رواية وما كتب العشق الا لها الفصل الرابع عشر 14 - بقلم ندى سمير

ملك بخوف: يا قدر هدي السرعة يا قدر هنموت. فجأة قدر وقفت العربية مرة واحدة، وده سبب في أن العربية اللي وراها خبطت فيها. "انتي مجنونة؟ طالما مش بتعرفي تسوقي بتسوقي من الأول ليه؟ قدر بعصبية: "لا دا أنت تستنى أنزلك بقى، ها كنت بتقول إيه؟ ملك: "خلاص يا قدر يلا نمشي." "غلطانة وبجحة كمان." قدر ببرود: "أنا مش هرد عليك." وركبت العربية ومشيت. "مجنونة بس قمر." عمر: "يلا يا مهند." مهند بابتسامة: "جاي، استنى شوية." في العربية.

عمر بمشاكسة: "فيه إيه ياسطا؟ أنت وقفت سرحت في البت كده ليه؟ عجباك؟ مهند: "طب بلاش أنت اللي تتكلم، وأنت بسم الله ما شاء الله كل يوم مرتبط بواحدة شكل." عمر بتكبر مضحك: "والله يا بني مش بحب أزعل حد." مهند بتريقة: "قلبك واسع." عمر بضحك: "أيوه، ويلا بقى هنتاخر على المعاد." مهند: "خايف على المعاد أوي يا خويا، دا أنا أول لما بروح بتسيبني وتروح تشوف البنات."

عمر: "على فكرة أنت ظالمني، أنا بشوف أخبار الشركة اللي أنت بتتعامل معاها وكل جديد عنها علشان محدش ينصب عليكم." مهند باستهزاء: "أيوه فعلاً، مصدقك." *** عند رعد. رعد: "بس أنا الأسبوع دا كله في شغل ضروري وأنا مش هكون فاضي، بعد أسبوع كده إن شاء الله نبقى ننزل نجيب الشبك." محمود والد روفيدا: "ماشي يا ابني، مش هيضر، أسبوع نستنى." محمد في نفسه: "ماشي يا رعد، قال مش فاضي قال، طب أشوفك سايب المكتب دقيقة كده."

رعد: "طيب، أستأذن أنا علشان عندي اجتماع." روفيدا بدلع: "طب أكيد هنخرج انهاردة يا بيبى؟ محمد: "استغفر الله العظيم." محمود بغضب: "روفيدا! روفيدا: "سوري يا بابي." رعد: "طب است... وهنا الفون رن. رعد: "دقيقة أرد على الفون." حور ببكاء: "رعد... رعد بخوف وقلق: "مالك يا حور؟ بتعيطي ليه؟ حور ببكاء: "أنا ضعت في مول... قدر شكلها مشيت وسابتني." رعد بغضب: "طب اهدى وأنا هتصرف، سلام." حور ببكاء: "سلام." رعد وهو بيرن على قدر.

قدر: "أيوه يا أستاذ رعد." رعد بعصبية وصوت عالي: "أنتي فين؟ قدر بعصبية: "أنا في البيت، وياريت تتكلم معايا بأسلوب أحسن من كده." رعد بغضب أعمى: "أنتي واحدة معندكيش دم، إزاي تسيبى حور لوحدها وهي متعرفش أي حاجة في المدينة دي؟ أنتي واحدة مستهترة." قدر: "أنا؟! رعد بعصبية: "أيوه أنتِ، ودلوقتي حالا تروحي المول وتجيبي حور من هناك، وحسابك معايا بعدين." قدر ببرود: "روح جيبها أنت." وقفلت المكالمة.

رعد بغير تصديق: "هي قفلت في وشي دلوقتي؟؟! والله لأوريكِ يا قدر، حسابك معايا بيزيد."