رواية وما كتب العشق الا لها الفصل الثالث عشر 13 - بقلم ندى سمير

حور بغموض: أي مكان نتكلم فيه هو صحيح الحرق اللي كان في جسم قدر لسه موجود ولا عملت عملية؟ قدر وملك بصدمة: انتي تعرفي عن حرق قمر إزاي؟ حور بضحكة: طب ليه مصدومين كده؟ إحنا لسه في البداية. قدر: انتي مين؟ حور بضحكة مريضة: أنا جنى. إيه افتكرتوني ولا لسه؟ ملك باستغراب: جنى مين؟ قدر بصدمة: جنى أحمد؟؟! حور: برافو، طول عمرك سريعة البديهة وذاكرتك كويسة. قدر بغضب أعمى: أنا هقتلك والله لو ما بعدتي عننا لقتلك.

حور: تؤتؤ، ليه بس كده يا نصيبي الحلو؟ مش دي برضه نفس الكلمة اللي محمد كان دايماً يقولهالك؟ ملك بغضب: قصدك اللي الحيوان كان بيقولها؟ حور: إيه دا؟ ملك بقى ليها لسان وبتتكلم أهي. قدر: انتي عايزة إيه يا جنى؟ إيه اللي جابك تاني؟ حور: جاية انتقم ي حبيبتي. انتي وعيلتك السبب في أن أهلي يموتوا.

قدر بغضب: مفيش حد كان السبب في موتهم غير الكلب أخوكي، الكلب اللي حاول يعتدي على أختي وهي لسه طفلة عندها 14 سنة. الكلب اللي إحنا اديناله الثقة وفتحناله بيتنا. حور بغضب: أنا هاخد حقي منكوا يا قدر وبأبشع الطرق. استني بس. قدر بعصبية وصوت عالي: انزلي من العربية حالاً بقولك انزلي. حور: ماشي ي قلبي، استنيني في مكتب رعد. رحيم: محمد، أنا عايز أعرف هو فيه إيه؟ إيه حكاية قمر؟

محمد بتوتر وخوف: لا لا مفيش حاجة. أنا لازم أمشي دلوقتي. هنا الباب خبط. رعد: اتفضل. السكرتيرة مي: آنسة روفيدا بره حضر... روفيدا بمقاطعة: بيبى وحشتني. إيه دا؟ إنت عندك ضيوف؟ يوسف بمشاكسة: واحنا ضيوف برضه ي رورو. روفيدا وهي بتحضنه: جو وحشتني أوي ي بيبى. طارق بتريقة: هو كله هنا بيبيه ولا إيه؟ روفيدا بدلع: يلا ي رعودي علشان بابي مستني بره. إيان باشمئزاز: رعودي؟ يوسف باستغراب: وهو والدك مستني رعد ليه؟

روفيدا بفرحة: علشان هنروح نشتري الدبل. الكل بصدمة: إيه؟ إيه ده يختي؟ رعد بغضب: روفيدا، فوقي ي حلوة. أنا عمري ما أخطبك، إنتي فاهمة؟ روفيدا بدلع: شكلك نسيت الورق ولا إيه ي بيبى؟ الشباب باستغراب: ورق إيه؟ روفيدا: لا، رعودي يبقى يقول لكوا بقى. أنا هستناكي مع بابي. متتأخرش عليا ي بيبى. رعد بص لها بنظرة متوعدة وسكت. بعد خروج روفيدا. رحيم: ورق إيه ده ي رعد؟ رعد بنبرة غامضة: ورق تنازل عن كل حاجة أنا بملكها.

إيان بصدمة: وهي عملت كده إزاي؟ رعد: مش عارف ي إيان. الورق قانوني وعليه إمضتي. أنا هتجنن. طارق: آه، هي بتستغل الورق ده في إنها تهددك صح؟ يوسف: وفيها إيه يعني ي رعد؟ هي حلوة وفي نفس مستواك ومع بعض من صغركم. اديها فرصة. رعد بعصبية: كان ممكن قبل ما تفكر إنها تهددني. وبعدين أنا عمري ما أتجوز واحدة مع كل واحد شوية. محمد: بس هي... رعد بمقاطعة: دي حياتي، واللي حاببها أوي كده يتجوزها هو. سلام. وسابهم وخرج. في عربية قدر.

قدر بعصبية: أنا هقتلهم لو حاولوا يقربوا مننا تاني. هقتلهم كلهم. ملك بخوف: قدر، ركزي في الطريق. قدر بعصبية وصوت عالي: ملك، متتكلميش معايا دلوقتي. ملكيش دعوة بيا. ملك بخوف: ي قدر، هدي السرعة ي قدر. هنموت...