكل: تصبحوا على خير. الكل: وانتوا من أهل الخير.