رواية وما كتب العشق الا لها الفصل السابع 7 - بقلم ندى سمير

محمد: يلا يا شباب مش عايزين نتأخر. رعد: خلاص يا بابا إحنا خلصنا أهو، يلا يا شباب. محمد: كلكم جاهزين كده؟ فين مامتك يا رعد؟ طارق بمشاكسة: يا دودو تعالي سي حمادة بينده عليكي. دعاء بضحك: أنت مش ناوي تعقل خالص؟ رعد بابتسامة: استغفر الله يا ابني، دا أنا مش بناديها كده. أيان بضحك: آه دا أنت بتقولها يا دعاء على طول. رحيم بضحك: شوف يا حج علشان تعرف إنك معرفتش تربي.

محمد بضحك: والله شوفوا مين اللي بيتكلم، يلا علشان هنتاخر كده. الكل بسعادة: يلا. في الحفلة وائل: هما فين البنات؟ سعاد: لسه بيجهزوا فوق. وائل: طب قول لهم يجهزوا بسرعة، الضيوف ابتدت تيجي. سعاد: حاضر. عند البنات ملك: أنا خلصت، يلا علشان سوسو بتنادي علينا. قمر: أنا كمان خلصت. ندى: وأناااا خلصت، سوسو ذوقها جميل أوي. قدر بضحكة: طول عمرها يا حبيبتي ذوقها جميل. قمر بتذمر: على فكرة كده حرام، قدر خدت أحلى واحد.

ندى وملك: صح كده. غش: قدر. قدر باستخفاف: مش كل واحدة فيكم قالت لا، دا مش ذوقي. قمر بضحكة: معاكي حق بصراحة، متخيلناش إنه يطلع جميل كده. قدر بفخر: على فكرة هو حلو علشان أنا اللي لابساه. كلهم باستخفاف: فعلاً فعلاً، متواضعة جداً انتي. قدر بابتسامة: أنا مش هرد عليكم أصلاً، يلا ننزل الضيوف وصلوا. يلا محمد: بس اقف هنا يا رعد عايزين نشتري ورد. رعد: حاضر يا بابا، عايز لونه إيه؟ محمد: معرفش والله، اختار على ذوقك. رعد: تمام.

لما وصلوا الحفلة محمد: محدش فيكم يتحرك من جنبي، فاهمين؟ وخصوصاً انت يا طارق، مفهوم؟ طارق بزعل مصطنع: شوف ظالمني كده دايماً يا حجي. محمد بتريقة: آه يا عيني ظالمك أنا، عارف. يلا قدامي منك ليها. أيان بضحك: بقينا طول بعرض والناس بتعملنا ألف حساب، وفي الآخر ينادي علينا بـ "يلاد". دعاء بمشاكسة: بكرة هنسمع دلع كل واحد فيكم. الشباب: إحنا بنقول ندخل الحفلة أحسن. محمد ودعاء بضحك: ماشي يلا. محمد: إزيك يا وائل عامل إيه؟

وحشتني والله. وائل: والله وانت كمان وحشتني يا محمد، كل دي غيبة؟ محمد: قدرنا كده، بس إن شاء الله مش هنبعد تاني. وائل: إن شاء الله. محمد: تعال أعرفك على الشباب، دا رعد ابني، ودا طارق، وأيان، ورحيم، ولادي اللي مخخلفتهمش. وائل: منورين يا شباب. الشباب: بنورك يا فندم. وائل: فندم إيه بس، قولولي عمي. محمد بضحك: تصدق أول مرة أشوفهم بيتكلموا باحترام. دعاء وهي بتسلم على سعاد: هما فين البنات يا سعاد، مش هنشوفهم ولا إيه؟

سعاد: مش عارفة إيه اللي آخرهم كل دا، بيجهزوا. وائل بابتسامة: البنات وصلوا، أعرفك يا محمد، دي قدر، ودي قمر، بناتي، ودي ملك وندى، بناتي اللي مقدرش استغنى عنهم يوم واحد. محمد بابتسامة: بسم الله ما شاء الله، قمرات كلهم. البنات: شكراً يا عمي. دعاء: بسم الله ما شاء الله، عسولات أوي، ربنا يديمهم ليكي يا حبيبتي. سعاد: تسلميلي يا رب. محمد: هما الشباب والبنات مصدومين كده ليه؟ فيه إيه يا رعد؟

رعد وهو مصدوم: ها، ولا حاجة يا بابا. دعاء: مالكم يا شباب؟ أيان بصوت ضعيف وابتسامة: فاكرة البنت اللي حكيتلك عليها بتاعت مجلدات الأطفال؟ دعاء باستغراب: أيوه فاكرة، بس إيه اللي فتح الموضوع دلوقتي؟ رحيم بضحك: إنتي واقفة قدام الموضوع نفسه. دعاء بسرعة وبصوت عالي شوية: فين مرات ابني؟ الكل: ....